Números 4:49 - Biblia Mixe de Quetzaltepec

⁴⁹ Ya'atë jaaymyujkën jëtu'un ojts pyëti'iky tä ënäty yë Tios të tuk'ëne'emyën yë Moisés. Tu'uktu'uk ja ja'ayëty ojts yajtuk'ëwa'anëtya'atë tii mëpaat tuntën ets tii mëpaat tpapëktën, jëtu'un tä ja Wintsën ënäty të tuk'ëne'emyën ja Moisés.

Números 4:49 ပူးပေါင်းရင်းမြစ်များ

Números 1:54

Yë Israel ja'ayëty jëtu'un ojts winë tuntë, tä ja Tios ënäty të tuk'ëne'emyën ja Moisés.

Números 4:31

Ja tyuunkëty mëti'ipë ënäty yë'ë tuka'ajëtëpën ma yajmëtsoona'anyën winë mëti'ipë yajpatpën ma ja wit tëjkën, ma näpyaatë y'ityën mëët yë Tios. Yë'ë nëjkx tmënëjkxtë ja kepyjyiity mëti'ipë jap tuunpën tsajptëkoty, ja kepy mëti'ipë winë mëët yajjëëpyën ets yajtukëëyi'ikyën ets ja xeny mëët ja nyi'ëjx.

Números 4:24

Tyaapë jëtu'un nëjkx tuunk'atë yë Guersón yë y'u'unk y'ok:

Números 4:21

Ënät ja Tios ojts tmëkäjpxy ja Moisés ets t'ënëmaay:

Números 4:15

Ko ja Aarón mëët ja myaank'ëna'k ënäty të twinpijta'atë tëkokyë winë mëti'ipë ëmaayëtyën ets jyëkyäjpnëp yajmëtu'utëkëty. Ënät nëjkx myintë ja Quehat ja y'u'unk y'ok, yë'ëts myënëjkxtëp jam ma ënäty jya'ta'antën. Këtii tëy nitii tontëty mëti'ipë ëmaayën këtiipë y'ooktëty, tëkokyë ya'atë apëjk atu'unën ets mëti'ipë jap tuunpën ma ja wit tëjkën ma ja näpyaatë y'ityën mëët yë Tios, yë Quehat yë y'u'unk y'ok yë'ë muum myënëjkxtëp.

Números 4:45

Jëtu'un ojts nyimay'atë ja Merarí ja y'u'unk y'ok, mëti'ipë jyëkyäjptëpën jap tyuntëty ma ja wit tëjkën ma ja näpyaatë y'ityën mëët yë Tios. Jëtu'un jap myiny ma ja jaaymyujkën mëti'ipë ja Moisés yajpëtë'ktën mëët yë Aarón, ko ojts jëtu'un ja Tios tyuk'ënä'ämëtë.

Números 4:41

Jëtu'un ojts nyimay'atë ja ye'etyëjktëjk ma ja Guersón ja y'u'unk y'okën, mëti'ipë jyëkyäptëpën tyuntëty ma ja wit tëjkën ma ja näpyaatë y'ityën mëët ja Tios, mëti'ipë ojts ja nyijaaymyujkën pyëtë'ëktën, mëti'ipë ja Moisés ets ja Aarón tyuunk'ajtën jëtu'un tä ënäty ja Tios të tyuk'ënä'ämëtën.

Números 4:37

Jëtu'un ojts yajjaaypyëtsëmtë ja ja'ayëty mëti'ipë ënäty tunantëpën ma ja wit tëjkën ma ja näpyaatë y'ityën mëët yë Tios, ma ja jaaymyujkën mëti'ipë ojts ja Moisés ets Aarón tyajpëtë'ëktën, tä ënäty ja Tios të tni'ënä'ämën.

Números 3:51

Tä ojts ja meeny jä'ä tkë'ëmo'oy ja Aarón mëët ja myaankëty, jëtu'un tä ënäty ja Tios të tyuk'ëne'emyën.

Números 2:33

E jä'ä ko Tios ënäty kë'ëm të t'ënëëmë ja Moisés ets këtii tyajnokytyëkëtëty ja Leví ja'ayëty, paatykyëjxm ojts ka'ap jap yajkëxja'atë ja xyëëwëty ma ja jaaymyujkën.

Números 1:47

Yë Leví ja'ayëty ka'ap jap yë xyëëw yajkëxjaaytyë ma jaaymyujkën, mëti'ipë ojts pyëti'ikyën, ma myëku'uktëjkëty yë xyëëw pyäjtën, yë'ë jëtu'un yë Israel ja'ayëty.

Números 5:1

Ënät ja Tios ojts tmëkäjpxy ja Moisés ets t'ënëmaay:

Números 4:32

Ja xeny mëti'ipë nyikupë'ajtëpën ja tëja'aw, mëti'ipë na'ëwtity yajpatëpën ma tsajptëjkën mëët ja nyi'ëjx, nyipa'tkonë, nyikupë nyitejpxy ets tëkokyë jënu'un mëët tyunyën. Mijts nëjkx kë'ëm xy'ënëëmë tii mëpaat tmënëjkxtën.