Números 34:6 - Biblia Mixe de Quetzaltepec

⁶ E ja tsëpa'an mëti'ipë naxëpën anajnytsyow, jam nëjkx nyäxy ma ja mëjnëëpa'ajën mëti'ipë xyëëwajtypyën Naax'akujkpë mejy.

Números 34:6 ပူးပေါင်းရင်းမြစ်များ

Ezequiel 47:20

E xëëwkëtä'äky tsyowpë ja tsëpa'an, jam nëjkx nyäxy ma Mejyën Naax'akujkpyë y'itjotmën, tsyo'onta'akëty jam ma mëët yë Egiptë tyu'kmëtsëpa'anëtyën ets jya'tëty jampaat ma mejypya'ajën ma tsyo'ontaknën yë Hamat y'itjot.

Ezequiel 47:15

Mëti'ipë jam najxpën anëkëjxmtsow, jam tsyoonëty ma Mejyën Naax'akujkpyë, nyaxëty jam Hetlón ets jam Sedad y'itjotm,

Ezequiel 47:10

Jëtu'un tsyo'onta'akëty jam En-gadi ets tyimja'tëty jam En-eglaim ma mëj Ookpyë Mejyën, jam'atëp yë nëë jëyujk majtspëty, jam nëjkx tsyääy tyajtë'ëtstë. Nitii jam kya'ëmaaytya'aka'any ets kanaakjëjp yë nëë jëyujk yajpaata'any tä jamën ma ja Mejyën Naax'akujkpyë.

Josue 23:4

Tëës yë naax nyajwa'kxta'ay ma miitsëtyën ets aak ijxpëtsëmy të nyajwä'kxyës. Ka'ap ënät yi'iyëty të nyajwä'kxyës mëti'ipë të yajniwä'äkyën, näjyëtu'un të nyajwä'kxyës mëti'ipë ka'ap yajniwä'äkynyëmën. Tä ja mëti'ipë jam tso'ontakpën ma Jordán nëë jyënäkyën ets jyä'ty a'oytsyow ma ja Mejyën Naax'akujkpyë.

Josue 15:47

Ja kajpn mëti'ipë xyëëwajtypyën Asdod mëët ja myutsk kajpn ets ja pya'a nyux; ja Gaza mëët ja myutsk kajpnëty ets ja pya'a nyux ets tyimja'ty ma ja wokjot nyäxyën mëti'ipë Egiptë tso'onpën ets ma mëët nyäpyäätyë ja Mejy Naax'akukpë.

Josue 15:12

Jëtu'un jyëjpkëxy ja tsëpa'an jamtsowpë yajpaatyën awinmtsow, ja Mejy Naax'akukpë, jä'ä ijty tsëpa'an'ajtp. Ya'atë tsëpa'an ma ja it naaxwiinyëtën mëti'ipë ojts ja Judá ja jyä'äy tyuka'ajëtën ets jëtu'un ojts nyätyuknikäkëtya'ajëtë tä ënäty nyimay'atën.

Josue 9:1

Yë yajkutujkpëtëjk mëti'ipë jam ënä'ämtëpën ma Hit ja'ayëtyën, Amor ja'ayëtyën, Canaán ja'ayëtyën, Ferez ja'ayëtyën, Heve ja'ayëtyën ets Jebús ja'ayëty ojts tnijawëtë wi'ix ënäty të jyäty të kyëpetyën jam Aí. Ya'atë yajkutujkpëtëjk jam ënäty tsyëënëtë anajnytsyow'äämpy ma ja Jordán mëjnëëjën ets tëkokyë ma ja kopkjotmën, ma ja joyjyotmën ets jampaat ma ja Mejyën Naax'akujkpyë pya'ajën ets tyimja'ty jam ma ja Líbano y'itjotmën.

Josue 1:4

Miits nmo'ojantëp yë it naaxwiinyëtë jampë tsyo'ontä'äkyën ma të'ëts'itjotmën, nyäxy jam Líbano ets jyä'ty jam Éufrates, miits nëjkx xyjyä'ä'ajta'atë yë nyaaxjotëty yë Hit ja'ayëty ets jampaat ma Mejyën naax akujkpyë.

Números 34:5

Jam tsyoonëty Asmón ets jya'tëty ma ja mëjwokën ma mëët ja Egiptë ja tsëpa'an tmëët'atyën ets jyëjpkëxëty ma Naax'akujkpë mejy mejyën.

Números 34:7

E ja tsëpa'an mëti'ipë najxpën anëkëjxytsyow, tëyë jam nyaxëty, tsyo'onta'akëty ma ja Naax akujkpë mejyën ets jya'tëty jam ma ja Hor kopkën,

Deuteronomio 34:2

ma ja nyaaxjotmën ja Neftalí, Efraín, Manasés ets Judá; tyimja'ty jam ma ja Mejyën Naax'akujkpyë,

Josue 15:11

ets jam Ecrón yä'äp'ituuy anëkëjxytsyowpë wyi'imyën, y'ëwtity Sicrón ets tuknaxy ja Baalá kopk, tukpëtsëmy ja Jabneel y'itjot ets jyëjpkëxy ma ja Mejyën naax'akujkpë.