Números 32:33 - Biblia Mixe de Quetzaltepec

³³ Jëtu'un'äämpy ja Rubén, ja Gad ets kujkwä'kxy ja Manasés ja y'u'unk y'ok ojts ja Moisés myo'ojëtë ja it naaxwiinyëtë jampë yajpaatyën ma y'ëne'emyën yë Sihón, Amor ja'ay mëti'ipë jyä'ä'ajtypyën yë Og, jampë yajkutukyën Basán, mëët tëkokyë ja naax kajpn mëti'ipë ënäty jyä'ä'ajtëpën.

Números 32:33 ပူးပေါင်းရင်းမြစ်များ

Josue 12:6

Ya'atë jëtu'un ja yajkutujkpëtëjk mëti'ipë yë Moisés ets tëkokyë yë Israel ja'ayëty ojts ka'ap tyajmëta'aktën ets ojts tniwa'këtë ja nyaax kyamëty y'it nyaaxwiinyëtëty. Ya'atë it naaxwiinyëtë yë'ë ojts yajmo'otë yë Rubén ja'ayëty, Gad ja'ayëty ets kujkwä'kxy ja Manasés ja jyä'äy.

Josue 22:4

E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

Deuteronomio 29:8

Ko ka'ap myëtaktë, tä ja nyaax kyajpnëty ojts niwa'kta'ayëmë ets jä'ä tjä'ä'ajtë ja jyä'äyëty ja Rubén, Gad ets kujkwä'kxy ja Manasés ja jyä'äyëty.

1 Crónicas 26:32

Mëët ja myëku'uktëjk, mëti'ipë ënäty näjyëtu'un mëj'äämpy ijtëpën; jä'ä nyiwinë'ajtë mäjtsk mil ja wëxtujk mëko'px, aakyë'ë mëti'ipë nyikopk'ajtëpën ja y'u'unk y'ëna'këty y'u'unk tyo'oxytyëjkëty. Tä ja David mëti'ipë yajkutujkpën ojts tuknipëky ets yë'ë twintänëtëty ja Rubén ja jyä'äy ets Gad ets nikujkwä'kxy ja Manasés ja jyä'äy, mëti'ipë yë'ë yajtuknipëjktën ets t'ixtëty tuntëty ets yë'ë tmëmay tmëtajtëty ma ja yajnijawëja'anyën wi'ix tsoky winë ja Wintsën ets ja yajkutujkpë.

1 Crónicas 12:31

Ma ja nikujkwä'kxypyë ja Manasés ja jyä'äy, nimajkmokxtëkëëk mil ja ja'ayëty ojts yajtuknipëktë ets nëjkx ja David tnikajpxpätë ets jä'ä tyëkëty ënä'ämpë yajkutujkpë.

1 Crónicas 5:18

Ja y'u'unk y'ok ja Rubén, ja Gad ets kujkwä'kxy ja Manasés ja y'u'unk y'ok, aak tsiptuunpë ja'ay ijtyëty, ets jotmëkjatyëty; yë'ë ijty myëtsiptuuntëp pujxn, ku'umën ets ti'pxn; xëmë tuunta'aktë wi'ix tsyiptuntëtyën. Jä'ä nyiwinë'atë niwëxtyikxymyajk taxk mil ja wëxtujk mëko'px ja tëkë'px, aak ye'etyëjktëjk mëti'ipë maayëtëp tsyiptuntëtyën.

Números 34:14

Jä'ä ko ja nimäjtsk ja kujkmëpë ja aptëjk ja y'u'unk y'okëty, yë'ë yaj'antijtëp ja jyä'äyëty ja Rubén ets Gad ets kujkwä'kxy ja Manasés ja jyä'äy, tëë yë nyaax yajmo'otë tä tyu'kjëëky'at tyu'kmëku'uk'atën, jamtsow ma Jordán mëjnëëjën, winkonpë wyi'imyën ma Jericó kajpnën.

Números 32:1

Yë Rubén ets Gad yë jyä'äyëty kutsajpkaa ijtyëty. Ko t'ijxtë ja it naaxwiinyëtë, mëti'ipë jam yajpatpën Jazer nyaaxjotm ets Galaad nyaaxjotm janty'oy kyëxë'ëky ets ja jëyujk tsajpkaa jam tyänëty.

Números 32:32

Ëëts nëjkxantëpës tsiptuunpë jam Canaán ets nmëmëtowantëpës yë Wintsën. Yi'iyës tëy ntsojktëp etsës xymyo'otëty tääpë naax, mëti'ipë yaatsow yajpatpën ma Jordán mëjnëë nyäxyën.

Josue 12:1

Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.

Josue 14:3

E ja nimäjtsk ja kujkmëpë ja naax kajpn ja Moisés tëë ënäty ja nyaax tmo'otë jamtsow nëë'awinm, jä'ä ja jyä'äyëty ja Rubén, ja Gad ets nikujkwä'kxy ja Manasés ja jyä'äy.

Josue 22:7

Yë Moisés tëë ënäty ëka'any tmo'oy ja nyaaxëty ja nikujkwä'kxypyë ja Manasés ja jyä'äy jam ma tu'uk ja it naaxwiinyëtë txëëwatyën Basán. E ja nikujkwä'kxy ja Manasés ja jyä'äy, jam ënäty ja nyaax të myo'ojëtë ja Josué a'oytsyow ma ja Jordán mëjnëëjën; e ja mëjëyëjpë yë'ë ja Josué ojts tkënu'kxy ets ojts tkäjxwinpijnë nyëjkxtëty ma ja jyëën tyëjkëtyën.

1 Samuel 13:7

Nimay ojts tuknajxnëtë ja Jordán nëë ets jamtsow nyajtskäkëtyë ma ja Gad ets Galaad y'itjotmën. Yë Saúl ojts jyaak wë'ëmy jam Guilgal, e tëë ënäty tyëkooynyëtë, ja tsyiptuunpëtëjk tsë'ëkë tsë'ëkë jyaak pänëjkxëtë.