Números 6:9 - Biblia Mixe de Quetzaltepec

⁹ Pën o'kp yë ja'ay wyintuuy ets jëtu'un ëxëëk wyë'ëmëty ja kyuwaay, mëti'ipë ënäty wa'ats myëët'ajtypyën ma Tiosën. Kom wëxtujk xëëw tnëkä'pta'ajëty ja wyääy, jää ma ja näypyuj näjyä'ätsë tunyën.

Números 6:9 ပူးပေါင်းရင်းမြစ်များ

Números 6:18

Ënät ja nazareo ja'ay nëjkx ja wyääy tnëkä'pta'ay jam ma yajnitëkën ja wit tëjk ma ja näpyaatë y'ityën mëët yë Tios ets tjëënkupëkëty ja wyääy jëtu'un mëët ja ja'axy tyooyjyëtitëty. Ma ja wintsë'kën yajno'okyën, ko ja näy'ëëw'oy näykyajpx'oyë y'ity.

Hechos 18:18

Ënät ja Pablo ojts jyaak wë'ëmy kanaak xëëw jam Corinto. Ok ojts nyäjyëkajpxënë ma ja mëpëjkpëtëjkëtyën, ets mëët ja Priscila ets Aquila tyëjkëy jap kepy nëëwinye'epyëjoty ets nyëjkxtë jam Sirië y'itjotm. Jam Cencreas, jam ojts nyäkyukeepyë, ka'anëm ënäty tyëkë kepy nëëwinye'epyëjoty, jä'ä ko ojts tja'amyetsy ko ënäty jëtu'un ja waantakën të tpëjktä'äky.

Levitico 14:9

Ko wëxtujk xëëw nëjkx yë wyääy tnëkä'pta'ay, nëjkxëp nyäy'awaayjyepyë, nëjkxëp yë wyiinxëwaay tjepy ets tëkokyë yë nyi'u'kxy. Nëjkxëp yë wyit tpujy ets näjyëtu'un tsyi'iwëty xyëtsëty, täänëm wyë'ëmëty wa'ats.

Hechos 21:27

Ko ënäty wëxtujk xëëw kya'pxanë, ënät ja jutiis ja'ayëty mëti'ipë tso'ontëpën Asia ojts t'ijxpaatë ja Pablo ma ja mëjtsajptëjkën ets t'akajpxëtë ja ja'ay. Ni'ëmukë ojts ninëjkxtë ja Pablo ets tmajtstë,

Levitico 14:8

Pën ënäty wa'ats wë'ëmaanpën, pyujëp jyä'ätsëp yë wyit ets tsi'iwëp xëtsëp näjyëtu'un. Näy'awaayjyäpëtëp näjyëtu'un, ënätnëm nëjkx tyëkë ma ja naax kajpnën, je'eyëp ko ka'ap tyëkëty tyëkoty.

Números 6:8

Wa'ats ets kënu'kxy nyäyaj'itëtëty ma ja Wintsënën mapaat ja wyaantakën y'ëtuky.

Deuteronomio 21:12

Nëjkxëp twoownëjkxy ma tyëjkën ets t'ënëëmëty wä'än yë kyuwaay tnëkä'pta'ay ets kyë'ëxooky näjyëtu'un.

Ezequiel 44:27

Ko jatëkok tyëkëtëty jap tsajptëkoty ets ja tuunk jatëkok tyajtu'uye'eya'antëty mëti'ipë tyuunk'ajtëpën, nëjkxëp tu'uk tyaktë yë wintsë'kën mëti'ipë nyëë pyoky tyukunaxtëpën. Ëjts Wintsën, ëjts jëtu'un ni'ënä'ämëp.