Números 4:16 - Biblia Mixe de Quetzaltepec

¹⁶ Yë Eleazar, yë myaank yë Aarón, yë'ë nëjkx tkëwentëpëky ja kutë'kxn ja nyi'on, ja poom mëti'ipë pa'kxu'kpën, ja aaypyajk ujtspajk mëti'ipës xymyo'otëpën ets ja on mëti'ipë winë mëët yajkënu'kxyën. Yë'ë nëjkx näjyëtu'un t'ixy tuny ja Tios ja wyittëjk ets näjyëtu'un jënu'un jap winëjaty yajpaatyën mëti'ipë ëmaayëtyën.

Números 4:16 ပူးပေါင်းရင်းမြစ်များ

Éxodo 25:6

Näyjyëtu'un yë on mëti'ipë mëët tyunyën yë kutë'kxn ets nyi'on yë pa'akxu'kpë mëti'ipë winë mëët yajtukkënu'kxyën ets janty oypyë xyuuky jyokyën;

Levitico 24:2

Tuk'ënä'äm yë Israel ja'ayëty ets tmëmintëty yë wa'atspë olivë on ets kutë'kxy jëtu'un xëmë tyë'kxëty jap tsajptëkoty.

1 Pedro 2:25

Jëtu'un miits të m'itë ijxtëm ja kupixyny tyëkoy'ityën, je'eyëp ko tëë jatëkok xynyiwinpitë ja Kristë, ets yë'ë mkëwent'atëtëty ijxtëm ja kupixyny këwent'ajtpën.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Tios ja jyä'äy. Winë aaw winëjot mtuntëty ijxtëm ja Tios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

Hebreos 3:6

E ja Kristë, jëtu'un jä'ä ijxtëm tu'uk ja u'unkën, oy tmëtuny ja Tios ma ja jyä'äyën, ëëtsajtëm yaj'antijëm; pën nmëpëjkëm ëmuumtu'ukjot mëti'ipë njëjp'ijxëmën.

Hebreos 3:1

Paaty mëku'uktëjkëty, ninu'un ja Tios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

1 Timoteo 2:5

Jä'ä ko tu'ukyë je'eyë Tios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

1 Corintios 4:1

Paaty miitsëty, je'eyë ëëts xytyijtëty Jesukristë pyutëjkëpë ets ko yë'ë të xytyuknipëktës etsës ja ja'ay ntuk'ijxpëktëty ja Tios ja wyinma'any mëti'ipë ijty kayajnija'apën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Tios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Tios jyä'äy'äjtypyën mëti'ipë të tku'ookën.

Lucas 4:18

Ja Tios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Números 3:32

Mëti'ipë ojts wyintsënkopk'atyën ma ja Leví ja'ayëtyën, yë'ë Eleazar, yë myaank yë teety Aarón. Ets yë'ë ojts t'ixy tuny ja ja'ayëty, mëti'ipë ënäty kyëwent'ajtëpën ja Tios yë wyittëjk.

Levitico 6:20

Ya'atë yë Aarón ets y'u'unk y'ok yaktëp ma Wintsënën ko ënäty yajtuknipëktë ja teety'ajtk, mäjtsk tsim yë tsajpkääkwyäy, kujkwä'kxy tyakëty jopyëp ets kujkwä'kxy tjaakyakëty jënäkxyëëw. Jëtu'un winjëpom tunëty, ka'ap mëpaat nitu'kxëëw nyinaxy.

Éxodo 37:29

Yë Besalel ojts näjyëtu'un tyaj'oyë ja kënu'kxy on, mëti'ipë winë yajtukkënu'kxpën ets ja poom mëti'ipë janty'oy pa'akxu'kpën, jëtu'un tuunk'ajty tä yë pa'akxu'kpë oytyuunpë tyaj'oyën yë tsooy.

Éxodo 31:11

yë on mëti'ipë mëët winë yajkënu'kxyën ets ja poom mëti'ipë pa'akxu'kpën jap ma tsajptëjkën, yë'ë nëjkx tuunk'atë jëtu'un tä yam të ntuk'ëne'emyën.

Éxodo 30:22

Ënät ojts ja Tios tmëkäjpxy ja Moisés ets t'ënëmaay:

Levitico 24:1

Ënät ja Tios ojts tmëkäjpxy ja Moisés ets t'ënëmaay:

Números 4:17

Ënät yë Tios ojts tmëkäjpxy yë Moisés ets Aarón ets t'ënëmaay: