Números 5:2 - Biblia Mixe de Quetzaltepec

² Ënëëmë yë Israel ja'ayëty ets tyajpëtsëmtëty yë ja'ayëty mëti'ipë ëxëëk yajpatëpën ma ja nyaax kyajpnëtyën. Tä ja'ayëtyën mëti'ipë pu'uts pa'am pëjkëtëpën, mëti'ipë myëjaaw tukjënajkëtëpën ma ye'etyëjk'ajtënëtyën, mëti'ipë të tontën muum yë o'kpë ets jëtu'un ëxëëk wyë'ëmtë.

Números 5:2 ပူးပေါင်းရင်းမြစ်များ

2 Reyes 7:3

E japts tëja'p ma ja naax kajpn yajnitëkën jap nimajktaxk yajpaatë yë pa'amja'ayëty, pu'uts pa'am pëjkëtëtëp mëti'ipë ka'ap tii nyitsooyën, nyäy'ënanëtë: Ëëtsajtëm ¿tiitën yaa ntu'unëmë, je'eyë yowë nëkoo ja o'kën ntimy ëwxijtënë?

Levitico 13:45

Ko pën yë pu'uts pa'am pyëkëtëty, yë'ë mëpaat yë wit tpëjktä'äky mëti'ipë këëtsën ets niwa'ats yë kyëpajk tyaj'itëty, wäänjaty wiinkujuuxë yajpaatëty ets mëk y'ëna'anëty: Ëxëëkës. Ëxëëkës.

Levitico 13:46

Ëxëëk yajpaatëty ko ja pu'uts pa'am pyëkëtëty, atu'uk jyuuky'atëty ets ka'ap kajpnjoty tyëkëty.

Levitico 13:8

Ko ja teety t'ixëty ja pa'amja'ay tëë ja xyi'ipyë kyëjääjë ma ja nyini'kxën, ënät nikajpxëty ko tääpë ja'ay ëxëëktum ënäty yajpaaty, jä'ä ko yë'ë pëjkëp ja pu'uts pa'am.

Levitico 14:8

Pën ënäty wa'ats wë'ëmaanpën, pyujëp jyä'ätsëp yë wyit ets tsi'iwëp xëtsëp näjyëtu'un. Näy'awaayjyäpëtëp näjyëtu'un, ënätnëm nëjkx tyëkë ma ja naax kajpnën, je'eyëp ko ka'ap tyëkëty tyëkoty.

Levitico 21:1

Ënät yë Tios ojts tmëkäjpxy yë Moisés ets t'ënëmaay: Mëëtmëtya'ak yë teetytyëjkëty, yë Aarón y'u'unk y'ok ets xy'ënëëmëty, ko këtii mëpaat nyätyukyaj'ëxëëkëtë, ko yë o'kpë toontëpëty, oy ënäty tjajëëky'at tjamëku'uk'atë mëti'ipë të y'ookyën.

Levitico 23:29

Pën jëtu'un jä'ä xëëw ka'ap y'ayuu'aty, oy tyimpënëty Kopkpëky ko nëjkx yajjo'otsy ma myëkunaax myëkukajpnën.

Números 12:10

Ko ja yoots jam jyëwä'ky ma ja wit tëjkën ma ja Tios kyëtä'äkyën. Ënät ja Maria ojts ja leprë pu'uts tyukpëtsëëmta'ayë, poop ja nyini'kx ojts y'awinpity. Ko ja Aarón y'ijxwinpijty, ënät t'ijxy ko tëëtëm ja pu'uts pa'am ja Maria nyatukpëtsëëmtaayënë.

Números 12:14

Ënät ja Tios y'ëtsooy: kooxyëpy yë tyeety jeexyë wyinkutsujëty, ëxëëk jeexyë wyi'imy wëxtujk xëëw. E paaty yam n'ënëëmë, ko yë'ë nitëjkëyëp wëxtujk xëëw tyëkoy'itëty ma ja naax kajpnën ets nëjkx muum jëkäm jyëtity, ko ënäty wëxtujk xëëw të nyäxy jyëkyäpëp jatëkok wyimpitëty.

Números 31:19

E tëkokyë pën të yaja'ay'ookyën ets pën yë o'kpë të tonyën, wë'ëmtë jam kajpnpë'am. Wëxtujk xëëw jam m'itëty. Jëtu'un tä miitsëtyën ets näjyëtu'un ja tsumjyä'äytyëjkëty nëjkxëp ja näyajwatsën tpaatë kom tëkëëk xëëw ets ja kom wëxtujk xëëw.

Números 5:1

Ënät ja Tios ojts tmëkäjpxy ja Moisés ets t'ënëmaay: