Números 32:7 - Biblia Mixe de Quetzaltepec

⁷ ¿Wi'ix ko jëtu'un mmaytyë mtajtë ets ja naax kajpn je'eyë xyajjotmaytyëkëja'antë. Këtiipë jya'tëty ma naax kajpnën mëti'ipë ja wintsën të myo'ojëtën?

Números 32:7 ပူးပေါင်းရင်းမြစ်များ

Hechos 21:13

E ja Pablo jëtu'un y'ëtsooy: ¿Tii ko mya'axtë etsës xyajkumon xyajkutukëtë? Ëjts tëëjës ntuknipëjktaakë wä'än timwyi'ixëty, nkupëkäämpës pën yajtsuumpës ets oyës ntimy'ookëty jam Jerusalén mëët koos yë Wintsën Jesús nmëpëky.

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Números 32:9

Ojts jampaat jya'të ma tu'uk mëj joyën jam Escol ets t'ijxtë tuuntë ja it naaxwiinyëtë. E ko ojts wyimpijnëtë wiinkjaty ja Israel ja'ayëty tmëmëtyaktë ets tyajjoot'amutskëtyë këtiipë jya'tëty ma ja it naaxwiinyëtën mëti'ipë ënäty ja Tios të myo'ojëtën.

Números 21:4

Ënät ja Israel ja'ayëty jam tsyo'ontë ma ja Hor kopkën ets nyëjkxtë ma ja mëjnëëjën mëti'ipë yajtijpën Ookpyë Mejy. Paatykyëjxm jamtsow y'ëwtijtë, jä'ä këtiipë nyaxtëty Edom. E jam tu'ujotm jam ojts ja mayjyä'äy ja myä'kxtujkën kyëjxnëtë.

Números 13:27

Ënät ja Moisés t'ënëmaaytyë: Tëës jam n'otstë maas ojts xykyäxtën. Jam janty ka'ap yë jë'kxy pëky y'ëmaaytyä'äky, yë jë'kxy pëky jëtu'un jam n'ijxmëty ka'ap y'ëmaaytyä'äky tä yë nëë pyëyi'ikyën. Ets tyaajës wäänë të nmëmintë, mëti'ipës jam të npaatën.

Números 13:4

Tyaa ja xyëëw yajnikajpxtë, mëti'ipë ojts nyëjkxtën: Samua, yë myaank yë Zacur, mëti'ipë jyä'äy'äjtypyën yë Rubén.

Números 32:6

Ënät ja Moisés y'ëtsoowëtë: ¿Tiitën miitsëty mmaaytyëp mtajtëp? ¿Wi'ix jä'ä m'ëna'antë: nëjkx yë mëku'uktëjkëty tsyiptuntë ets miitsëty yaa mwë'ëmantëpë?

Números 13:31

E ja mëti'ipë ënäty të pya'otsëtën ënät ojts y'ëtsowtë: Ka'ap tääpë ja'ay tjëkyepy nipëtë'kmëty. Yë'ëjëty mëk ni'ikëty, këtiinëm ëëts'ajtëmë.