Números 32:38 - Biblia Mixe de Quetzaltepec

³⁸ Nebo, Baal-meón ets ja Sibmá, ojts kanaak ja kajpn xëëw tyajtëkatstë ets tpëjktaktë ja kyë'ëm xëëwëty, mëti'ipë ënäty të tkoj'oyëtën ja naax kajpn.

Números 32:38 ပူးပေါင်းရင်းမြစ်များ

Isaías 46:1

Wintakp naaxkoop yë Bel, yë Nebo ka'ap nitii t'ëktuunë; Jëyujk këjxy yajmënëjkxtë yë y'awinaxëty, je'emty yë jëyujk tjawëtë mëti'ipë të y'ënu'kxëtën.

Números 32:3

Yë'ëjës yam njanikajpxantëp, ko yë it naaxwiinyëtë mëti'ipë jam yajpatëpën Atarot, Dibón, Jazer, Nimra, Hesbón, Elalé, Sebam, Nebo ets Beón,

Josue 23:7

Këtii ja mjot mwinma'anyëty nëkoo xyajjo'optëty mëët ja ja'ayëty yaapë tsyëënëtën. Këtii yë tyios xy'ëwtajtëtëty, këtii xymyëmëtowtëty, këtii xyëëw xykyajpxpatëtëty ets ni jää xykyakajpxpaatëty ko tii xyajtëytyëkëtëty.

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.

Salmos 16:4

ni'ikyë tyajmayëtë y'awinax ets t'ëwtatë. Ëjts nijëna'ajës jam nkayajpaata'any ma jëyujk ne'pyny tämtë tjä'ätstën. Nijëna'ajës nkaxëëwkuuykyajpxa'any.

Números 22:41

Komjëpom ënät ojts ja Balac tnimiinkojy ja Balaam ets jam twoowpejty ma ja Banot-baal kopkën, ma yajxon wa'ats kyëxë'ëkyën ma ja Israel ja'ayëty të tsyënaaytyaknpëktën.

Génesis 26:18

Tä tyaj'ëwatstaay ja nëëjut jatëkok, mëti'ipë ënäty ja tyeety Abraham të tyaj'ëwa'atsyën, ma ënäty të jyuuky'ätyën. E ko ojts y'o'knë, ënät ja filistejë ja'ayëty ojts naaxtukjä'pëtya'atë. Yë Isaac je'eyëm jatëkok txëëwmooy ja nëëjut tä ënäty ja tyeety të tijyën.

Números 32:37

E ja Rubén ja y'u'unk y'ëna'k ojts näjyëtu'un tkoj'oyëtë ja naax kajpn mëti'ipë yajtijtëpën Hesbón, Elalé, Quiriataim.

Esdras 10:43

Ma ja y'u'unk y'okën yë Nebo: Jeiel, Matatías, Zabad, Zepiná, Jadau, Joel ets Benaías.

Isaías 16:8

Tëë tyëtsta'ay wyintëkooytyä'äy ja tsatsymkyam jam Hesbón ets jam Sibmá, mëët ko ja kutujkëntëjk të twojpjëtijta'ajëtë. Jampaat ijty muum ja y'aats jyä'ty Jazer, ets jampaat të'ëts'itum ets ma mëjmejyën.

Jeremias 48:1

Yë Wintsën, mëti'ipë maaytyääyëpën winë, mëti'ipë ja Israel ja'ay Tyios'ajtëpën, tëë tnikäjpxy wi'ix jyata'antën yë Moab ja'ayëty: Janty mon janty tuk yajpaaty yë Nebo kajpn ko të kyutëkooynyë. Yë Quiriataim kajpn o'ktëy të jyäty të kyëpety, yë nyaax kyajpn mëti'ipë ënäty ta'tspëkyën ets këwent'atyën, tëë jyijtë'kta'ay ja pyotsy.

Ezequiel 25:9

Paatyës nyaj'ëwa'atsa'any tu'uk yë najxtakn ma Moab kyajpnpa'ajën etsës nyaj'atëkoyä'äny yë naax kajpn mëti'ipë tyijtëpën mëj'äämpy ets kumeeny: Yë'ë yaj'antijp yë Bet-jesimot, Baal-meón ets Quiriataim kajpn.

Deuteronomio 32:50

Jam kopkkëjxm ma ënäty të mpetyën, jam nëjkx m'ooky mtëkoy ets mëët mnämyukëtëty ja m'ap m'ok tä yë m'ajty Aaronkën, mëti'ipë ojts jam y'ookyën ma Hor kopkën ets ojts mëët tyu'ukmuky ja y'aptëjk.

Jeremias 48:21

Ko tëë ja ëyo'on tyunyë jyätyë jam nijoykyëjxm ma ja kajpnën mëti'ipë yajtijtëpën: Holón, Jahas ets Mefáat,

Jeremias 48:23

Quiriataim, Bet-gamul, Bet-meon,