Números 5:18 - Biblia Mixe de Quetzaltepec

¹⁸ Ets ja to'oxytyëjk jam wya'ak'oyëty Tios wintum ets t'ënëëmëty ko ja wyääy tnajtsmatsëty ets tmo'ojëty näjyëtu'un ja ayajk ako'onën mëti'ipë ënäty ja nyiye'etyëjk të tyäkyën, mëët ko të jyoot'anpëky. Jä'ä jëtu'un ets yajnijawëty pën janty tëë pyokytyuny. E ja teety yë'ë nëjkx tpëjkë'ëky ja nëë, mëti'ipë ta'amën, mëti'ipë myëët'ajtypyën ja poky.

Números 5:18 ပူးပေါင်းရင်းမြစ်များ

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Tios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

1 Corintios 11:6

Pën ka'ap ja to'oxytyëjk nyäkyupe'enyë, nikë oy ko jeexyë tyimnäkyukeepyë. Ets pën tsëtyuump ko nyäkyukeepyë, wä'än näkyupe'enyë.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Tios. Ëjts Wintsën mëti'ipë maaytyääyëpën winë, ëjts ënaanp.

Isaías 38:17

Ix, tyam jotkujkës nyajpaaty, ets ka'ap n'ëkmoon n'ëktujknës. Mijts të xykyëwent'aty yë njuukyajtënës këtiipë kyuka'anaxëty jap jutjoty, jä'ä ko mijts tëë xymyä'kxta'ay yë npokyës.

Eclesiastés 7:26

Tëës npaaty tu'uk yë winma'any mëti'ipë yajma'typën yë juukyajtën: tu'uk yë to'oxytyëjk mëti'ipë yë jot winma'any je'eyë tyuk'ëyi'kpyën ets tyajjaty yë aaw jot tsumpyën xotypyën. Mëti'ipë ja'ay jyä'ämyejtsypyën yë Tios kyukä'äkëp yë jëtu'unpë, e mëti'ipë najtspëkë ja'ay'ajtpën poj'am jam kya'ajëty.

Proverbios 5:4

e ko wyimpëtsëëm jyëjpëtsëëmnë ta'amëm je'eyë jya'awëkyëtaknë, ets jëtu'un yajtsëtyujt yajwintëkooynyë tsujknën mäjtsk pa'apë jyëjpëtyën.

1 Samuel 15:32

Tä ja Samuel y'ënäny: Yajmintë yaa Agag mëti'ipë jam të y'ëne'emyën ma Amalec ja'ayëtyën. Tääts yë Agag jam myiiny ma Samuelën akujk jotkujk, jëtu'un myäy tyäjy ko tëë jotmay tuknaxy ets ja o'kën ëxëëkpë tsaatsypë ka'ap y'ëktukja'tanënë.

Deuteronomio 29:18

Ma miitsëtyën, ni pën tka'ëxmatsëty yë nyë'ë'aaw tyu'u'aaw yë nWintsën'ajtëm Tios ets tpanëjkxtëkëty ja wiink tios, mëti'ipë tääpë yë naax kajpn y'ëwtajtëpën. Ka'ap mëpaat yajpaaty ma miitsëtyën yë ja'ay mëti'ipë yë Wintsën jëtu'un jyawëpën tä yë ujts mëti'ipë ta'amën.

Números 5:22

Jëtu'un ëxëëk mjatëty ko ya'atë nëë xy'uukëty mëti'ipë myëët'ajtypyën ja pojkën. Ets ja to'oxytyëjk y'ëtsowëty: Wä'än jëtu'un tjaty tkëpety.

Números 5:17

Tääts wäänë yë kënu'kxynyëë tjä'pëtsëmëty jap tu'tsjoty ets jap tkuwookëty yë naaxway mëti'ipë ënäty të two'okë'ëkyën naaxkëjxy japë yajpaatyën ma Tios yë wyittëjkën.

Números 5:15

Pën jëtu'un y'ixë'aty, yë ye'etyëjk mëpaat tmënëjkxy yë tyo'oxytyëjk ma ja teetyën. Ets tkuyakëty yë tyo'oxytyëjk. Yë'ë yakëp yë tsajpmok mäjtsk tsim. Ka'ap tjëkyäpëty tuknitämëty yë on ja tsajpmokway mëti'ipë yäjkpyën. Jä'ä ko yë'ëkyëjxm ja tyäky ko të jyoot'anpëky. Ets yë'ëkyëjxm ja yajyäky, mëët ko tu'uk ja poky yajnijawëja'any.

Levitico 13:45

Ko pën yë pu'uts pa'am pyëkëtëty, yë'ë mëpaat yë wit tpëjktä'äky mëti'ipë këëtsën ets niwa'ats yë kyëpajk tyaj'itëty, wäänjaty wiinkujuuxë yajpaatëty ets mëk y'ëna'anëty: Ëxëëkës. Ëxëëkës.

1 Corintios 11:15

Ka'ap tsyëtyu'unëty ma ja to'oxytyëjkën, tyukmëjnajxyp jä'ä ko wyääy tyajyony, jä'ä ko tëë yë wyääy yajmo'oy yony ets ja kyëpajk nyitukëty.

Números 5:19

Ënät tuknikajpxëty ja to'oxytyëjk ets t'ënëëmëty: Pën janty ka'ap pën ye'etyëjk të xymyëët'aty ets ka'ap pën të mnätyukwin'ëënyë ets jëtu'un ja mniye'etyëjk ka'ap të xyajtëkooyë ja myëj'ajt wyintsë'kën. Ko ya'atë nëë xy'uukëty, ka'ap tii mjatëtëty.