Números 36:10 - Biblia Mixe de Quetzaltepec

^10-11 Ja Maalá, Tirsá, Hoglá, Milcá ets ja Noá ojts tpatuntë tä ënäty ja Moisés, ja Wintsën të tyuk'ëne'emyën. Yë'ë ojts mëët pyëktë ja yä'äy ëna'ktëjkëty mëti'ipë ja jyämtyëjk y'u'unk'ajt y'ëna'k'ajtëpën, ja tyeety ja jyiiky myëku'uk,

Números 36:10 ပူးပေါင်းရင်းမြစ်များ

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

2 Crónicas 30:12

Wintsën kë'ëm yajkutujk ets ja ja'ay may tja'akyukëtëty ja aaw ayuk mëti'ipë ja yajkutujkpë ets ja kutuunktëjk nyi'ënä'ämëtën, mëti'ipë ja Wintsën ënäty të tyuknipëkëtën.

Levitico 24:23

Moisés ojtsën jëtu'un ja naax kajpn t'ëwaanë ets ojts ja ja'ay jap tju'tnëtë naaxjoty kajpnjoty, mëti'ipë ënäty ja Wintsën të t'ëxëëktijyën, tä ojts tkuka'tsnëtë. Jëtu'un ojts tuntë ja Israel ja'ayëty, tä ënäty ja Tios ja Moisés të tyuk'ënä'ämën.

Números 36:9

Yë naax mëti'ipë ënäty të nyäkyumayë'atyën ka'ap mëpaat wiink ja'ay tjä'ä'aty. Nitu'ukjaty ja Israel ja'ayëty kyë'ëm naax myëët'atëp mëti'ipë ënäty të tyuka'ayën.

Éxodo 12:50

Yë Israel ja'ayëty ojts jëtu'un tuntë tä ënäty ja Moisés ets ja Aarón të y'ënä'ämëtën ja Wintsën.

Números 1:54

Yë Israel ja'ayëty jëtu'un ojts winë tuntë, tä ja Tios ënäty të tuk'ëne'emyën ja Moisés.

Josue 17:4

Ënät ojts tääpë to'oxy'ëna'këty tninëjkxtë ja teety Eleazar, Josué, mëjja'aytyëjkëty ets t'ënëmaaytyë: Yë Wintsën ojts t'ënëëmë yë Moisés etsës näjyëtu'un xymyo'otëty yë naaxëtyës, tä ja nmëku'uktëjkëtyës ja nyaax të tpëktën. Ënät ja Josué ojts tjantymyo'oy ja nyaaxëty ya'atë to'oxy'ëna'këty jëtu'un tä ënäty të yajmo'otën ja myëku'uktëjkëty.