Números 6:12 - Biblia Mixe de Quetzaltepec

¹² Jëtu'un tyajtso'onta'akëty ja xyëëw jyëmëjt, ma ja Tios tmëtunëtyën. Ja mëjëyëjpë ka'ap kyëwentëtëkëty jä'ä ko ja kyuwaay tëë ënäty y'ëxëëkë. Myënëjkxëp tu'uk yë kupixyny mëti'ipë jyëmëjtën tu'uk ets Tios tukwintsë'ëkëty, mëët ko ënäty të pyokytyëkë.

Números 6:12 ပူးပေါင်းရင်းမြစ်များ

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

2 Juan 1:8

Näkyëwent'atëtë, këtiipë y'atëkoyëty ja ijxpëjkën mëti'ipë miits të myajtuk'ijxpëktën ets kä'pxy myajkumaytyëty.

Santiago 2:10

Ko ja ja'ay tpatuunta'ay ja ënä'ämën ets tu'uk ja ënä'ämën tkapatuny, pokyjotm wyi'im; jëtu'un ja nyäxy ijxtëm jeexyë nitu'uk ja ënä'ämën tkapatunyën.

Mateo 24:13

Temë pën xymyëpëjkpës mapaat jyëjpkëxyën, yë'ë nëjkx nyitso'oky.

Mateo 3:15

Tääts ja Jesús y'ëtsooy: Yajnëëpäjtkës jä'ä ko kopkpëky ets yajpatunëty ijxtëm ja Tios tsokyën. Ënät ja Juan tkupëjky.

Ezequiel 18:24

E ko yë wa'ats ja'ay t'ëxmatsëty ja oynyë'ë oytyu'u ets jä'ä tunëty ja ëxëëkpë mëti'ipës n'ëxëëk'ijxypyën mëti'ipë ëxëëk ja'ay tyuunpyën, ¿ko m'ëk may m'ëk tajtë, wä'än jëtää tääpë ja'ay jyuuky'atëtyë? Oy ënäty tii winë të tjatuny oy, ëjts ka'apës nja'amyätsa'any; yë'ë kopkpëky ko y'ookëty mëët ko ënäty të xykyawintsë'ëkës ets yë'ë nëjkx tku'ookë nyëë pyoky.

Levitico 14:24

Ënät ja teety t'ëxajëty ja kupixyny mëti'ipë ja ja'ay yäjkpyën ets ja poky jä'ä tkunaxëty, ma ënäty tii winë oy të tkatunyën ets tu'k'a'ukën ëpëky tyakëty ja on ets ja Tios tmo'ojëty ya'atë ayajk ako'onën.

Éxodo 12:5

Ja jëyujk mëti'ipë nëjkx xyaj'ooktën, yë'ë mëti'ipë ënäty ja jyëmëjt tu'uk të t'apetyën, yä'äypyë ets oypyë mëkpë; oy yë'ë'atëty yë kupixyny ëkë tsajppax.

Levitico 5:7

Pën kajts ja ja'ay nëkooyë ja wit meeny tmëëtëty, mëti'ipë tyukjuyëpën ja tsajppax ëkë kupixyny. Jyëkyäpëp yë'ë tyakëty Wintsën wintum mäjtsk yë muuxy ëkë yë kuuk mëti'ipë kyunaxëpën ja pyoky. Tu'uk mëti'ipë wintsë'kën'atëpën mëëtkyëjxm ja poky ets tu'uk mëti'ipë yajnino'okëpën.

Números 6:11

Tu'uk yë teety nëjkx tyäky yë muuxy, mëti'ipë yë poky kyunaxëpën ets tu'uk mëti'ipë yajnino'okëpën. Mëët ko ënäty të y'ëxëëktëkë mëët ja o'kpë. Jä'ä xëëw nëjkx jatëkok ja kyuwaay wa'ats wyi'imy.

Números 6:13

Ko ënäty kyä'pxy ja xëëw jëmëjt ma ja wyaantakën y'ëtukyën, ja nazareo ja'ay kënu'kxypyë jam mëpaat nyijkxy ma yajnitëkën ja wit tëjk ma ja näpyaatë y'ityën mëët yë Tios.