Números 5:27 - Biblia Mixe de Quetzaltepec

²⁷ Pën janty ka'ap ënäty të tmëj'ixy ja nyiye'etyëjk. Ko ya'atë nëë t'uukëty, nëjkx jap kyëtä'äky myoxjoty ets nëjkxëp ja myox kyiixë'ëky nëkooyë mëj këjää, jëtu'un ënäty ijxpäjtën wyi'imy ma ja naax kajpnën.

Números 5:27 ပူးပေါင်းရင်းမြစ်များ

Jeremias 42:18

Ja Wintsën mëti'ipë maaytyääyëpën winë, mëti'ipë Israel ja'ay Tyios'ajtëpën, yë'ë ënaanp: Timjëtu'un ijxtëm ojts yë Jerusalén ja'ayëty xyajjoot'anpëktënës, timjëtu'un miitsëty xyajjoot'anpëka'antës ko mnëjkxtëty jap Egiptë. Ijxpäjtën nëjkx mwë'ëmtë ko ënäty të myajpoktë; atsë'ëk ajawë mjata'antë ets nijëna'a nëjkx mka'ëkwinpijnëtë ma ya'atë it naaxwiinyëtën.

Jeremias 29:18

Yë'ë mëët npajëtita'antës tsip, yuu xëëw ets pa'am ëyo'on. Ëjts nyajkutukäämpyës ets naax kajpn wiinkëtypë tsyë'ëkëtëty jyawëtëty ko ënäty t'ixtë ets ijxpät wyë'ëmtëty ma ja naax kajpnëtyën ko tëë yajpoktë ets wintsëtyu'un jëjptsëtyu'un të wyë'ëmtë, mëti'ipë nëjkx yë naax kajpn tsë'ëkëtën ets tmëkjawëtën ko ënäty tëë n'ëxwoptës ets të nwojpwa'kxtës.

Zacarías 8:13

Jëtu'un tä ojts miitsëty Judá ja'ayëty ets Israel ja'ayëty akäjpxy m'itën wiink naax wiink kajpn ko pën yajpoky, tyam jëtu'un miitsëty nyajtso'oka'antë ets akäjpxy m'ita'antë ko ënäty pën yajkënu'kxy. Këtii mtsë'ëkëtë. Jotmëk näpyëjkta'akëtë.

Jeremias 44:12

Ëjts nyajkutukäämpyës ko ja Judá ja'ayëty mëti'ipë të wyë'ëmtën ets y'ëna'antë ko jap Egiptë nyëjkxa'antë tsënääpyë, jap nëjkx y'o'kta'atë. Ni'ëmukë nëjkx y'o'kta'atë, mëj mutsk; tam mëti'ipë nëjkx y'ookyën tsipjotm ets mëti'ipë yuu ookaanpën ets ijxpäjtën nëjkx wyë'ëmtë ko të yajpoktë, ko o'ktëy të jyat të kyëpätë. Ko yaj'ixtëty, je'eyë nëjkx yajtsë'ëkëtë.

Jeremias 29:22

E ko ënäty yë Judá ja'ayëty pën tpoktë mëti'ipë jam Babilonyë yajpatëpën tsumy matsy, jëtu'un nëjkx y'ëna'antë: Yë Wintsën mtëytyunëtëp ijxtëm tëytyuunyën yë Sedequías ets Ahab, mëti'ipë yë Babilonyë yajkutujkpë yajjëëntëtsën.

Jeremias 24:9

Ëjts nyajkutukäämpy ets wiinkëtypë naax kajpn y'ëxëëk'ixëtëty mëti'ipë wiink naaxwiinyëtë yajpatëpën ets ijxpät wya'anëty ko ënäty ëxëëk të jyatë, ko ënäty ni pën kyatsokëtë, ko ënäty ja'ay y'ëxëëk'ixëtë ets ko ënäty të yajpoktë ma tu'kë'ëyë ja naax kajpnën ma awojpwä'kxy y'itën.

Isaías 65:15

Ja nja'ayës nëjkxëp tkajpxpaatë ja mxëëw ko ënäty pën tpoktë ëkë ko ënäty tsoktë pën y'ookëty. Ja ntuunpëtëjkës nyajtëkatsanëpës ja xyëëw.

Deuteronomio 28:37

Je'eyë nëjkx nëkoo ja'ay xy'ëtsë'ëkë, wiinkjaty mnimëtya'akëtëty ets mtukxi'ikëtëty maajaty yë Wintsën myajnëjkxyë.

2 Pedro 2:10

Tios tyiytyunäämpy ja mëti'ipë ja ëxëëk winma'any y'atsojkpyën ets mëti'ipë ka'ap tkupëkyën ja Tios ja kyutujkën. Winma'anytyuk yë'ëjëty ets tyuuntëp tii tyimtunantëpën; ka'ap tsyë'ëkëtë ko t'ojtë ja kutujkëntëjk mëj'äämpyë.

2 Corintios 2:16

Pën ja Kristë ja y'aaw y'ayuk kyamëjpëjktakëtëp, jëtu'un tjawëtë ya'atë pa'akxu'kpë ijxtëm yë tok xyuukyën; e mëti'ipë ja Kristë ja y'aaw y'ayuk myëjpëjktaktëpën, jëtu'un tjawëtë ijxtëm ja pa'akxu'kpë nëëjën ma jyuuky'ajtënëtyën. ¿Pën mëta'akëp ets tunëty ya'atë Tios ja jyä'ä?

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Eclesiastés 7:26

Tëës npaaty tu'uk yë winma'any mëti'ipë yajma'typën yë juukyajtën: tu'uk yë to'oxytyëjk mëti'ipë yë jot winma'any je'eyë tyuk'ëyi'kpyën ets tyajjaty yë aaw jot tsumpyën xotypyën. Mëti'ipë ja'ay jyä'ämyejtsypyën yë Tios kyukä'äkëp yë jëtu'unpë, e mëti'ipë najtspëkë ja'ay'ajtpën poj'am jam kya'ajëty.

Números 5:20

E pën ka'ap ja mniye'etyëjk të xymyëj'ixy të xymyëjpëjktä'äky ets të xymyëët'ity ja wiink ye'etyëjk ets jëtu'un të mnäyaj'ëxëëkëty.

Números 5:28

E pën ja to'oxytyëjk kajts ënäty tii të tuuntëkoy, ka'ap nëjkx wi'ix jyäty kyëpety. Je'eyëm nëjkx oy tsuj y'u'unk'ixy.

Salmos 109:18

Wä'än tyajtuknikäjpxy ja ëxëëkpë tä jeexyë yë wit yajtukxoxyën, ets tyuktëkëtëty jyootjoty pyajkjoty tä nëëjën ëkë onën,