Números 31:24 - Biblia Mixe de Quetzaltepec

²⁴ E kom wëxtujk xëëw jää nëjkx yë mwit xypyujtë ets wa'ats mwë'ëmtëty. Täänëm mtëkëtëty kajpnjoty.

Números 31:24 ပူးပေါင်းရင်းမြစ်များ

Levitico 11:25

Pën tääpë jëyujk'ooky tyoompy, ëxëëk wyë'ëmëty, kopkpëky ko yë wyit tpujëty yajxon ets ëxëëk wyë'ëmëty jëtu'un kootspaat.

Números 19:19

Ja ja'ay mëti'ipë ënäty wa'ats yajpatpën, yë'ë mëpaat tuknixijkxy ja kënu'kxynyëë, ja mëti'ipë ëxëëk yajpatpën, ko kyomtëkëëk xëëwpätëty ets ko wyëxtujkxëëwpätëty. Kom wëxtujk xëëw tëë ënäty wa'ats wyi'imy. Ënät ja ja'ay wyit tpujëty mëti'ipë ënäty ëxëëk të yajpaatyën ets näjyëtu'un tsyi'iwëty xyëtsëty, ëxëëk jyaak wë'ëmëty jëtu'un kyutsu'ujëty.

Levitico 15:13

Pën tääpë ja'ay tsoknëp, wëxtujk xëëw tmëtsyowëty ets jëtu'un nyäpyuj nyäjyä'ätsëtëty; nëjkxëp näjyëtu'un tpujy ja wyit ets tsyi'iwëty, tääts wyë'ëmëty wa'ats.

Levitico 14:9

Ko wëxtujk xëëw nëjkx yë wyääy tnëkä'pta'ay, nëjkxëp nyäy'awaayjyepyë, nëjkxëp yë wyiinxëwaay tjepy ets tëkokyë yë nyi'u'kxy. Nëjkxëp yë wyit tpujy ets näjyëtu'un tsyi'iwëty xyëtsëty, täänëm wyë'ëmëty wa'ats.

Números 31:23

tëkokyë mëti'ipë myëtënaaytyääpyën yë jëën, nëjkxëp xyajtooywya'atstë jap jëënjoty, ok xypyujtëty mëët yë kënu'kxynyëë mëti'ipë winë yajtukkënu'kxpën. E mëti'ipë ka'ap tjëkyepy tyooywya'atsëty, kopkpëky nëjkx mëët yë nëë xypyujtë.

Números 31:25

Ënät ja Wintsën t'ënëmaay ja Moisés: