Números 32:22 - Biblia Mixe de Quetzaltepec

²² ets koonëm ënäty të tmëmëtä'äky ja naax kajpn, jää tëy, oy jää mwinpijtnëtëty jam Wintsën wintum ets näjyëtu'un ma ja Israel ja'ayëtyën. Tääpë naax miits nëjkx xyjyä'ä'atë ets Wintsën nëjkxëp t'a'ixë.

Números 32:22 ပူးပေါင်းရင်းမြစ်များ

Josue 22:9

Jëtu'un'äämpy ja Gad, ja Rubén ets nikujkwä'kxy ja Manasés ja jyä'äy ojts tpuwa'ktutnëtë ja myëku'ukëty Israel ja'ayëty jam Siló, ma ja Canaán itjotmën ets ojts wyimpijnëtë ma txëëwatyën Galaad, ma ënäty ja Moisés ja nyaax kyam të myo'ojëtën mëti'ipë ojts yë Wintsën tim nyi'ënä'ämën.

Josue 22:4

E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

Deuteronomio 3:20

E ëjts Wintsën, ëjts yam ënaanp, pën ka'ap ja mjëëkyëty mmëku'ukëty oy jotkujk yajpaatënëm, jëtu'un tä miitsëtyën ets ka'ap ja nyaax kyam tpëktënëm mëti'ipës yë'ë nmo'ojantëpën jam awinmtsow ma ja Jordán mëjnëëjën. Miitsëty ka'ap tjëkyepy mwinpitëty ets mnëjkxtëty ma ja itjotmën mëti'ipë të nmo'otën.

Josue 13:8

Yë jyä'äyëty yë Gad, yë Rubén ets kujkwä'kxy yë Manasés yë jyä'äyëty ojts ja nyaax tpëktë ko ja Moisés ojts tyajwä'kxy jam awinmtsow ma Jordán mëjnëëjën.

Josue 1:15

koonëm tpaatëty ja y'it nyaaxwiinyëtë ma jotkujk tsyëënëtëty jyuuky'atëtyën, tä miitsëty ja m'it mnaaxwiinyëtë të xypyaatën; ko ënäty yë'ëjëty ja nyaax të tjä'äpëktë tääts nëjkx miits mwinpijnëtë ets ya'atë it naaxwiinyëtë tu'ukyë xyjyä'äpëjknëtëty mëti'ipë ja Moisés, ja Tios ja tyuunpë, të mo'ojëtën.

Salmos 78:55

Ja ja'ayëty mëti'ipë ënäty y'ëwtajtëpën wiink tios, ojts tjëpëky tjëtuny ma ja Israel kajpnën; ets nän yë'ë ojts kë'ëm tyajwä'kxy ja it naaxwiinyëtë ma tu'uktu'uk ja Israel ja'ayëtyën, ets ojts tmo'oy ja tsyënaaytyakn nitu'ukjaty ma jyuuky'atëtyën.

2 Samuel 3:28

Kom ok ja David tnija'awëy ets y'ënäny: Ëjts ets nkutujktaknës, ka'apës tii poky tmëëtëty mëët ko të y'ooky yë Abner, yë Ner yë myaank.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënäty të tjajä'äpëjkta'atë,

Josue 11:23

Jëtu'un'äämpy ja Josué tniwa'ktaay ja jampë ja it naaxwiinyëtë tä ënäty ja Wintsën të tuk'ëne'emyën ja Moisés, tää tkijpxwax'ktaay ets tmooytyääy ja Israel ja'ayëty mëti'ipë kyuma'ayën'ajtën. Ko jëtu'un nyäjxy ka'ap ojts maa y'ëktsiptuunëtë.

Josue 10:30

Yë Wintsën ojts kë'ëm tim kyë'ëyäky ya'atë naax kajpn mëët yë nyiyajkutujkpë ma Israel ja'ayëtyën. Ni pën ojts jam kyawë'ëmy juuky, wa'ats y'o'ktaaytyë. Ja yajkutujkpë jampë ijty y'ëne'emyën, jëtu'un ojts tyaj'ooktë tä tyaj'o'ktën ja Jericó yajkutujkpë.

Josue 2:19

Jä'ä tëy, ko pën ënäty kë'ëm pyëtsimy ma mtëjkën, kë'ëm ënäty nyätyunyë ets ka'apës npoky'atëty. E ko pën nëkoo ëxaty mtunëtëty ma mtëjkën ets wi'ix mjatëty mkëpätëty mëët ja mëti'ipë jap yajpatëpën, ëjts nëjkx mpoky'atës ets nku'ëtsowtës.

Levitico 14:34

Ko ënäty miitsëty jam myajpatnëtë Canaán, ma ja it naaxwiinyëtën mëti'ipë nmooytyëpën etsës ajotkumonë nkäxëty yë pa'am mëti'ipë xyëëwajtypyën pu'uts pa'am, ma mjëën mtëjkëtyën oymyëti'ipë naax myëti'ipë kajpnëty.

Números 32:21

Pën miitsëty mnëjkxtëp tsiptuunpë jam nëë'awinaxy ets mtuuntëp ijxtëm ja Wintsën tni'ënä'ämën ets jam myajpaatë mëët ja mmëku'ukëty koonëm ja Wintsën t'ëxwojpta'ajëty ja myëtsiptëjk,