Números 6:26 - Biblia Mixe de Quetzaltepec

²⁶ Wä'än ja Wintsën ja tsyojkën jya'awën tmëët'aty ma mijtsën ets jotkujk myaj'itëtëty.

Números 6:26 ပူးပေါင်းရင်းမြစ်များ

Salmos 4:6

May y'ëna'antë ja'ayëty: ¿Pën jëtää xy'ëktuk'ijxmëp ja oyajtën jotkujk'ajtën? Wintsën, ni''ijxkëtaktëkës mëët yë m'oyjot m'oywyinma'any.

2 Tesalonicenses 3:16

Ja Wintsën, mëti'ipë jotkujk'ajtën yäjkpyën, yë'ë tu'kë'ëyë mmo'ojëtëp ja jotkujk'ajtën oy tii tyunëtëty jyatëtëty. Wä'än ja Wintsën tyajpaaty ma miitsëtyën ni'ëmukë.

Salmos 29:11

Yë Wintsën myëkmoopy myëjaawmoopy yë nyaax kyajpn; yë Wintsën kyënu'kxyp yë nyaax kyajpn mëët yë akujkajtën jotkujk'ajtën.

Romanos 15:13

Ja Tios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Hechos 2:28

Tëës mijts xytyuknijawë ja në'ë tu'u mëti'ipës xyajja'tëpën ma ja juukyajtënën, ets mijts xyajjotkujkta'akaanpës mwintuuy mwinkujk.

Isaías 26:3

Wintsën mijts jotkujk xyaj'ity mëti'ipë mëk jyot wyinma'anyën, jä'ä ko mijts mtuk'ijxpäjtëp.

Romanos 15:33

Ja Tios mëti'ipë jotkujk'ajtën yäjkpyën wä'än yë'ë tyajpaaty ma miitsëtyën. Oy jyëtu'un'atëty.

Juan 20:21

Tääts ja Jesús jatëkok y'ënëmaayëtë: Jotkujk yajpaatë. Jëtu'un ijxtëmës ja Tios Teety të xykexyën, näjyëtu'un miits nkäxtë.

Salmos 42:5

¿Wi'ixës ko nkumon nkutukëty, ¿wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Tios yajtsokp yë'ë ets yaj'ëwaatsëpëtsëëmp.

Filipenses 4:7

Jëtu'un ja Tios mmo'ojëtëty ja jotkujk'ajtën mëti'ipë ka'ap myäyën tja'akyukëty ja naaxwiinyëtë ja'ay; ets ya'atë jotkujk'ajtën yë'ë kyëwent'atäämpy ja mjot mwinma'anyëty, mma'ayënëty mtajënëty ko ja Kristë Jesús të xymyëpëktë.

Lucas 2:14

Mëjjaw jaantyjawë ja Tios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Isaías 57:19

Etsës n'ënëëmëja'any nitëkokyë ja'ayëty: Ko wä'än tjotkujk'atë ja'ayëty jëkämpë ets wiinkonpë yajpaatën. Ëjts nyajtso'okäänpyës yë nnaax nkajpnës.

Isaías 26:12

Wintsën, mijts ëëts xyaj'oy'ijtp, mijts mtëy'ajtën'ajtp; mijts myaj'apatëtyääpy mëti'ipës nmëmaay nmëtajtëpën ntuna'antë.

Salmos 89:15

Wintsën, janty jotkujk yajpaaty yë naax kajpn mëti'ipë nyija'apën wi'ix akujk jotkujk myajwin'ëy myajwinyä'äxyën ets nyëye'ey tyu'uye'ey kutë'kxy mëët yë mtë'kxën mjajën.

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Hechos 10:36

Tios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Juan 20:26

Kom tuktujk xëëw, tëë ënäty ja Jesús ja y'ijxpëjkpëtëjk jatëkok jam ye'eymyuktë tëkotm, tam ënäty ja Tomás näjyëtu'un yajpaaty, ëtuky ja tëjk'aaw tyaj'itë. Ënät ja Jesús nyänyikëxë'kë, itkujky ojts wya'ak'oyë ets ojts tkajpxpo'kxy ja y'ijxpëjkpëtëjk, ets t'ënëmaay: Jotkujk yajpaatë.

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Miqueas 5:5

Yë'ë yajminäämpy yë jotkujk'ajtën ko ënäty yë Asiria ja'ayëty tukja'të yë naax kajpn ets tnitëkëtë yë kutujkëntëjk. Wëxtujk nëjkx ntuknikäjxëmë yë kopktëjk ets tuktujk yë ja'ayëty mëj'äämpyë y'itën.

Salmos 44:3

Ka'ap ojts yë'ëkyëjxmëty myëta'aktë ko tmëët'atë kyë'ë ets pyujxn mëti'ipë myëtsiptuuntëpën; ka'ap ojts yë it naaxwiinyëtë tpaatë. Mijts ojts winë xytyuny mëët yë mëk'ajtën ets mëjaaw. Yë mtë'kxën mjajën yë'ë ojts winë tyaj'ixyë, ko mëj këjää ënäty xytsyoky xyjyawë.

Efesios 6:23

Wä'än ja mëpëjkpëtëjk tmëët'atë ja jotkujk'ajtën, ja tsojkën ets ja mëpëjkën mëti'ipë ja Tios Teety ets Wintsën Jesukristë yajktëpën.

Romanos 5:1

Paaty ja Tios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Tios ko ja nWintsën'ajtëm Jesukristë të myiny naaxwiiny.