Números 5:23 - Biblia Mixe de Quetzaltepec

²³ Ënät ja teety tkëxja'ajëty ya'atë pojkën ets nëjkx tnëëkupëky ma ja nëëjën mëti'ipë ta'amën ets jap wyinmujëty.

Números 5:23 ပူးပေါင်းရင်းမြစ်များ

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Salmos 51:9

Ka'ap mëpaat yë'ë xy'ix nnëë npokyës, po'ta'a tëkokyë yë ntuuntëko'oy nkajpxtëko'oyënës.

Salmos 51:1

Mijts Tios, mëët yë mtsojkën mja'awën, pa'ëyoow najts'ëyo'owëkës; mëët ja m'oyjot m'oywyinma'any ja mëjpë këjääpë, po'tëkës yë npoky.

Job 31:35

Jääpëk jeexyë pën t'ëkmëtoy yë n'aaw n'ayukës. Tyamës nwinkäätsëty yë ayuk mëti'ipës mëtëy nkajpxpëtsëëmpyën; tyam wä'än xy'ëtsoowinpityës yë mëti'ipë maaytyääyëpën winë. Ja aaw ayuk mëti'ipës ënäty xytyuknipëtsëëmtëpën maas xynyi'ëënëtën këxja'ay,

2 Crónicas 34:24

Ëjts mëti'ipë Wintsën'ajtpën jëtu'unës n'ëna'any: Ëjts nyajminäämpy tu'uk mëj ëyo'on ma mijtsën ets ma mnaax mkajpnën, jëtu'un tä jap tnikäjpxyën ja ëyo'on ma ja nokyën mëti'ipë ja yajkutujkpë të yajtukwinkukajpxën mëti'ipë jam Judá yajkutujkpën.

Deuteronomio 31:19

E paaty yam mijts ntuk'ëne'emy ets xyjyääypyätëty ya'atë ëy ets xytyukni''ixëty yë Israel ja'ayëty, wä'än t'ëwtë ets nëjkx yë'ë yajtukja'amyetsy, ko tëëjës ntukjoot'anpëktë.

Éxodo 17:14

Tä ja Tios t'ënëmaay ja Moisés: Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.

Números 5:22

Jëtu'un ëxëëk mjatëty ko ya'atë nëë xy'uukëty mëti'ipë myëët'ajtypyën ja pojkën. Ets ja to'oxytyëjk y'ëtsowëty: Wä'än jëtu'un tjaty tkëpety.

Números 5:24

Tä ja to'oxytyëjk tuk'uukëty ja ta'amnëë ets jap jyootjoty ta'amën kyëta'akëty.