Números 4:3 - Biblia Mixe de Quetzaltepec

³ mëti'ipë jyëmëjtëtyën i'px majk ets wëxtyikxy majk jëmëjtpaat, mëti'ipë jyëkyäjptëpën tyuntëty jap ma ja wit tëjkën ma ja näpyaatë y'ityën mëët yë Tios.

Números 4:3 ပူးပေါင်းရင်းမြစ်များ

Números 4:23

Mëti'ipë jyëmëjtëtyën i'px majk ets wëxtyikxy majk jëmëjt, mëti'ipë jyëkyäptëpën jap tyuntëty ma ja wit tëjkën ma näpyaatë y'ityën mëët yë Tios.

1 Timoteo 3:6

Paaty ka'ap mëpaat yë'ë kyutuunk'aty ja ja'ay mëti'ipë naamnëm Tios mëpëjkpën; këtiipë nyämyëjpëjkta'akëtëty ets kya'ajëty ëxëëktum ijxtëm jyäjtyën ja mëjku'u.

1 Timoteo 3:1

Tëyajtën ya'atë: Pën jää pën t'atsoky ja kutuunk'ajtk, oytyuunk y'atsojkpy.

1 Timoteo 1:18

Timoteo, u'unk maay; mijts yam ntuknipëjkpy ets ja tsip xy'atänëty mëët ja mëpëjkën ets ja jot winma'any, jëtu'un ijxtëm ojts ja käjpxynyajxpëtëjk mnimëtyä'äkyën. Jënaakën, mëti'ipë ojts ka'ap tja'akyukën ja jyot wyinma'any, tëë nyäyajtu'utëkoyëtë.

Lucas 3:23

I'px majk ënäty ja Jesús ja jyëmëjt ko ja tyuunk tyajtso'ontäky. Jëtu'un ja ja'ay y'ëna'antë ko Jesús yë'ë José y'u'unk ets José Elí y'u'unk,

Esdras 3:8

Yë Zorobabel, Salatiel yë myaank ets Josué, Josadac yë myaank, mëët ja myëku'uktëjk, teetytyëjkëty ets Leví ja'ayëty ets nitëkokyë ja ja'ayëty mëti'ipë ojts yajmënëjkxtën jam Babilonyë, mëti'ipë ënäty jatëkok jam Jerusalén të wyimpitën, jä'ä ojts tkojjë'ëktë ja tsajptëjk, ma mëmäjtsk po'o y'änyën, ma tyu'uye'eyën ja mëmäjtskjëmëjtpë maju'unëm ënäty të wyimpitën jatëkok jam Jerusalén, ja tuunk jä'ä tyuknipëjktë ja Leví ja'ayëty, mëti'ipë ja jyëmëjt të t'apätën i'px tu'uk.

1 Crónicas 6:48

E wiinkëtypë ja myëku'uktëjkëty mëti'ipë Leví jyä'äy'äjtypyën, yë'ë ojts tmëwë'ëmtë ja wiinkëtypë tuunk mëti'ipë jap tuunk'ajtpën ma ja Tios ja tsyajpjëën tsyajptëjkën.

Números 16:9

Miitsëty, ¿wi'ix, namaa natiijën xyjyawëtë ko yë Tios të mwin'ixëtë ma Israel ja'ayëtyën, ets winkon myajpaatëty ma yë'ëjën ets mtuntëty jap ma ja tsyajptëjkën, ma ja naax kajpn xymyëtuntëtyënë?

Números 4:35

Mëti'ipë ënäty ja jyëmëjtëtyën i'px majk ets wëxtyikxy majk jëmëjtpaat ets jyëkyäjptëp jap tyuntëty ma ja wit tëjkën ma ja näpyaatë y'ityën mëët yë Tios.

Números 4:30

Yë nëjkx xyjyääypyëtsimy ja ye'etyëjktëjk pënjaty ja xyëëw jyëmëjtën i'px majk ets wëxtyikxy majk jëmëjtpaat ets jyëkyäptëp tyuntëty jap ma ja wit tëjkën ma ja näpyaatë y'ityën mëët yë Tios.

Génesis 41:46

I'px majk ënäty yë José yë jyëmëjt ko ojts yajmënëjkxy ma yajkutujkpën, mëti'ipë ënäty ënä'ämpë'ajtpën jap Egiptë. Ënät yë José nyäy'ëxmajtsë mëët yë yajkutujkpë ets tyëjkëy jëtijtpë maajaty ja kajpnën. T'aye'ey t'anaxy maajaty ja naax kajpnë mëti'ipë Egiptë nyitënääpyën.

Números 4:2

Yajpëtë'ëk tu'uk jaaymyujkën ma xykyëxja'ajëtyën yë xyëëwëty yë y'u'unk y'ëna'këty yë Quehat, mëti'ipë Leví ja'ayëtyën aakmëët yë y'u'unk tyo'oxytyëjkëty, y'u'unk y'ëna'këty,

Números 4:4

Yë tyuunkëty mëti'ipë tyuunk'atantëpën yë y'u'unkëty y'ëna'këty yë Quehat ëmaay yë oy ets yë'ë ya'atë.

2 Samuel 5:4

David jä'ä ënäty yë jyëmëjt i'px majk ko tyëjkëy tu'uwinwoowpë ets jä'ä ojts tyuny wëxtyikxy jyëmëjt:

Números 1:3

Wa'ats xyajnokytyëjkëtya'atëty yë ye'etyëjktëjk mëti'ipë jyëmëjtëtyën i'px. Ets jyëkyäjpnëtëp nyëjkxtëty tsiptuunpë, tyimja'tëty jëtu'un mëjja'aytyëjkpaat. Ets xytyuknija'awëtya'atëty ma tyuka'ajëtën nitu'ukjaty, ko wya'kta'aktëty. Ya'atë yam ntuk'ëne'emyën yë'ë mëët xytyuunk'atëty yë Aarón.

Números 1:50

Jä'ä ko yë Leví ja'ayëty yë'ë mëpaat jap xypyëjktä'äky ma wit tëjkën, mëti'ipë myë'ijtypyën yë käjpxytyu'unën. Ets yë'ë tkëwent'atëty tëkokyë mëti'ipë jap tuunpën ets mëti'ipë jap yajpatpën ma Tios yë wyittëjkën. Ko muum tääpë Tios yë wyittëjk yajmënëjkxëty, yë'ë nëjkx tyajpëtë'ëktë ets tmënëjkxta'atëty tëkokyë jënu'un jap tyunyën. Yë'ë jam tyimna'ittëp ya'atë Tios yë wyittëjk.

Números 4:47

mëti'ipë ja jyëmëjtëtyën i'px majk ets wëxtyikxy majk ets jyëkyäjptëp tyuntëty ma ja wit tëjkën ma ja näpyaatë y'ityën mëët yë Tios.

2 Crónicas 31:17

Ja teetytyëjkëty aak kuja'ay y'itë mëët ja y'u'unk y'ëna'këty y'u'unk tyo'oxytyëjkëty ets ja Leví ja'ayëty mëti'ipë jyëmëjt të t'apetyën i'px, wi'ixjaty ja tuunk të nyikääkëtën.