Números 4:15 - Biblia Mixe de Quetzaltepec

¹⁵ Ko ja Aarón mëët ja myaank'ëna'k ënäty të twinpijta'atë tëkokyë winë mëti'ipë ëmaayëtyën ets jyëkyäjpnëp yajmëtu'utëkëty. Ënät nëjkx myintë ja Quehat ja y'u'unk y'ok, yë'ëts myënëjkxtëp jam ma ënäty jya'ta'antën. Këtii tëy nitii tontëty mëti'ipë ëmaayën këtiipë y'ooktëty, tëkokyë ya'atë apëjk atu'unën ets mëti'ipë jap tuunpën ma ja wit tëjkën ma ja näpyaatë y'ityën mëët yë Tios, yë Quehat yë y'u'unk y'ok yë'ë muum myënëjkxtëp.

Números 4:15 ပူးပေါင်းရင်းမြစ်များ

Números 7:9

Ja Quehat ja y'u'unk y'ok ka'ap ojts ja kyepy wintëkäämpë yajmo'otë, jä'ä ko ja mëti'ipë ijty yë'ëjëty myënëjkxtëpën muum, kejkkyijxy ijty tyajye'eytyë, mëët ko y'ëmaayjyätyëty.

Deuteronomio 31:9

Ënät yë Moisés tjaaypyejty ya'atë ënä'ämën ets tukë'ëtëjkëy yë Leví ja'ayëty mëti'ipë teety'ajtëpën jä'ä xëëw jëmëjt, mëti'ipë kyiiyjyëtijtëpën ja kaaxë, ma ja käjpxytyu'unën yajpaatyën mëët ja Wintsën ets näjyëtu'un tukë'ëtëjkëy ja mëjja'aytyëjkëty jampë yajpaatën ma ja Israel kajpnën.

Números 10:21

Ënät ojts näjyëtu'un tsyoontë mëti'ipë yë Quehat jyä'äy'äjtypyën, mëti'ipë myënëjkxtëpën ja apëjk atu'unën jënu'un jap tyunyën ma Tios ja wyittëjkën mëti'ipë ëmaayëtyën. Ko ijty jam jya'të ma ënäty jya'ta'antë, kojy tukja'anëtë ja Tios ja wyittëjk.

1 Crónicas 15:2

Ënät ja ënä'ämën ojts tyajwë'ëmy ets y'ënäny: Ka'ap tjëkyepy ni pën tonëty yë Wintsën yë kyaaxë, yi'iyë Leví jyä'äy patëtëp tontëty, jä'ä ko yë'ë kë'ëm yë Wintsën të wyin'ixëtë ets jam xëmë tyuntëty ma yë'ëjën.

1 Samuel 6:19

E ja Wintsën ojts tyaj'o'knë ja ja'ayëty jampë kyukajpn'atën Bet-semes, mëët ko ënäty të kyu'ixëtë jap kaaxëjoty kë'ëmwinma'any. Jä'ä y'o'ktë ja ja'ayëty oy nitëkë'px majkën. Ja naax kajpn mëk tja'awëtyë mëët ko ënäty ja Wintsën të tyajkutëkoy ja mayjyä'äy ko tukjoot'anpëjky.

1 Crónicas 15:15

Yë'ë kepy tyukpakëëytyë kyejkyijxyëty, jëtu'un tä ënäty ja Moisés të tni'ënä'ämën ma ja Wintsën ojts myëkäjpxyën.

2 Samuel 6:13

Je'eyë ënäty të tmënajtswa'akëtë tëtujk teky, ko ja David jam tu'uk ja wintsë'kën tyäjky Wintsën wintum, ojts tu'uk tyaj'ooky yë tsajpkaa yä'äypyë ets tu'uk yë tsajppax.

Josue 4:10

Ja teetytyëjkëty mëti'ipë kyiiytyëpën ja kaaxë, mëti'ipë myë'ijtypyën ja käjpxytyu'unën, jap ojts tmëwa'ak'oyëtë nëë'itkujky, tyam ja Israel ja'ayëty jyänty nyajxkojtë ets tuunta'atë tä ënäty ja Wintsën të tni'ënä'ämën ma ja Josuéjën. Tu'kë'ëyë tuuntaaytyë tä ënäty ja Moisés të tuk'ëne'emyën ja Josué. Ja ja'ayëty poj'am ojts jyänty nyajxkojtë,

Números 3:38

E jam xëëwpëtsëmtsyow, ma nyajts'ixën ja Tios ja wyittëjk ets wintuuytsyow ma nyajts'ixën ja wit tëjk ma ja näpyaatë y'ityën mëët yë Tios. Yë'ë ojts jam tsyënaaytyaknpëktë yë Moisés ets Aarón mëët yë myaankëty, mëti'ipë ojts tkëwent'atën ya'atë tsajptëjk ets jëtu'un'äämpy may tkutënaaytyë yë Israel ja'ayëty. Ko ijty pën nanëkoo t'atsoky ja teety tyuunk, o'kp ijty.

Números 1:51

Ko muum yajmënëjkxa'anëty, yë'ë jyittëp ets jatëkok tkojtëkatstëty ma ënäty të tmëja'tën. Pën nëkoo kë'ëmwinma'any myëwinkoonpy ya'atë tsajptëjk nëjkxëp y'ooky.

Éxodo 19:12

Pëjkta'ak yë tsëpa'an jam na'ëwtityë ma kopk ëjxën këtiipë ja'ay nëkoo nyaxtëty ets xy'ënëëmëtëty ko këtii nëkooyë jam pyätëty ets ka'ap winkon myintëty, jä'ä ko pën nëkooyë wyinkontë tsojk y'ooktëty.

Éxodo 27:7

Ya'atë kepy aak pë'aay xyajnaxtëty, jap yajtijnaxëty ma ja nyijäänë'ëk ënäty të pyetyën ets jëtu'un'äämpy tjëkyäpëty wi'ix muum yajmënëjkxëtyën.

Levitico 16:13

Jap t'apëkëty ja poom ma ja jëënpajkën jam Tios wintum, ja jok mëti'ipë jap pëtsëëmpën yë'ë nyijok nyiwiixëp ja kaaxë akë'ë, këtiipë ja Aarón y'ookëty.

Números 1:50

Jä'ä ko yë Leví ja'ayëty yë'ë mëpaat jap xypyëjktä'äky ma wit tëjkën, mëti'ipë myë'ijtypyën yë käjpxytyu'unën. Ets yë'ë tkëwent'atëty tëkokyë mëti'ipë jap tuunpën ets mëti'ipë jap yajpatpën ma Tios yë wyittëjkën. Ko muum tääpë Tios yë wyittëjk yajmënëjkxëty, yë'ë nëjkx tyajpëtë'ëktë ets tmënëjkxta'atëty tëkokyë jënu'un jap tyunyën. Yë'ë jam tyimna'ittëp ya'atë Tios yë wyittëjk.

Números 4:14

E jam nëjkx tëkokyë tpëjktakta'atë jënu'un winë tyunyën ko tii wintsë'kën yajyäky, tä yë jëënpajk ka'pnën, mä'ätë'knën, jä'pnën, mëj a'ukënën; tëkokyë jënu'un winë tyuunta'ayën ma wintsë'këntyaknën. Tëkokyë ya'atë yë'ë nëjkx tukwinpitë yë po'o'ak ets tpëjktakëtëty ja nyikepy mëti'ipë muum tyukmënëjkxtëpën.

Números 4:19

Këtiipë y'ooktëty, ko toontëpëty ja mëti'ipë wa'ats ets kënu'kxy yajpatëpën, mëti'ipë tëy tyuntëp. Yë Aarón mëët yë myaank ëna'k yë'ë mëpaat tuk'ëwaanëtë tii tyuntëpën ets mëti'ipë myënëjkxtëpën ko ënäty muum nyëjkxtë.

Números 4:20

Këtiipë jap xëmë tyëkëtëty tsajptëkoty ets t'ixtëty ja mëti'ipë wa'atsën ets kënu'kxyën ets jëtu'un ka'ap y'ooktëty.

Números 18:3

Yë'ëjëty jëjp'ixy nëjkx tyim'itëty ma ja tuunkën, mëti'ipë jap tu'uye'epyën ma ja wit tëjkën. Këtii tii tontëty, mëti'ipë japën ma wit tëjkën ma näpyaatë y'ityën ets ni tkamëwinkontëty yë wintsë'këntyakn. Jä'ä ko pën tyoontëp winë nëjkxëp y'ooktë ets näjyëtu'un miitsëty.

2 Samuel 15:24

Tam näjyëtu'un nyijkxy ja teety mëti'ipë xyëëwajtypyën Sadoc mëët nitëkokyë ja Leví ja'ayëty, yë'ë yajnëjkxtëp ja Wintsën ja kyaaxë, jam ojts tkëëypyo'kxtë ma ja Abiatar ja tyëjkën koonëm ja ja'ayëty tsyo'ontaaytyë.

1 Crónicas 23:26

Paaty yë Leví ja'ayëty ka'ap nëjkx nëkoo y'ëknäytyukmëje'emty'o'kënëtë ja tsajptëjk witnikojpyë, ja kaaxë ets tëkokyë mëti'ipë tuunpën jap ko kajpxtakën y'ity.

Éxodo 19:21

ets ja Tios y'ënëmaayë: Jënak tyam ets xy'ënëëmëty yë naax kajpn, ko këtii tninaxtëty ja tsëpa'an ets xy'ixa'antëtyës, këtiipë nimay y'ëk'o'knëtëty.

1 Reyes 8:3

Ojts myiinta'atë ja mëjja'aytyëjkëty jampë yajpaatën ma ja Israel kajpnën, tä ja teetytyëjkëty tkëëyë'ktë ja Wintsën ja kyaaxë