Números 33:52 - Biblia Mixe de Quetzaltepec

⁵² Nëjkxëp xy'ëxwojpta'atë yë ja'ayëty jampë tsyëënëtën, tukwojpëtyääyëtë yë nyaaxpotsyëty tsyaapotsyëty. Wa'ats xyajkutëkooytya'atëty ja y'it nyaaxwiinyëtë ma yë'ë wiink tios t'ëwtatën.

Números 33:52 ပူးပေါင်းရင်းမြစ်များ

Levitico 26:1

Këtii xy'oytyuntëty yë naaxpotsy ets awinax. Ni yë'ë yë tsaatsetsy xykyayaj'oyëtëty ets mëti'ipë wintsë'ëkë myaj'itëpën, këtii yë'ë xy'ëwtatëty. Jä'ä ko ëjts Wintsën, mëti'ipë miits mTiosajtëpën.

Éxodo 23:24

Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

Jueces 2:2

këtiipë mëët oy tii aaw tii ayuk xymyëët'atëty yë ja'ayëty mëti'ipë jam tsënaaytyëpën, ni'ikyë xyajkutëkooytya'atëty yë wyintsë'këntyaknëty. E miitsëty ka'apës xymyëmëtoowtë, wiinkjaty m'ëtëtstë.

Josue 23:7

Këtii ja mjot mwinma'anyëty nëkoo xyajjo'optëty mëët ja ja'ayëty yaapë tsyëënëtën. Këtii yë tyios xy'ëwtajtëtëty, këtii xymyëmëtowtëty, këtii xyëëw xykyajpxpatëtëty ets ni jää xykyakajpxpaatëty ko tii xyajtëytyëkëtëty.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënäty myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënäty amëj akëjxm jyä'äy'atën.

Deuteronomio 31:5

Ko ënäty ja Wintsën jëtu'un të tjantytyuny ets ënäty të mkë'ëmo'ojëtë ja naax kajpn, jëtu'un nëjkx winë xytyuntë tä ënäty yë'ë të tni'ënä'ämën.

Josue 9:7

Ja Israel ja'ayëty tyaa t'ëtsoowtë ja Heve ja'ayëty: Ëëtsëty wi'ixës n'uknijawëtëty pën janty jëkäm'itën mtsoontë, wä'änxyëp muum winkon mtsëënëtë; ¿E wi'ix jëtu'un ja käjpxytyu'unën ëëts n'ëktuntëty mëët miitsëty?

Josue 11:15

Yë Wintsën ojts yë ënä'ämën tmo'oy yë Moisés, e yë Moisés ojts ya'atë ënä'ämën tyajknaxy ets tmooy yë Josué, Josué yë'ë ojts tkuuytyuunta'ay.

1 Reyes 11:7

Jä'ä xëëw jä'ä jëmëjt yë Salomón ojts tu'uk tyajkojy yë tsyajptëjk ja Quemós, jamtsow awinm ma Jerusalén kajpnën, mëti'ipë yë Moab ja'ayëty myëjja'awëtëpën, ka'apë ninu'un y'ijxnëtyën ets ja Moloc mëti'ipë yë Amón ja'ayëty myëjja'awëtëpën; jam ojts tkojy ja tsajptëjk kopkkëjxm ma ja Jerusalén kajpn pa'tkën, maatsow yë xëëw pyëtsimyën.