Números 36:13 - Biblia Mixe de Quetzaltepec

¹³ Ya'atë ënä'ämën tëyajtën ojts yë Wintsën tmo'oy yë Israel ja'ayëty ma Moisesën, jam ma ja joyjyotën, mëti'ipë yë Moab ja'ay nyitënaaytyëpën winkon ma ja Jordán mëjnëëjën, ma Jericó mëët nyäwyinku'ixëtyën.

Números 36:13 ပူးပေါင်းရင်းမြစ်များ

Levitico 27:34

Ya'atë jëtu'un ënä'ämën'ajtp tëy'ajtën'ajtp, mëti'ipë yë Tios ojts tmo'oyën yë Moisés jam kopkkëjxm ma txëëwatyën Sinaí.

Números 22:1

Yë Israel ja'ayëty ojts tyu'uye'ey'ëtë'ëtstë ets jam jyajtë Moab. Joy jot ijty jam, jamts tsyënaaytyaknpëjktë awinmtsow ma ja Jordán mëjnëëjën, yë'ë mëët nyäwyinku'ixëty yë Jericó.

Números 35:1

Ënät yë Wintsën ojts tmëkäjpxy yë Moisés, jam joyjyotm ma tnitänën yë Moab, winkon ma ja Jordán mëjnëëjën, yë'ë mëët nyäwyinku'ixëty yë Jericó kajpn ets t'ënëmaay:

Números 33:50

Jam joyjyotm ma ja Moab tnitänën, winkon ma ja Jordán mëjnëëjën, jam ojts yë Wintsën tmëkäjpxy yë Moisés ets t'ënëmaay:

Números 26:3

Ënät yë Moisés ets Eleazar ojts t'ënëëmëtë yë Israel ja'ayëty ets jam nyëjkxtëty ma ja mëj joyën mëti'ipë yë Moab ijty nyitënääpyën. Ma nyäxyën ja Jordán mëjnëë, winkonpë wyi'imyën ma Jericó kajpnën.

Levitico 26:46

Ya'atë jëtu'un ënä'ämën'ajtp tëy'ajtën'ajtp ets ijxpëjkën'ajtp, mëti'ipë ojts yë Tios tyajwë'ëmyën mëët yë Moisés ma Israel ja'ayëtyën jam ma ja kopkën, mëti'ipë xyëëwajtypyën Sinaí.

Levitico 13:59

Yaa jëtu'un të yajnimëtyä'äky wi'ix yaj'ixëtyën yë wit, po'oxuy ëkë wit tä'äky, ko yë pu'uts pa'am pyaatëtëty ets yajnijawëty pën wa'ats ënäty ëkë pën ëxëëk.

Levitico 11:46

Yaa jëtu'un të yajnikäjpxy mëti'ipë ja jëyujkëty ëxëëkëtyën ets wa'atsëtyën, tä yë joonën ets mëti'ipë nëëjoty juukyajtëpën ets tëkokyë mëti'ipë jëtu'unyë naaxwin'a'tstëpën.

Números 36:12

yë'ë y'u'unk y'ok yë José yë myaank. Jëtu'un'äämpy ojts ja kyuma'ayënëty wyi'imy ma ja jyä'äyën mëti'ipë ja tyeety myëku'uk'ajtypyën.