Números 31:23 - Biblia Mixe de Quetzaltepec

²³ tëkokyë mëti'ipë myëtënaaytyääpyën yë jëën, nëjkxëp xyajtooywya'atstë jap jëënjoty, ok xypyujtëty mëët yë kënu'kxynyëë mëti'ipë winë yajtukkënu'kxpën. E mëti'ipë ka'ap tjëkyepy tyooywya'atsëty, kopkpëky nëjkx mëët yë nëë xypyujtë.

Números 31:23 ပူးပေါင်းရင်းမြစ်များ

Números 19:9

Ënät wiinkpë ja ja'ay mëti'ipë wa'ats yajpatpën Tios wintum, nëjkx tyajmuky ja jaam mëti'ipë të wyintooykyëtä'äkyën ma ja tsajpkaa të nyitoyën ets jam kajpnpë'am tpëjkta'akëty ma tu'uk itjotmën wa'atspë. Tääpë jaam yë'ë yë Israel ja'ay yajtuntëp, ko ja nëë tyaj'oyëtëty mëti'ipë yajtukkënu'kxpën tii winë. Tëkokyë ya'atë, yë'ë jëtu'un wintsë'kën'ajtp, mëët ko ja tuuntëko'oyën y'ity.

Números 19:17

Ko jëtu'unpë ja ëxëëkajtën pën pyaatëtëty, yë'ë nëjkx wäänë twooky ja kuyjyaam ma ja tsajpkaato'oxy ënäty të wyintooykyëtä'äkyën, mëti'ipë ja nëë poky të yajtukunaxyën. Jap yaj'ako'owëty ma tu'uk yë apëjkënën ma ja nëëwooky yajtukutämëtyën.

1 Corintios 3:13

jäänëm nëjkx yaj'ixy yajnijawë ko ja näpyaye'eyë tyunëtëty pën wi'ixjaty ënäty pën të tyuny, jä'ä ko jëën jää nëjkx tyuny ets tyajnikëxë'ëka'any wi'ixjaty ënäty pën të tyunyën.

Mateo 3:11

Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Apocalipsis 3:18

Paaty mijts nkajpxwijy ets xyjyuyëty ma ëjtsën ja pu'ts pujxn tëëpë wyinkë'ëyën jap jëënjoty ets myajtijëty kumeenyjyä'äy; ets ma ëjtsën xyjyuyëty yë poop wit ets mnätyukxoxëtëty këtiipë niwa'ats ëxwa'ats myajpaatëty, jëtu'un xywyitnijuuxëty mëti'ipë myajtsëtyuunëpën; ets näjyëtu'un xypaatëty ja wiin tsooy ets ka'ap m'ëk ijnëty wiintsën.

1 Pedro 4:12

Mëku'uktëjkëty, këtii xymyëkjawëtë ko ja ëyo'on jotmay xypaatëty, ijxtëm jeexyë ka'ap pën timmyëmëta'akëtyën.

1 Pedro 3:21

Ya'atë nëë, jëtu'un ja nyäxy ijxtëm ja nëëpäjtënën, mëti'ipë ëëtsajtëm tyam ntuk'oy'ajtëmën. Ka'ap yë'ëjëty ja nëëpäjtën mëti'ipë ja ni'kx kopk yajwatsypyën, yë'ë mëti'ipë ja jot winma'any wa'ats yaj'itëpën Tios wyintum, jëtu'unts ja nitsokën npatmëty ko ja Jesukristë jyuukpyijky ma ënäty të y'ookyën,

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënäty ja Jesukristë myiny.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

Números 8:7

Ko ënäty ja kënu'kxynyëë yajtukujaaxtë Wintsën wyintum, ya'atë jëtu'un mëpaat xytyuntë. Mijts, yë'ë mtuknixijkxëp ja kënu'kxynyëë mëti'ipë mëët winë yajtukkënu'kxyën. E ko ënäty jëtu'un të xytyuny tääts yë'ëjëty nyäjyäpëtëty ma tëkokyë nyi'kx kyopkëtyën ets ja wyit näjyëtu'un tpujtëty tjä'ätstëty. Jëtu'un'äämpy wa'ats wyë'ëmtëty.

Levitico 15:17

Pën witkëjxy kyä'äy, ëkë jam muum ma po'ojën mëti'ipë ja naaxwiinyëtë ja'ay myëjaawajtypyën, koonëm ko yajpujëty ets ëxëëk wyë'ëmëty jëtu'un kyukootsëty.

Levitico 11:32

Ja it naaxwiinyëtë ma ënäty jëtu'unpë ja jëyujk'ooky yajpaatyën, ëxëëk wyë'ëmëty: wä'än kyepykyijxyëty, wyitkëjxyëty, pyo'okëjxyëty, xya'këjxëty, ëkë oy tyuunpäjnkëjxmëty, jap mëpaat yaj'apëkë nëëjoty ets jëtu'un ëxëëk wyë'ëmëty koonëm kyootsëty, ko jëtu'un y'itëty, tääts jatëkok wa'ats wyë'ëmëty.

Números 31:22

Tëkokyë mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn, ëtëyë pujxn ets yu'unk pujxn,

Números 31:24

E kom wëxtujk xëëw jää nëjkx yë mwit xypyujtë ets wa'ats mwë'ëmtëty. Täänëm mtëkëtëty kajpnjoty.

Éxodo 19:10

ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Éxodo 19:14

Ënät ja Moisés ojts jam tsyo'onë kopkkëjxm ets kyëtaknë ma jap ja ja'ayëtyën tääts nyäjyëjp'ixëtëty, jëtu'unts ja Tios tukxoonta'aktëty ets tmëjjawëtëty. Ja ja'ayëty ojts ja wyit tyujkxëty tpujta'atë tjä'tsta'atë,