Números 32:39 - Biblia Mixe de Quetzaltepec

³⁹ Ja y'u'unk y'ok Maquir, yë myaank yë Manasés, yë'ë ojts jam kyajpntëkëtë ma ja Galaad ënäty tnitänën ets yë'ë tjä'äniwantë ojts t'ëxwojpta'atë ja Amor ja'ayëty mëti'ipë ënäty jam yajpatëpën.

Números 32:39 ပူးပေါင်းရင်းမြစ်များ

Génesis 50:23

ojts tjaak'ixy yë Efraín yë y'ok'u'unk y'ok'ëna'k ets näjyëtu'un tjaak'ijxy y'u'unk y'ëna'k yë y'ok'u'unk mëti'ipë xyëëwajtypyën Maquir mëti'ipë ënäty y'u'unk'ajtypyën yë Manasés.

Josue 17:1

Ya'atë jëtu'un ja itjot naaxjot mëti'ipë ojts tyuka'ajëtën ja Manasés ja jyä'äy, mëti'ipë kyä'äxkopk'ajtypyën yë José. Mëjëyëjp ja Maquir mëti'ipë kyä'äxkopk'ajtypyën yë Manasés, yë Galaad yë tyeety. Tsip'ixy ijty yajxon, yë'ë ojts tyuka'ayë ja Galaad ja y'itjot nyaaxjot jampë yajpaatyën Galaad ets Basán, a'oytsyow wyi'imy ma ja Jordán mëjnëëjën.

Números 26:29

Ma Manasés yë jyä'äyën yë Maquir yë jyä'äy, e ma Maquir yë y'u'unk y'ëna'kën yë Galaad yë jyä'äy.

Deuteronomio 3:15

Yë Maquir yë'ëjës ojts nmo'oy yë Galaad yë y'it nyaaxwiinyëtë.

Jueces 5:14

Ojts yë Efraín yë jyä'äyëty näjyëtu'un tsyoontë ets ojts nyëjkxtë jam joyjyotm tsiptuunpë, ojts näjyëtu'un pyanëjkxëtë yë Benjamín yë jyä'äy. Ojts tsyoontë yë Maquir yë wyintsëntëjkëty, ets Zabulón yë kyutuunktëjkëty.

Jueces 10:8

Yë Amón ja'ayëty ets filistejë ja'ayëty ëxëëk tuuntë yë Israel ja'ayëty mëti'ipë jam tsënaaytyëpën Galaad, jamtsow awinmtsow ma Jordán nëë jyënäkyën, ma nyaaxjotëtyën yë Amor ja'ayëty.

2 Samuel 24:6

Jam tsyo'ontë ets nyëjxtë Galaad ets Cadés, ma ja Hit ja'ay tsyëënëtën. Jam tsyo'ontë tääts ojts jya'të Dan, Dan nyajxë'ktë ets jam y'ëwtijtë Sidón.