Números 31:3 - Biblia Mixe de Quetzaltepec

³ Ënät ja Moisés ja naax kajpn t'ënëmaay: Nänyipëjktaakëtë ets nëjkx mtsiptuntë. Nëjkx yaj'o'kta'atë yë ja'ayëty jampë tsyëënëtën Madián jëtu'un yajnitsiptunëty ja Tios ja xyëëw.

Números 31:3 ပူးပေါင်းရင်းမြစ်များ

Levitico 26:25

Nëjkxëpës nmëminy nyajminy ja ja'ay mëti'ipë mtukpajëtijtëpën ja tëypyujxn ets yë'ë nëjkx tnitsiptuny ja nkäjpxytyu'unënës, mëët ko ënäty xykya'ëkmëjja'awënëtë. Nëjkxëp jotëkoy mjanëjkxtë ma jeexyë mtso'oktën. E ëjts nkäxëpës jam ja pa'am ëyo'on ets kwanë nëjkx mka'atë ma ja mëtsipëtyën.

Jeremias 46:10

Ya'atë xëëw jëtu'un xyëëwajtyp, Wintsën mëti'ipë maaytyääyëpën winë, ya'atë xëëw tuunwinpita'any ijxtëm yë myëtsip të tyunyën. May yë ja'ay kupuxy y'ooka'any koonëm kyu'uxëtëty, koonëm myu'ukëtëty. Yë Wintsën mëti'ipë maaytyääyëpën winë, yaj'ookäämpy yë ja'ay.

2 Reyes 10:30

Ënät ja Wintsën t'ënëmaay ja Jehú: Mëët ko mijts oy winë të xytyuny ets tëë jëtu'un xytyuny tä ënäty ntsokyënës ja Ahab jyatëty kyëpätëty, tyamës nikäjpxy ko yë m'u'unk m'ok nëjkxëp yajkutuktë jeky, jäpaat ma ënäty ja y'ok'u'unk y'ok'ëna'k jyuuk'atën.

2 Reyes 9:7

Mijts nëjkx xyajkutëkoy ja Ahab ja yu'unk y'ëna'k, mëti'ipë mwintsën'ajtypyën, jëtu'unts xynyitsiptunëty ja jyot nye'pny ja ntuunpëtëjkës mëti'ipë ja Jezabel të tyaj'ooky të tyajtëkoyën nanëkookyëjxm.

Jueces 5:23

Ets ja Wintsën ja kyukäjpxy y'ënä'äny: Wä'än yë ëyo'on tkëtä'äky ma Meroz. Jä'ä ko yë'ëjëty ka'ap yë putëjkën të tyajktë ma ja Wintsën Tios ojts tjani'ënä'ämën.

Jueces 5:2

Win'ëw winya'axtë yë Wintsën, jä'ä ko ma Israel kajpnën jaaktää'ajtp yë ja'ayëty, mëti'ipë ka'ap tsyë'ëkëtën ets tsiptuuntëp. Jä'ä ko jaaktää'ajtëp yë ja'ayëty, mëti'ipë jëjp'ixy timyajpatëpën oy jëna'a tyimyajmëkajpxtëty tsipjoty.

Números 25:13

Ëjts yam ënaanp, ko yë'ë ets y'u'unk y'ok nmoopyës yë tuunk ets tyeety'atëty xëmëkyëjxm. Jä'ä ko yë'ë tëë jëtu'unpë äkë tyajkëxë'ëky, tääjës ëjts nmëët'atyën ma Israel ja'ayëtyën.

Números 25:11

Finees yë'ë të tuny mëti'ipës ntukjotkëtäkpyën etsës yë n'äkë të xyeemy, jä'ä ko yë'ë näjyëtu'un të tukjoot'anpëky tä ëjtsën. Paatykyëjxm ka'apës yë n'äkë të nätyuk'ëne'emyë ets ka'ap të nyajkutëkooytya'atës.

Éxodo 17:16

ets y'ënäny: Ja Wintsën ja wyitwintëy jam ijtp kë'ëjotm. Yë Wintsën yë'ë tsiptuump mëët yë Amalec ja'ay, ets jëtu'un y'ita'any jeky, u'unk ëna'k nyëjkxëty.

Jeremias 50:28

Ja'ay mëti'ipë jam Babilonyë të kyä'äktën tëë yaa myintë Sión ets të tnimëtya'aktë wi'ix yë Wintsën Tëyajtën ëxëëk të tunyën yë Babilonyë kajpn, mëët ko ëxëëk tuuny yë tsajptëjk yaapë yajpaatyën.

Números 31:4

Tu'kja'ayjyäty ma ja Israel ja y'u'unk y'ëna'kën tu'uk mil mëpaat yë jyä'ä tkexy tsiptuunpë.