Números 5:9 - Biblia Mixe de Quetzaltepec

⁹ Tëkokyë yë ayajk ako'onën mëti'ipë yë Israel ja'ayëty tyuknipëjkë'këtëpën yë Tios, ets tukninëjkxtëty yë'ë ja teety mëti'ipë jyä'ä'atëpën.

Números 5:9 ပူးပေါင်းရင်းမြစ်များ

Éxodo 29:28

Tääpë yë'ë nëjkx tjä'ä'atë yë Aarón ets y'u'unk y'ëna'k, ya'atë ënä'ämën xëmë jëtu'un y'ijtëwëty ma Israel ja'ayëtyën. Ya'atë wintsë'kën yë'ë yajtukniyajkëtëp yë Israel ja'ayëty, ets Tios yajtukwintsë'ëkëp; ma jëtu'un ja nämyë'oyë y'ityën.

Levitico 10:13

Jam xyjyë'kxtëty ma tu'uk yë it naaxwiinyëtën wa'atspë. Tyaapë ayajk ako'onën mëti'ipë yë Tios yajtukwinno'kpën, mijts yë mpatëp mëët yë m'u'unk m'ëna'k. Yë'ëjës yë Tios të xytyuk'ëne'emy xytyuntëty.

Levitico 10:14

E yë katsy ets puuy mëti'ipë jëtu'unyë nayajyajkpën, jam mëpaat xytsyu'utstë ëwaatsëtuuy ma wya'atsëtyën, mëët ja m'u'unk m'ëna'këty, m'u'unk mto'oxytyëjk; jä'ä ko miits yë mpatëtëp ma ja Israel ja'ayëty tyaktën ja ayajk ako'onën, ko ja nay'ëëw'oy näykyajpx'oyë tuntë.

Levitico 10:15

Ja kyejky mëti'ipë ëpëky yajyajkpën, ja kyäty mëti'ipë ja Tios yajmoopyën, jam yajmënëjkxëty ma ja Tiosën ets yajtukwintsë'ëkëty ets yajtukwintsë'ëkëty tu'ukyë mëët ja nyi'on mëti'ipën yajtukwintsë'ëkëjaanpën, tyaapë yajnikäjpxyën yë'ë mjä'ä'atëp ets näjyëtu'un ja m'u'unk m'ëna'këty.

Levitico 6:26

Ja teety mëti'ipë ja wintsë'kën yäjkpyën, jyëkyäpëp tsu'utsëty ja nyitsu'uty, jap tsu'utsëty ma tu'uk yë it naaxwiinyëtë wa'atspë, jap ma ja nyitëja'awën ja wit tëjk ma näpyaatë y'ityën.

Levitico 7:32

Ja jëyujk puuy ja a'oypyë mëti'ipë ënäty të wyintsë'kën'atyën, ko ja nay'ëëw'oy näykyajpx'oyë y'ity, yë'ë mëpaat yë teety yajmo'oy tä tu'uk yë näykyuyakën.

Levitico 7:34

Jä'ä ko ja wintsë'kën mëti'ipë yajktëpën ja Israel ja'ayëty ets tuntë ja nay'ëëw'oy näykyajpx'oyë, ëjts yi'iyës ntsojkëp yë kyätsy, tä tu'uk yë ayajk ako'onën ets pyuuy yë'ë ja ja'ay natyukuyakëtëp. E yë Aarón mëët yë y'u'unk y'ok tëëjës yë jyä'ä nmo'otë mëti'ipë patëtëpën ma ja ayajk ako'onën tyaktën yë Israel ja'ayëty.

Números 18:19

Tëkokyë mëti'ipë yë Israel ja'ayëty ëjts xytyukniyajkëtëpën mijts yam nmoopy ets näjyëtu'un ja m'u'unk m'ëna'k ye'etyëjk to'oxytyëjk, mëti'ipë tsënaaytyëpën ma mjëën mtëjkën. Ya'atë ënä'ämën xëmë jëtu'un mëpaat y'ity. Ya'atë yë'ë tu'uk yë käjpxytyu'unën, mëti'ipës yam ntuunpyën mëët mijts ets m'u'unk m'ëna'k. Ets ka'ap tjëkyepy pën tyajtëkatsëty.

Números 31:41

Moisés yë'ë kyë'ëmooytyääy ja teety Eleazar, tëkokyë winë mëti'ipë ja Wintsën yajmoopyën, jëtu'un tä ënäty ja Wintsën të tni'ënä'ämën.

Números 5:8

Pën ja ja'ay mëti'ipë ënäty të yajmëtëkoyën tëë y'o'knë. Ets ka'ap ma pën yajmo'ojëpën ja mëti'ipë ënäty yajkujuuypyën. Yë'ë ja Wintsën jyä'ä'ajtyp, paatykyëjxm ja teety nëjkx yajmo'oy. Ëpëky näjyëtu'un ja kupixyny yä'äy mëti'ipë tëë yä'kpetyën mëti'ipë ja teety tyukwintsë'ëkëpën ja Tios ets tääpë ja'ay tpaatëty ja pokymyä'kxën.

Deuteronomio 12:26

E pën tëë xytyuknipëjktaakëtë ets m'ayajk m'ako'onën xyaka'antë, ëkë tëë tii yë Wintsën xytyukwinwanëtë, jam nëjkx xyaktë ma ënäty ja it naaxwiinyëtë të twin'ixyën.