Números 36:2 - Biblia Mixe de Quetzaltepec

² Yë Wintsën jëtu'un ojts m'ëne'emyë, ko mijts Moisés xyajwa'kxëty aak ijxpëtsëmy ja it naaxwiinyëtë mëti'ipë jyä'ä'atëpën ja Israel ja'ayëty ets ojts näjyëtu'un m'ëne'emyë ko ja it naaxwiinyëtë, mëti'ipë ja Selofhad ojts nyikääkëtyën, mëti'ipës nmëku'uk'ajtëpën yë'ë nëjkx xymyo'oy ja nyëëxëty.

Números 36:2 ပူးပေါင်းရင်းမြစ်များ

Números 33:54

E jä'ä nëjkx xyajwa'kxtë ijxpëtsëmy. Jëtu'un xynyijawëtëty jënu'unjaty tyuka'ajëtën ja ja'ayëty tu'kunaax tu'kukajpnëpë ma ja tu'kja'ayjyätypyën. Pën nimay ja ja'ayëty tyu'kunaax'at tyu'kukajpn'atë, mëj yë nyaax xymyo'otëty. E pën niwäänëty, wäänë yë nyaax xymyo'otëty. Tu'kkajpnjaty ja nyaax pyaatëtëty, jëtu'un tä ënäty tyuka'ajëtën.

Job 42:15

Yë Job janty'oy janty tsuj yë nyëëx kyëxë'ktë, kamaa ënäty jëtu'unpë to'oxytyëjk naaxwiinyëtë apëtsëmy y'oyëty tä yë'ëjëtyën. Yë tyeetyëty tu'knax ojts kyumayëtë tä ja yä'äy'ëna'këtyën.

Josue 13:6

E ka'ap tääpë jyotmayëty, n'ëxwojpta'ajäämpyës yam yë sitonyë ja'ayëty ma Israel ja'ayëtyën ets tëkokyë jënu'un jam tsyëënëtën kopkjotm, tsyo'ontä'äky jam Líbano ets Misrefot-maim. Mijts yë'ëmës kijpxwa'kx yë it naaxwiinyëtë ets xytyuknikäkëtya'ajëty tu'ukjaty yë Israel ja'ayëty, jëtu'un tä të ntuk'ëne'emyën.

Números 36:3

E yë'ëts ëëts nmëmaay nmëët'ajtëp, ko nëjkx yë'ëjëty pyëjknëtë mëët ja ye'etyëjkëty, mëti'ipë wiink ja'ayëtyën, ka'apë y'Israel ja'ayëtyën, ja naax kam mëti'ipë ja to'oxy'ëna'k të t'ëxajëtën yë'ë nëjkx ja wiink ja'ay tmëwë'ëmnëtë mëti'ipë ënäty mëët të pyëktën. Jëtu'un'äämpy nëjkx ëëts ja nnaaxëty nyajpëjkënëtë wäänjaty mëti'ipë ënäty të xytyukka'atënës ma të yaj'ijxpëtsëmyën.