Números 32:3 - Biblia Mixe de Quetzaltepec

³ Yë'ëjës yam njanikajpxantëp, ko yë it naaxwiinyëtë mëti'ipë jam yajpatëpën Atarot, Dibón, Jazer, Nimra, Hesbón, Elalé, Sebam, Nebo ets Beón,

Números 32:3 ပူးပေါင်းရင်းမြစ်များ

Jeremias 48:34

Jëëytyëp yaxtëp yë Hesbón ja'ayëty mëët yë pëjkën ijxën, tëë tnijawëtë yë Elalé ja'ayëty ets Jahas ja'ayëty; tëë tnijawëtë yë Soar ja'ayëty, yë Horonaim ja'ayëty ets Eglat-selisiya ja'ayëty, jä'ä ko yë'ëpaat yë nëëkopk të tyëtsnë mëti'ipë jamën Nimrim.

Josue 13:17

Jëtu'un jam jyä'äjty Hesbón ets yë'ë jyä'ä'ajtaay tëkokyë ja kajpn mëti'ipë jam yajpatpën tunjotm; tä ja kajpnëtyën mëti'ipë xyëëwajtëpën: Dibón, Bamot-Baal, Bet-Baal-meón,

Jeremias 48:45

Tëë mayjyä'äy myëjaawkëjxnë, jam t'ixta'atë tsoktakn Hesbón y'itjotm, ma Sihón yajkutukyën, je'eyëp ko jëën jam yä'ämp, jampaat jyä'ty ma Moab kyopk jotmën, yë Moab kajpn mëti'ipë je'eyë ëtëtsp ënaanpën.

Jeremias 48:32

Ni'ik nniya'axa'any mijts, tsatsymkyam mëti'ipë jam yajpatëpën Sibmá, këtiinëm yë Jazer kajpn. Jëtu'un ijty mijts myaj'ixy tä jeexyë mkepy xyajyonyën ets jampaat nyasxajë Jazer. Yë mxe'enty nyinajxyp ijty yë mejy ets jyä'ty Jazer. E tyam, yë m'tsatymkyam tëë kyutëkooytyä'äy.

Jeremias 48:2

Tëë kyixy nyäxy ma mëj'äämpy të y'ityën yë Moab. Jam Hesbón tam tnipëjktaakëtë wi'ix yë Moab kajpn y'atëkoyëtyën. Mits Madmén näjyëtu'un mkutëkoyä'äny ets ja tsip ka'ap m'ëxmatsa'anyë.

Isaías 15:6

Tëë tyëtstaaynyë ma ijty ja nëë myuutyën, ja aay ujts tëë xyo'tstaaynyë ets tyëtstaaynyë ja aay kepy, nimaa tsuxk kya'ëkyaj'ijxnë.

Nehemías 9:22

Yë'ë mtukë'ëpëjkëtyääytyë ja naax kajpn mëjjatyëtypë, jëtu'un xypyëjkwa'kxta'ay tä ja'ay kam tu'u tyajwä'kxyën, yë'ë jyä'ä'ajtë ja Hesbón kajpn ma yajkutukyën ja Sihón ets Basán ets ma yajkutujkyën yë Og.

Jueces 11:26

Ix jënu'un këjää të nyëjkxnë jëmëjt, tëkëëk mëko'px jëmëjt ma ëëts yaa ntsëënëtën yaa Hesbón, Aroer ets ma mutskëtypë kajpn ets ma ja kajpnën jampë yajpaatën pë'am ma Arnón mëjnëëjën; ¿Wi'ix ko ënätyë të xykyapaye'eytyë pën miitstën yë mjä'äjëty?

Josue 13:19

Quiriataim, Sibmá, Zared-sahar mëti'ipë jam yajpatëpën ma ja tunjot jyëjpkëxyën ets mëët nyäpyäätyë ja joyjyot,

Números 32:1

Yë Rubén ets Gad yë jyä'äyëty kutsajpkaa ijtyëty. Ko t'ijxtë ja it naaxwiinyëtë, mëti'ipë jam yajpatpën Jazer nyaaxjotm ets Galaad nyaaxjotm janty'oy kyëxë'ëky ets ja jëyujk tsajpkaa jam tyänëty.

Números 21:28

Jam Hesbón, yë kyajpn yë Sihón. Jam tu'uk yë mëjpatoyë të tsyo'ontä'äky, mëti'ipë të tyajkutëkoyën yë naax kajpn Ar, mëti'ipë yë Moab nyitënääpyën, ets tëë wyintooytyuta'atë ja tunjot kopkjot, mëti'ipë nyitënääpyën yë Arnón.

Números 21:30

Ojts kyutëkooynyë ja y'ënä'ämën kyutujkën yë Hesbón. O'ktëy ojts jyajta'atë yë Dibón kajpn ets Nofa kajpn, yajxon tsyooytyëkooytyääy jampaat Medebá.

Números 21:32

Ojts näjyëtu'un yë Moisés tkexy yë ja'ay nimäjtsk nitëkëëk ets nëjkx t'ixtë tuntë ja Jézer kajpn. Yë Israel ja'ayëty ojts tmëmëtakta'atë tääpë ja'ayëty, mëti'ipë ënäty jam tsënaaytyëpën. Wa'ats tyajkäkpëtsëëmtaaytyë yë Amor ja'ayëty ma ja nyaax kyajpnëtyën.

Números 32:2

Ënät ojts tninëjkxtë ja Moisés, ja teety Eleazar ets ja mëjja'aytyëjkëty ets t'ënëmaaytyë:

Jeremias 48:1

Yë Wintsën, mëti'ipë maaytyääyëpën winë, mëti'ipë ja Israel ja'ay Tyios'ajtëpën, tëë tnikäjpxy wi'ix jyata'antën yë Moab ja'ayëty: Janty mon janty tuk yajpaaty yë Nebo kajpn ko të kyutëkooynyë. Yë Quiriataim kajpn o'ktëy të jyäty të kyëpety, yë nyaax kyajpn mëti'ipë ënäty ta'tspëkyën ets këwent'atyën, tëë jyijtë'kta'ay ja pyotsy.

Ezequiel 25:9

Paatyës nyaj'ëwa'atsa'any tu'uk yë najxtakn ma Moab kyajpnpa'ajën etsës nyaj'atëkoyä'äny yë naax kajpn mëti'ipë tyijtëpën mëj'äämpy ets kumeeny: Yë'ë yaj'antijp yë Bet-jesimot, Baal-meón ets Quiriataim kajpn.

Josue 21:39

Hesbón ets Jazer kajpnën; jä'ä nyäpyäätyë ja kajpn taxk ets aakmëët ja nyinaax nyikam ma tjëkyepyën tyänëtëty ja jëyujk tsajpkaa.