Números 32:32 - Biblia Mixe de Quetzaltepec

³² Ëëts nëjkxantëpës tsiptuunpë jam Canaán ets nmëmëtowantëpës yë Wintsën. Yi'iyës tëy ntsojktëp etsës xymyo'otëty tääpë naax, mëti'ipë yaatsow yajpatpën ma Jordán mëjnëë nyäxyën.

Números 32:32 ပူးပေါင်းရင်းမြစ်များ

Números 32:31

Ënät ja Gad ets ja Rubén ja y'u'unk y'ok y'ëtsoowtë: Tëë yam yajwinmëtoy mëti'ipë mnikäjpxypën, ntunantëp ëëtsëty mëti'ipë yë Wintsën të tni'ënä'ämën.

Números 32:33

Jëtu'un'äämpy ja Rubén, ja Gad ets kujkwä'kxy ja Manasés ja y'u'unk y'ok ojts ja Moisés myo'ojëtë ja it naaxwiinyëtë jampë yajpaatyën ma y'ëne'emyën yë Sihón, Amor ja'ay mëti'ipë jyä'ä'ajtypyën yë Og, jampë yajkutukyën Basán, mëët tëkokyë ja naax kajpn mëti'ipë ënäty jyä'ä'ajtëpën.

Deuteronomio 3:12

Ja naax kam mëti'ipë ojts niwa'aktësën jä'ä xëëw jä'ä jëmëjt, yë'ë ojts nmo'otës yë Rubén yë jyä'äjëty ets Gad yë jyä'äjëty. Jam tsyo'ontä'äky ma Aroer mëjnëëjën ets nyäxy ma ja Arnón mëjnëëpa'ajën, kujkwä'kxy ja Galaad kopkjot tpëjky, mëët ja nyikajpn.

Deuteronomio 29:8

Ko ka'ap myëtaktë, tä ja nyaax kyajpnëty ojts niwa'kta'ayëmë ets jä'ä tjä'ä'ajtë ja jyä'äyëty ja Rubén, Gad ets kujkwä'kxy ja Manasés ja jyä'äyëty.

Levitico 14:34

Ko ënäty miitsëty jam myajpatnëtë Canaán, ma ja it naaxwiinyëtën mëti'ipë nmooytyëpën etsës ajotkumonë nkäxëty yë pa'am mëti'ipë xyëëwajtypyën pu'uts pa'am, ma mjëën mtëjkëtyën oymyëti'ipë naax myëti'ipë kajpnëty.

Números 32:19

E jä'ä koos ja naaxëty yaatsow wyi'imy nëë awinmtsow, ma Jordán mëjnëëjën. Ëëts ka'apës nikajpxa'antë ets ni nka''amëtowa'antës ëpëky ja naax mëti'ipë ënäty nëë awinaxy wë'ëmpën.

Deuteronomio 1:1

Ya'atë ojts yë Moisés tkäjpxy tmëtyä'äky ma ja Israel kajpnën ma ënäty jam yajpaatën të'ëts'itjotm, a'oytsyow ma ja Jordán mëjnëëjën, jam Arabá ma mëët nyäwyinku'ixëtyën yë Suf, itkujk wyi'imy ma ja it naaxwiinyëtë txëëwatën Parán, Tofel, Labán, Hazerot ets Dizahab.

Josue 12:1

Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.

Josue 12:6

Ya'atë jëtu'un ja yajkutujkpëtëjk mëti'ipë yë Moisés ets tëkokyë yë Israel ja'ayëty ojts ka'ap tyajmëta'aktën ets ojts tniwa'këtë ja nyaax kyamëty y'it nyaaxwiinyëtëty. Ya'atë it naaxwiinyëtë yë'ë ojts yajmo'otë yë Rubén ja'ayëty, Gad ja'ayëty ets kujkwä'kxy ja Manasés ja jyä'äy.