Números 33:1 - Biblia Mixe de Quetzaltepec

¹ Yaa yajnimëtyä'äky maajaty ojts nyaxtën yë Israel ja'ayëty ko jap tsyo'ontë Egiptë waatswitsy tä yë tsiptuunpëtëjkëtyën, Moisés ojts wyinye'eyëtë mëët yë Aarón.

Números 33:1 ပူးပေါင်းရင်းမြစ်များ

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënäty mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

1 Samuel 12:8

Ko yë Jacob ojts mëët yë y'u'unk y'ëna'k jap nyëjkxtë Egiptë ets ëxëëk tyuunëtë yë Egiptë ja'ayëty, ja m'ap m'okëty ka'ap tmëmëta'akantën ja nätsyäätyunë. Paaty ojts ja Wintsën tmëkajpxtë ets tkejxy ja Moisés ets ja Aarón mëti'ipë yajpëtsëëmtën jap Egiptë ja m'ap m'okëty ets yaa tyajmiiny ma tyam yaa mtsëënëtën.

Josue 24:5

Ënätës nkejxy yë Moisés ets Aarón, etsës ntëytyuuny ja Egiptë ja'ayëty, koonëmës jap nju'ty ja Israel kajpn.

Éxodo 13:18

Paaty ojts jamtsow yaj'ëwtitëtë ma ja të'ëts'it të'ëtsjotmën ets jamtsow jya'ajtë ma tu'uk ja mëjmejyën mëti'ipë xyëëwajtypyën Tsaptsmejy. Yë Israel ja'ayëty jëtu'un jap Egiptë myäytsyo'ontë waatswitsy tä yë maytsyiptuunpë tsyoontën.

Éxodo 12:51

Jä'ä xëëw ojts ja Wintsën jap tju'tnë Egiptë ja nyaax kyajpn.

Éxodo 12:37

Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënäty ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë.

Números 33:2

Moisés wa'ats ënäty të tkëxjaaytyä'äy ja xyëëw ja it naaxwiinyëtë maajaty nyajxtën, jëtu'un tä ja Wintsën y'ënä'ämëtën. Ya myiny këxja'ay maajaty ojts tsyënaaytyaknpëktën ma tsyo'ontën ets jyaajtën.

Salmos 105:26

Ënät yë Tios tkejxy yë tyuunpë Moisés ets Aarón, mëti'ipë ënäty të twin'ixyën,

Éxodo 6:26

E ya'atë ojts y'itë Aarón ets Moisés, mëti'ipë ja Tios ënëmaayëtën ets tyajpëtsëmtëty ja Israel ja'ayëty jap Egiptë, jëtu'un tä yë maytsyiptuunpë muum nimay tsyoontën waatswitsy.

Éxodo 12:41

Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Tios ja nyaax kyajpn tsyo'onë jap Egiptë.