Números 32:4 - Biblia Mixe de Quetzaltepec

⁴ mëti'ipë yë Tios të tnitsiptunyën ets Israel kajpn tmo'oja'any. Jëtu'un yaj'ixy janty'oy yowë jam wya'anëty jëyujk tënaaytyakn tsajpkaatënaaytyakn, e ëëtsëty nmëët'ajtëpës yë jëyujk tsajpkaa.

Números 32:4 ပူးပေါင်းရင်းမြစ်များ

Números 21:34

Ënät ja Tios t'ënëmaay ja Moisés: Këtii tääpë ja'ay xytsyë'ëkëty, ëjts tëëjës ntuknipëjktaakë, ko mijts nyajmëtaka'any ets ntukë'ëtëkëja'any tääpë yajkutujkpë mëët tëkokyë yë tsyiptuunpëtëjk ets nyaax kyajpn, timjëtu'un xytyunëty tä ojts jyäty kyëpetyën yë yajkutujkpë Sihón, mëti'ipë ënäty yë Amor ja'ayëty yajkutujkpë'ajtëpën jampë tsyëënëtën Hesbón.

Números 21:24

E ja Israel ja'ayëty ojts näjyëtu'un pyëtë'ëktë ets nyäkyuwanëtë. Ka'ap tyajmëtaktë ja yajkutujkpë Sihón, ëxëëk tuuntë; jëtu'un'äämpy ojts tniwa'aktë ja nyaax kyam, mëti'ipë jampaat najxpën ma ja mëjnëëjën mëti'ipë xyëëwajtypyën Arnón ets jyä'ty jam Jaboc. Jam ma ja Amón ja'ay mëët nyäpyäätyë ja nyaaxjotëty. Tääpë naax kam napotsy ënäty tmëët'atë.

Números 32:5

Pën mijts m'a'ijxëp, yë'ëjës nja'amëtowantëp tääpë it naaxwiinyëtë ets jeexyë xymyo'otës ets jämyë nwë'ëmtëtyës. Ka'ap ninaxtëtyës yë Jordán mëjnëë.

Deuteronomio 4:38

Ojts tyajkutëkoy mëjëtypë naax kajpn, ma miits kë'ëm xytyim'ijxtën ets miits myajmo'oja'antë, tä tyam yaj'ixy yajtunyën.

Números 21:35

Yë Israel ja'ayëty ojts tyaj'ooktë ja Ok mëët yë y'u'unk y'ëna'k ets tsyiptuunpëtëjk. Nitu'uk ojts tkayajwë'ëmtë juuky, jëtu'un'äämpy tniwa'ktaaytyë ja nyaax kyamëty.

1 Crónicas 4:41

E jää ma yajkutujkyën ja Ezequías, Judá jyä'äy; jää ojts ya'atë ja'ay jam jya'të, mëti'ipë të yajnikajpxtën ets tyajkutëkootyääytyë winë, tääts yë'ë ojts tmëwë'ëmtë ja naax kam, jä'ä ko janty'oy t'ijxtë ja it naaxwiinyëtë, jyëkyejpy ja jëyujk jam tyänëtëty.

Jeremias 50:19

Ëjts nyajwinpitäämpy jatëkok yë Israel ja'ayëty ma nyaax kyajpnëtyën, jëtu'unës nyajwinpita'any tä tu'uk yë kupixyny yajtukniwoyën yë jyi'kxy jam Carmel, Basán, ëkë ma Efraín kyopk jotmën, jam Galaad.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.