Números 4:33 - Biblia Mixe de Quetzaltepec

³³ Ya'atë tuunk jëtu'un myëët'atëp ja ja'ayëty mëti'ipë ënäty të tyuka'ajëtën ets tyajpëtë'ëktëty ja wit tëjk ma ja näpyaatë y'ityën mëët yë Tios, mëti'ipë y'u'unk'ajtyp y'ok'ajtypyën yë Merarí ets yë'ë nëjkx twintsën'atë yë Itamar, yë myaank yë teety Aarón.

Números 4:33 ပူးပေါင်းရင်းမြစ်များ

Números 4:28

Ya'atë tuunk nëjkx tyajtu'uye'eytyë yë ja'ayëty jënu'un tyu'kunaax'at tyu'kukajpn'atën, mëti'ipë y'u'unk'ajtyp y'ok'ajtypyën yë Guersón jap ma ja wit tëjkën, ma ja näpyaatë y'ityën mëët yë Tios, mëti'ipë nëjkx twintsën'atën yë Itamar, yë Aarón yë myaank.

Isaías 3:6

Nëjkxëp tu'uk ja ja'ay ja y'uty t'ëk'ënëmaaynyë: Mijts jaaktam mwit mtujkxy, nikë oy mijts myajkutukëty ma ya'atë naax kajpnën taj xitpë yajpaatyën.

Josue 3:6

Ets ja teetytyëjkëty näjyëtu'un t'ënëmaay: Këëyë'ëktë yë kaaxë mëti'ipë käjpxytyu'unën myëët'ajtypyën ets xytyuknaxtëty yë mëjnëë jëyëjp ma mayjyä'äyëtyën. Ënät ja teetytyëjkëty tkëyë'ktë ja kaaxë ets jëwyiin tuknajxtë ja mëjnëë ma ja ja'ayëtyën.

Números 4:32

Ja xeny mëti'ipë nyikupë'ajtëpën ja tëja'aw, mëti'ipë na'ëwtity yajpatëpën ma tsajptëjkën mëët ja nyi'ëjx, nyipa'tkonë, nyikupë nyitejpxy ets tëkokyë jënu'un mëët tyunyën. Mijts nëjkx kë'ëm xy'ënëëmë tii mëpaat tmënëjkxtën.

Números 4:34

Yë Moisés mëët yë Aarón ets ja ja'ayëty mëti'ipë mëj'äämpy ijtëpën ma ja naax kajpnëtyën ojts ja jaaymyujkën tjantyyajpëtë'ëktë, tu'ukjaty ja ja'ayëty aakmëët ja y'u'unk tyo'oxytyëjk ets ja jyä'äyëty ma ja Quehat ja y'u'unk y'okën.

Éxodo 38:21

Yë Moisés ojts tni'ënä'ämë ets yë'ë ojts tuknipëky yë Itamar, yë teety Aarón yë myaank ets yë'ë tyu'uwinwowëty ma ja Leví ja'ayëtyën ets tmëtyoowmujkta'atëty tëkokyë ja pujxn mëti'ipë ënäty të tyunyën ma Tios ja jyëën tyëjkën, mëti'ipë myë'ijtypyën ja käjpxytyu'unën.

Números 7:8

E ja Merarí ja y'u'unk y'ok jä'ä ojts tmo'oy ja kepy wintëkäämpë taxk ets tuktujk yë tsajpkaa. Jää ko jëtu'un ënäty tyajmëyatë ma ja tyuunkëty tyajtu'uye'eytyën ets yë'ë wyintsën'ajtëp ja Itamar, yë Aarón yë myaank.