Números 34:5 - Biblia Mixe de Quetzaltepec

⁵ Jam tsyoonëty Asmón ets jya'tëty ma ja mëjwokën ma mëët ja Egiptë ja tsëpa'an tmëët'atyën ets jyëjpkëxëty ma Naax'akujkpë mejy mejyën.

Números 34:5 ပူးပေါင်းရင်းမြစ်များ

Josue 15:4

Ja tsëpa'an mëti'ipë jam najxë'kpën jëtu'un ijty tyimnëjkxy ets jyä'ty ma txëëwatyën Asmón ets jam tukpëtsëmy ja wokjot mëti'ipë tso'onpën Egiptë ets jyëjpkëxy ma ja mejyën naax'akujkpë. Ya'atë të yajnikäjpxyën yë'ë ijty tsëpa'an ëpa'tkë'ëmtsowpë.

Génesis 15:18

Jä'ä xëëw ojts ja Tios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Isaías 27:12

Jä'ä xëëw ja Wintsën nëjkx ja myëj'ajtën tyaj'ixyë, tyimtso'ontä'äky jam Éufrates ets tyimja'ty jam Egiptë. Jëtu'un tuna'any tä ja'ay tsajpmok tyajpajk'atyën; je'eyëp ko miitsëty Israel ja'ayëty tu'ukjaty nëjkx myajwinwoptë.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënäty jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

Josue 15:47

Ja kajpn mëti'ipë xyëëwajtypyën Asdod mëët ja myutsk kajpn ets ja pya'a nyux; ja Gaza mëët ja myutsk kajpnëty ets ja pya'a nyux ets tyimja'ty ma ja wokjot nyäxyën mëti'ipë Egiptë tso'onpën ets ma mëët nyäpyäätyë ja Mejy Naax'akukpë.

Ezequiel 47:19

E yë ëpa'tkë'ëytsyowpë jam tsyo'onta'akëty ma Tamar y'itjotmën, nyajxë'ëkëty jam Meriba-cades ets nyaxëty ma Egiptë wokën ets tyimja'tëty ma Mejyën Naax'akujkpyë.

Daniel 11:45

Jam nëjkx nyäpyëjktä'äkyë itkujky ma ja mejyën mëët nyäpyäätyë ja kopk wa'atspë ets oypyë tsujpë. Je'eyëp ko tëë ënäty tyukja'tyë ja xëëw jëmëjt ma y'ookanën ets jämyë nëjkx y'ooky ets ka'ap ni pën maa y'ëknimëtyakënë.