Números 6:3 - Biblia Mixe de Quetzaltepec

³ Ka'ap mëpaat yë nëë t'uuky mëti'ipë mëkën, ka'ap yë keetsy t'uukëty mëti'ipë xunën mëti'ipë ta'amën, ka'ap yë tsatym tjë'kxëty mëti'ipë tsuxkën, ëkë mëti'ipë të'ëtsën.

Números 6:3 ပူးပေါင်းရင်းမြစ်များ

Lucas 1:15

Yë'ë ko mëj'äämpy ja m'u'unk y'ita'any Wintsën wyintuuy. Ka'ap yë tsatsym nyëë nëjkx t'uuky, ni wiinkpë mëknëë. Naamka'anëm ënäty myiny yaa naaxwiiny ets ja Kënu'kxymyëkajtën myo'ojëtëty ja winma'any ets ja mëk'ajtën.

1 Timoteo 5:23

Mëët ko xëmë mjotpëkyë, ka'ap yë tëtsyk nëë yi'iyë xy'uukëty, uuk wäänë näjyëtu'un ja tsatsym nyëë.

Efesios 5:18

Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

Amós 2:12

Miitsëty ojts xy'atsip'atë ja nazareo ja'ay ets y'uukëty myu'ukëtëty ets xy'akajpxtujktë ets këtiipë yë käjpxynyajxpë tnimëtya'akëty ja n'ayukës.

Jueces 13:14

Ko këtii yë tsatym nyëë t'uukëty, ets nëë mëti'ipë mëkën, jampë pyëtsimyën ma tsatymyë; ka'ap nëkooyë tii tjë'kxëty ka'apë kyënu'kxëtyën. Yi'iyë tyunëp mëti'ipës të ntuk'ëne'emyën.

Levitico 10:9

Ko mtëkëja'anëty jap tsajptëkoty ma ja wit tëjkën ma näpyaatë y'ityën, ëkë ko ja m'u'unk m'ëna'k jap tyëkëja'antëty; ka'ap mëpaat xy'uuktë oy tii nëë mëti'ipë mukpën, këtiipë m'ooktëty, tyaapë jëtu'unpë ënä'ämën kë'ëyxyëëw kë'ëyjyëmëjt y'itëty, tä tu'uk yë ënä'ämën tëyajtënën mëti'ipë itëpën u'unk ok.

1 Tesalonicenses 5:22

Ixmatstë mëti'ipë ka'ap y'oyëtyën.

Lucas 21:34

Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Tios tyajtëkatsëty.

Números 6:4

Mapaat ja wyaantakën ënäty y'ëtukyën, jëtu'un ka'ap tjë'kxëty ja tsatym ets tëkokyë jë'kxy pëky mëti'ipë tsatym mëët y'oytyunyëtyën.

Jueces 13:4

Tii tëy mtunëp këtii xy'uukëty yë tsatym nyëë, këtii xy'uukëty nitii nëë mëti'ipë mëkën ets ni yë'ë xykyajë'kxëty tii tsatym nyëë mëti'ipë ëxëëk yajpatpën.

Amós 2:11

E ka'ap tjëkyepy pën y'ëna'anëty ko ka'ap tyiyëty ko ojts jam njuutyës ma miitsëtyën yë ja'ay mëti'ipë ojts mpëjktä'äkyënës käjpxynyajxpë ets nazareo ja'ay. Yë Wintsën jëtu'un ënaanp.