Números 4:14 - Biblia Mixe de Quetzaltepec

¹⁴ E jam nëjkx tëkokyë tpëjktakta'atë jënu'un winë tyunyën ko tii wintsë'kën yajyäky, tä yë jëënpajk ka'pnën, mä'ätë'knën, jä'pnën, mëj a'ukënën; tëkokyë jënu'un winë tyuunta'ayën ma wintsë'këntyaknën. Tëkokyë ya'atë yë'ë nëjkx tukwinpitë yë po'o'ak ets tpëjktakëtëty ja nyikepy mëti'ipë muum tyukmënëjkxtëpën.

Números 4:14 ပူးပေါင်းရင်းမြစ်များ

2 Crónicas 4:19

Yë Salomón ojts tni'ënä'ämë kyojëty tëkokyë ja apëjk atu'unën, mëti'ipë ënäty jap tunaanpën ma ja Wintsën ja tsyajptëjkën: Tä ja pu'ts pujxn wintsë'këntyaknën ets ja kaaypyäjn ma ja tsajpkääky yajkëxma'kxëtyën mëti'ipë ja Wintsën yajtukmëyojxpën,

Éxodo 27:3

Tëkokyë yë apëjk atu'unën jënu'un tyuna'anyën ma wintsë'këntyaknën aakyë'ë mëët xy'oytyunëty yë tsuxkpujxn: yë nyi'apëjkën ma nyipäta'anyën yë jaam, yë jä'pn, yë mëj a'ukën; jëënmä'tn ets jëëntooytyakn.

Números 4:6

Ets ëpëky nëkëjxy tukniyä'äptëty yë po'o mëti'ipë oytyunyën, tääts tukniyä'äptëty näjyëtu'un yë ukywyit nëkëjxy, tääts ënät tukjëëptëty ja nyikepy mëti'ipë yajtukëëyë'ëkëpën.

Números 4:13

E ja wintsë'këntyakn ma ja teetytyëjkëty ijty ja jëyujk tyaj'ooktën, yajxon nëjkx tyajwa'atstë, nyëpujta'atëp ja on ets ja kuyjaam, tääts nëjkx xytyuknipä'äntë ja tsu'unk wit.

Números 4:15

Ko ja Aarón mëët ja myaank'ëna'k ënäty të twinpijta'atë tëkokyë winë mëti'ipë ëmaayëtyën ets jyëkyäjpnëp yajmëtu'utëkëty. Ënät nëjkx myintë ja Quehat ja y'u'unk y'ok, yë'ëts myënëjkxtëp jam ma ënäty jya'ta'antën. Këtii tëy nitii tontëty mëti'ipë ëmaayën këtiipë y'ooktëty, tëkokyë ya'atë apëjk atu'unën ets mëti'ipë jap tuunpën ma ja wit tëjkën ma ja näpyaatë y'ityën mëët yë Tios, yë Quehat yë y'u'unk y'ok yë'ë muum myënëjkxtëp.

Éxodo 27:1

Oytyun tu'uk yë wintsë'këntyakn, taxk yë pya'a xyajkojëty tu'knax, yë'ë myajtunëp yë acacië kepy, jä'ä pya'a myëjwiin'atëty tu'kxajpk ja kujkm ets xyajkëjxm'atëty mäjtsk kë'ënux ja tu'ktsa'atsy.