Números 4:37 - Biblia Mixe de Quetzaltepec

³⁷ Jëtu'un ojts yajjaaypyëtsëmtë ja ja'ayëty mëti'ipë ënäty tunantëpën ma ja wit tëjkën ma ja näpyaatë y'ityën mëët yë Tios, ma ja jaaymyujkën mëti'ipë ojts ja Moisés ets Aarón tyajpëtë'ëktën, tä ënäty ja Tios të tni'ënä'ämën.

Números 4:37 ပူးပေါင်းရင်းမြစ်များ

Números 3:27

Ja Quehat ja jyä'äy jä'ä xyëëwajtë Amram, Ishar, Hebrón ets Uziel,

Números 4:36

Jä'ä nyiwinë'ajtë ja ye'etyëjk mäjtsk mil ja wëxtujk mëko'px ja wëxtyikxy majk.

Números 4:38

Yë y'u'unk y'ok yë Guersón aakmëët yë y'u'unk tyo'oxytyëjk ets jyä'äyëty,

Levitico 26:46

Ya'atë jëtu'un ënä'ämën'ajtp tëy'ajtën'ajtp ets ijxpëjkën'ajtp, mëti'ipë ojts yë Tios tyajwë'ëmyën mëët yë Moisés ma Israel ja'ayëtyën jam ma ja kopkën, mëti'ipë xyëëwajtypyën Sinaí.

Números 3:16

Yë Moisés ojts ja jaaymyujkën tjantyyajpëtë'ëky, jëtu'un tä ënäty ja Tios të y'ënë'ëmxëtyën.

Números 4:47

mëti'ipë ja jyëmëjtëtyën i'px majk ets wëxtyikxy majk ets jyëkyäjptëp tyuntëty ma ja wit tëjkën ma ja näpyaatë y'ityën mëët yë Tios.

Números 4:49

Ya'atë jaaymyujkën jëtu'un ojts pyëti'iky tä ënäty yë Tios të tuk'ëne'emyën yë Moisés. Tu'uktu'uk ja ja'ayëty ojts yajtuk'ëwa'anëtya'atë tii mëpaat tuntën ets tii mëpaat tpapëktën, jëtu'un tä ja Wintsën ënäty të tuk'ëne'emyën ja Moisés.