Números 32:1 - Biblia Mixe de Quetzaltepec

¹ Yë Rubén ets Gad yë jyä'äyëty kutsajpkaa ijtyëty. Ko t'ijxtë ja it naaxwiinyëtë, mëti'ipë jam yajpatpën Jazer nyaaxjotm ets Galaad nyaaxjotm janty'oy kyëxë'ëky ets ja jëyujk tsajpkaa jam tyänëty.

Números 32:1 ပူးပေါင်းရင်းမြစ်များ

Números 21:32

Ojts näjyëtu'un yë Moisés tkexy yë ja'ay nimäjtsk nitëkëëk ets nëjkx t'ixtë tuntë ja Jézer kajpn. Yë Israel ja'ayëty ojts tmëmëtakta'atë tääpë ja'ayëty, mëti'ipë ënäty jam tsënaaytyëpën. Wa'ats tyajkäkpëtsëëmtaaytyë yë Amor ja'ayëty ma ja nyaax kyajpnëtyën.

Números 32:35

Atarot-sofan, Jazer Jogbehá,

Números 32:3

Yë'ëjës yam njanikajpxantëp, ko yë it naaxwiinyëtë mëti'ipë jam yajpatëpën Atarot, Dibón, Jazer, Nimra, Hesbón, Elalé, Sebam, Nebo ets Beón,

1 Juan 2:16

jä'ä ko tu'kë'ëyë mëti'ipë yë naaxwiinyëtë ja'ay y'ixk'ajtypyën ëkë y'atsojkpyën ka'ap jyamëty tsyoony ma Tiosën. Ko tii tsojkën'aty, ko tii pëk maay tjawë ets ko yi'iyë tmëmay tmëtajy yë wit meeny.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.

Jeremias 50:19

Ëjts nyajwinpitäämpy jatëkok yë Israel ja'ayëty ma nyaax kyajpnëtyën, jëtu'unës nyajwinpita'any tä tu'uk yë kupixyny yajtukniwoyën yë jyi'kxy jam Carmel, Basán, ëkë ma Efraín kyopk jotmën, jam Galaad.

2 Samuel 24:5

Ojts ninaxtë ja Jordán mëjnëë ets tyajtso'ontaktë ja jaaymyujkën jam Aroer, ma tu'uk ja kajpnën mëti'ipë jam yajpatpën joyjotm, ma ja tu'u nyäxyën mëti'ipë nëjkxpën Gad ets Jazer.

Josue 13:25

Yë'ë jyä'ä'ajtë Jazer kajpn ets tëkokyë ja kajpn jënu'un tnitänën ja Galaad, kujkwä'kxy tjä'ä'ajtë ja nyaaxwiinyëtëty ja Amón ja'ayëty, jampaat jyä'ty ma ja Aroer kajpnën, mëti'ipë mëët yë Rabá nyäwyinku'ixëtyën,

Números 32:26

Yë n'u'unk n'okëtyës ets njëyujk ntsajpkaajëtyës. Yë'ë yaa wë'ëmtëp ma ya'atë nyaax kyamën yë Galaad.

Éxodo 12:38

Ojts kanaakpëky yë ja'ay pyanëjkxëtë, wä'än yë'ëjëty yë ka'apë ënäty y'Israel ja'ayëtyën ets janty nimay ojts näjyëtu'un yë tsajppaxëty, kupixynyëty ets jëyujkëty, tsajpkaajëty tyajnëjkxtë.

Génesis 47:4

Të nmintë ëëts yaajëty ets yaa n'ita'antës ntsëënëja'antës ma ya'atë naax ma ya'atë kajpnën, jä'ä ko jam Canaán yuu jam oy jëtijtp ets ka'ap jam yë aay ujtsnë mëti'ipës yë njëyujkëty jyë'kxtëp pyëktëpën, paaty yam yë mëyajtën n'amëtow npëjktsowtës ets mijts xy'a'ixëty ntsëënëtëtyës jam ma Gosen y'itjotmën.

Génesis 29:32

Ënät ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

Génesis 13:5

Lot kumeeny ijty näjyëtu'un ijxtëm ja jyämyën Abram. Lot may ënäty näjyëtu'un tmëëtëty yë jëyujk tsajpkaa, tsajppaxë kupixyny ets tuumpë mëti'ipë mëët tsyëënëtën.

Génesis 13:2

Yë Abram mëkja'ay ijty, may tmëët'ajty yë pu'ts pujxn, poop pujxn ets jëyujk tsajpkaa.

Números 32:2

Ënät ojts tninëjkxtë ja Moisés, ja teety Eleazar ets ja mëjja'aytyëjkëty ets t'ënëmaaytyë:

Deuteronomio 33:21

Gad tëë tpëky yë nyaax kyam ma nyitëkëtyën ma tsyëënëtëty yë tsiptuunpë wintsën. Ojts jëjp'am nyäxy ko yë naax kajpn tsyippaty, tëë tjantytyuny tä ja Wintsën y'ënëmaayën, tëy tëtä'äky winë të tuny ma ja Israel kajpnën.

Josue 22:9

Jëtu'un'äämpy ja Gad, ja Rubén ets nikujkwä'kxy ja Manasés ja jyä'äy ojts tpuwa'ktutnëtë ja myëku'ukëty Israel ja'ayëty jam Siló, ma ja Canaán itjotmën ets ojts wyimpijnëtë ma txëëwatyën Galaad, ma ënäty ja Moisés ja nyaax kyam të myo'ojëtën mëti'ipë ojts yë Wintsën tim nyi'ënä'ämën.

Jueces 5:16

¿Wi'ix ko ojts jam wyë'ëmtë tyëkotmëty ko ojts jyayajmëkajpxtë myintëty, tä ja'ay yë kyupixyny tmëkajpxmukyën? Ma Rubén yë tsyiptuunpëtëjkëtyën tam yë ja'ay jotmëkëtypë ets wintse'knyëtypë.

Jeremias 22:6

Jä'ä ko yë Wintsën tëë tnikäjpxy wi'ix jyata'anyën yë Judá kyutujktakn: Jëtu'un mijts njawë tä yë Galaad kopkën, tä yë Líbano kupi'tykyën, e ëjts yajxonës nikäjpxy ko të'ëts'itjot nyaj'awinpita'anyës ets ni pën jam nëjkx kyatsëënë.

Josue 22:13

Yë'ë ojts jëyëjp tkäxtë yë Finees, yë teety Eleazar yë myaank, jam Galaad ma ënäty jam yajpaatën yë Rubén, Gad ets je nikujkwä'kxypyë ja Manasés ja jyä'äy.

2 Samuel 24:6

Jam tsyo'ontë ets nyëjxtë Galaad ets Cadés, ma ja Hit ja'ay tsyëënëtën. Jam tsyo'ontë tääts ojts jya'të Dan, Dan nyajxë'ktë ets jam y'ëwtijtë Sidón.

1 Crónicas 4:41

E jää ma yajkutujkyën ja Ezequías, Judá jyä'äy; jää ojts ya'atë ja'ay jam jya'të, mëti'ipë të yajnikajpxtën ets tyajkutëkootyääytyë winë, tääts yë'ë ojts tmëwë'ëmtë ja naax kam, jä'ä ko janty'oy t'ijxtë ja it naaxwiinyëtë, jyëkyejpy ja jëyujk jam tyänëtëty.

Jeremias 8:22

¿Këtii jëtää jam Galaad ma tsooyë? ¿Këtii jëtää jam pën mëti'ipë yajtsokpënë? ¿Wi'ix ko yë nnaax nkajpnës ka'ap tsyo'oky y'akëtä'äky?

Jeremias 48:32

Ni'ik nniya'axa'any mijts, tsatsymkyam mëti'ipë jam yajpatëpën Sibmá, këtiinëm yë Jazer kajpn. Jëtu'un ijty mijts myaj'ixy tä jeexyë mkepy xyajyonyën ets jampaat nyasxajë Jazer. Yë mxe'enty nyinajxyp ijty yë mejy ets jyä'ty Jazer. E tyam, yë m'tsatymkyam tëë kyutëkooytyä'äy.