Números 32:5 - Biblia Mixe de Quetzaltepec

⁵ Pën mijts m'a'ijxëp, yë'ëjës nja'amëtowantëp tääpë it naaxwiinyëtë ets jeexyë xymyo'otës ets jämyë nwë'ëmtëtyës. Ka'ap ninaxtëtyës yë Jordán mëjnëë.

Números 32:5 ပူးပေါင်းရင်းမြစ်များ

Jeremias 31:2

Jëtu'un yë Wintsën y'ënä'äny: Ëjts oyës ojts yë njot nwinma'any nyajkëxë'ëky jam të'ëts'itjotm mëët ja naax kajpn mëti'ipë kyukäktën ja o'kën. Ma ënäty ja Israel kajpn t'ixta'ayën ja po'kxtakn,

Ester 5:2

Ko ja yajkutujkpë t'ijxy tam tyänë ja yajkutujkpë Ester, janty yujy janty tëtä'äky ojts nyäpyëjktä'äkyë mëët ja Ester, ënätyë tuknikäjpy ja tyajk mëti'ipë oytyunyën mëët ja pu'ts pujxn mëti'ipë kyë'ëkap'ajtypyën ets jä'ä mëët tukmëjwo'ony.

2 Samuel 14:22

Ënät ja Joab ojts wyintä'äky nyaaxkoy, tyajnikëxë'ëky jëtu'un ja näywyinkutsë'kën ets ojts tkënu'kxy ja ënä'ämpë, t'ënëmaay: Tyamës ënät n'ixy, ko mijts Wintsën xy'oyjya'apës paaty të xyjyä'äkyukë ja winma'any mëti'ipës ënäty ëjts nwinma'any'äjtypyën ets tëë myajtuknijawë ets xytyunëty.

1 Samuel 20:3

Tä ja David ni'ikyë y'ënaan'ëtë'ëtsy: Yë mteety wa'ats tnijawë ko ëëtsajtëm oy näjya'awëmë, paaty yë'ë ka'ap mtuk'ëwa'anxëty këtiipë xywyiinkjawëty. Ëjts nikäjpxypyës yam ets wa'ats yë Wintsën t'ixy koos o'kën jëjp'amës n'ity.

Rut 2:10

Tä ja Rut tkukajpxëy ets wyintäky nyaaxkooy mëët ja wintsë'kën ets t'ënëmaay ja Booz: ¿Wintsën, tiijës ko xy'oyjawë, janty'oy mjot mwinma'any xyajkëxë'ëky mëët ëjts, oyës njëpyaat njëpyo'kxëty?

Josue 7:7

Tääts ja Josué ojts y'ënä'äny: Wintsën Tios, nikë oy jeexyë të xykyayajnaxtës ma mëjnëëjën. ¿Ix je'eyë ëëts yam o'ktëy njajnëtës nkëpäjnëtës ma Amor ja'ayëtyën, ëkë paatyën të xyajnaxtës ets ënät yë'ëjëty xyaj'ook xyajtëkoytyëtyësë? Ni'ik oy jeexyë ëëts jam të ntimwyë'ëmtë Jordán nëë'awinaxy.

Deuteronomio 1:37

Ets mëët miits mpokykyëjxmëty ojtsës yë Wintsën näjyëtu'un xytyukjoot'anpëky, etsës xy'ënëmaay: Mijts ka'ap nëjkx mtëkë ma tääpë naax kamën.

Génesis 19:19

Miitsëty mëjmëyajtën të xytyuntë koos yë njuukyajtën të xyajtsokëtë. Ëjts ka'apës njëkyepy nëjkxëty kopkkëjxm, jä'ä ko tsojkës yë ëyo'on muum xynyajtspaatëty etsës n'ëk'o'knëty

Números 32:4

mëti'ipë yë Tios të tnitsiptunyën ets Israel kajpn tmo'oja'any. Jëtu'un yaj'ixy janty'oy yowë jam wya'anëty jëyujk tënaaytyakn tsajpkaatënaaytyakn, e ëëtsëty nmëët'ajtëpës yë jëyujk tsajpkaa.

Números 32:6

Ënät ja Moisés y'ëtsoowëtë: ¿Tiitën miitsëty mmaaytyëp mtajtëp? ¿Wi'ix jä'ä m'ëna'antë: nëjkx yë mëku'uktëjkëty tsyiptuntë ets miitsëty yaa mwë'ëmantëpë?