Números 6:2 - Biblia Mixe de Quetzaltepec

² Jëtu'un xy'ënëëmëty yë Israel ja'ayëty: Pën tu'uk yë to'oxytyëjk ëkë ye'etyëjk tyuunpy yë waantakën ma Wintsënën, ko jä'ä y'ita'any nazareo ja'ay, mëti'ipë jyuukyajtën të twaantä'äkyën ma yë'ëjën.

Números 6:2 ပူးပေါင်းရင်းမြစ်များ

Jueces 13:5

Jä'ä ko ja u'unk mëti'ipë myajminäämpy myajja'täämpyën naaxwiiny, jä'ä nëjkx yajtijy nazareo ma Tiosën, yë'ë Tios myëtunäämpy ets ka'ap nëjkx yë kyuwaay yajkeepy; jëtu'un'äämpy nëjkx tyaj'ëwaatsëpëtsëmy yë Israel kajpn ma filistejë ja'ayëty ëxëëk tyunëtën y'ënë'ëmxëtën.

Romanos 1:1

Ëjts Pablo, Kristë Jesús myëtuunpë. Tiosës të xywoowtsoy etsës nmëtunëty, të xytyuknipëkyës ets nkajpxwa'kxëtyës ja y'aaw y'ayuk oypyë.

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Tios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

Gálatas 1:15

E tëëtëm ënäty ja Tios xywyin'ixyës naamka'anëm nmëxu'unk'atynyëmës ets tëëtëm ënäty myëyajtën mëët xyaxtsoyës,

2 Corintios 6:16

Ka'ap tjëkyepy tu'ukyë yajpaatëty yë Tios yë jyëën tyëjk mëët yë awinax. Jä'ä ko jëtu'un ja Juukpyë Tios xyajwa'anëmë tsyënaaytyaknën. Jëtu'un ijxtëm ja Tios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Lucas 1:15

Yë'ë ko mëj'äämpy ja m'u'unk y'ita'any Wintsën wyintuuy. Ka'ap yë tsatsym nyëë nëjkx t'uuky, ni wiinkpë mëknëë. Naamka'anëm ënäty myiny yaa naaxwiiny ets ja Kënu'kxymyëkajtën myo'ojëtëty ja winma'any ets ja mëk'ajtën.

Proverbios 18:1

Ja'ay mëti'ipë atsojkpën, yi'iyë y'ixtääpy mëti'ipë tyuk'oy'atëpën, ka'ap jyä'äkyukë ko pën y'ëëwtë'ëy kyajpxtë'ëyë.

1 Samuel 1:28

Ëjts tëëjës ntuknipëjktaakë, koos yë'ë Wintsën nkë'ëmo'oja'any maapaat jyuuky'ätyën, jëtu'un yë'ë tmëtunëty ja Wintsën. Ënät ja teety Eli nyäkyoxtënaaytyakë ets wyintäky nyaaxkooy, tkukajpxë ja Wintsën.

Jueces 16:17

Paaty ojts tuk'ëwa'anëtyë ja Dalila maa jëtu'un ja myëjaaw tsyoonyën ets t'ënëmaay: Ëjts nijëna'ajës yë nwaay kyayajkeepy, jä'ä ko Tios ojts nyajtukë'ëwanës naamka'anëmës ënäty nminyëm naaxwiiny etsës yë'ë nmëtunëty; e koos ënäty jëna'a ja nwaay yajkä'pnë yë nmëjaawës ka'ap nëjkx jëtu'un n'ëkmëët'ajnës tä tyamën ets jëtu'unës nëjkx n'awinpijnë tä oy napënën.

Levitico 27:2

Jëtu'un xy'ënëëmëty yë Israel ja'ayëty, ko pën nyäkyukëpäta'anëtëty ma Tiosën ets jëtu'un ja wyaantakën tyaj'ëtuka'anëty.

Levitico 20:26

Miitsëty wa'ats mëpaat mnäyaj'itëtë ma ëjtsën, jä'ä koos mëti'ipë Wintsën'ajtpën wa'atsës ets miitsëty ëpëky të mpëjkta'aktë ma ja wiinkëtypë ja naax kajpnën ets jëtu'un'äämpyts mijts njä'ä'atëty.

Éxodo 33:16

Jä'ä ko pën mijts ka'ap mnëjkxy mëët ëëtsëty ¿wi'ix jëtu'un yë käjpxy y'ëna'anëty, ko ya'atë kajpn yë'ë mëët myëtyä'äky yë mputëjk mpupäjtën? Jä'ä ko ya'atë kajpn paaty jëtu'un tëkatsy yajtijtë ma wiinkëtypë kajpnën, jä'ä ko mijts myajTios'aty.

Hechos 18:18

Ënät ja Pablo ojts jyaak wë'ëmy kanaak xëëw jam Corinto. Ok ojts nyäjyëkajpxënë ma ja mëpëjkpëtëjkëtyën, ets mëët ja Priscila ets Aquila tyëjkëy jap kepy nëëwinye'epyëjoty ets nyëjkxtë jam Sirië y'itjotm. Jam Cencreas, jam ojts nyäkyukeepyë, ka'anëm ënäty tyëkë kepy nëëwinye'epyëjoty, jä'ä ko ojts tja'amyetsy ko ënäty jëtu'un ja waantakën të tpëjktä'äky.

Números 6:1

Ënät yë Tios ojts tmëkäjpxy yë Moisés ets t'ënëmaay:

Jueces 13:4

Tii tëy mtunëp këtii xy'uukëty yë tsatym nyëë, këtii xy'uukëty nitii nëë mëti'ipë mëkën ets ni yë'ë xykyajë'kxëty tii tsatym nyëë mëti'ipë ëxëëk yajpatpën.

Jeremias 35:6

Tää y'ëtsoowtë: Ëëtsëty ka'apës yë tsatym nyëë n'uuktë mëti'ipë tëë nyimaanaxyën, jä'ä ko yë Jonadab, yë Recab yë myaank, mëti'ipës nteety'ajt n'ap'ajtëpën ojts t'akajpxtuky, ko ëëtsëty nijëna'ajës mëpaat nka'uuktë yë tsatym nyëë mëti'ipë tëë nyimaanaxyën.

Números 30:3

Ko tu'uk yë to'oxy'ëna'k tii twaanta'akëty ma Wintsënën ëkë tuna'anëty tii winë ma ja tyeety yë'ë myëët'atyënëm.

Jueces 13:14

Ko këtii yë tsatym nyëë t'uukëty, ets nëë mëti'ipë mëkën, jampë pyëtsimyën ma tsatymyë; ka'ap nëkooyë tii tjë'kxëty ka'apë kyënu'kxëtyën. Yi'iyë tyunëp mëti'ipës të ntuk'ëne'emyën.