Números 31:16 - Biblia Mixe de Quetzaltepec

¹⁶ Wi'ix ko të xyajwë'ëmtë, tii këtiijën xyjyä'ämyätstë ko yë'ë ojts yë Balaam kyajpxwijëtë wi'ix yë Israel ja'ayëty tkäjpxykyumëtoownaxtëty ja Wintsën ets t'ëwtatëty ja Baal-peor. Paatykyëjxm ja Wintsën tyaj'o'ky ja mayjyä'äy.

Números 31:16 ပူးပေါင်းရင်းမြစ်များ

2 Pedro 2:15

Tëkoy y'ijnëtëp yë'ëjëty, jä'ä ko ja oypyë ja në'ë tu'u të t'ëxmatstë ets ja Balaam wyinma'any të tpanëjkxtë, ja Beor myaank mëti'ipë meeny jyajëpëkanën mëët ja ëxëëk winma'any.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Josue 22:17

¿Wi'ix, namaa natiijën xyjyawëtë yë nëë poky mëti'ipë tyuuntën ja Peor kajpn mëti'ipë tyampaat ka'ap yajja'atyëkoynyëm ets ko ja ja'ay may tku'o'këyë?

Deuteronomio 4:3

Miitsëty ojts kë'ëm xytyim'ixtë wi'ix yë Wintsën tuunyën yë Baal-peor ets wi'ix tyajkutëkooytyääyën tëkokyë ja ja'ay jampë ënäty yajpaatën ma tääpë it naaxwiinyëtën, mëti'ipë wiink wintsën y'ëwtajtëpën.

Números 24:14

E tyam, oyës nwinpitëty maajës yë nnaax nkajpnën. Jëyëjp yam aaw ayuk nyaka'anyës ma mijtsën ets xynyijawëty tii ya'atë naax kajpn tyunäämpyën.

Proverbios 23:27

Jä'ä ko yë wiink to'oxytyëjk ets ja mëti'ipë jyot nyini'kx tyo'kpyën, jëtu'un yë'ë tä tu'uk nëëjutën axu'utspë.

Números 25:18

Jëtu'un tä yë'ëjëty të mtunëtën mëët ja y'ëxëëkjot y'ëxëëk winma'anyëty ko të mtuk'ëwtatëtë ja Baal-peor. Näyjyëtu'un tä të y'ëti'itsyën yë Cozbí, ja Madián ja'ay ja nyëëx, mëti'ipë ojts ja ku'umën mëët yajtukjë'pnaxyën. Koos nkejxy ja ëyo'on jotmay, mëët ko ënäty ja Israel ja'ayëty të t'ëwtatë ja Baal-peor.

Eclesiastés 7:26

Tëës npaaty tu'uk yë winma'any mëti'ipë yajma'typën yë juukyajtën: tu'uk yë to'oxytyëjk mëti'ipë yë jot winma'any je'eyë tyuk'ëyi'kpyën ets tyajjaty yë aaw jot tsumpyën xotypyën. Mëti'ipë ja'ay jyä'ämyejtsypyën yë Tios kyukä'äkëp yë jëtu'unpë, e mëti'ipë najtspëkë ja'ay'ajtpën poj'am jam kya'ajëty.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

Números 31:8

Ojts tyaj'ooktë ja Eví, Réquem, Zur, Hur ets Reba, jä'ä ja nimëkoxpë ja yajkutujkpëty mëti'ipë jam ënä'ämtëpën ma Madián ja'ayëtyën. Näyjyëtu'un ja Balaam ojts tyaj'ooktë, ja myaank ja Beor.