Números 30:3 - Biblia Mixe de Quetzaltepec

³ Ko tu'uk yë to'oxy'ëna'k tii twaanta'akëty ma Wintsënën ëkë tuna'anëty tii winë ma ja tyeety yë'ë myëët'atyënëm.

Números 30:3 ပူးပေါင်းရင်းမြစ်များ

Números 30:2

Ko tii ja'ay twaanta'akëty ets Tios tuknijawëty ko winë tyaka'any nëjkxëp tkuuytyuny ets tyakëty mëti'ipë ënäty të twaantä'äkyën.

Números 30:4

Ets tyeety tnijawëty ko tëëtëm tii winë twaantä'äky ets tuna'any winë. Pën ka'ap wi'ix y'ënë'ëmxëty kopkpëky ko tkuuytyunëty ets tyakëty ja mëti'ipë ënäty të twaantä'äkyën.

Levitico 27:2

Jëtu'un xy'ënëëmëty yë Israel ja'ayëty, ko pën nyäkyukëpäta'anëtëty ma Tiosën ets jëtu'un ja wyaantakën tyaj'ëtuka'anëty.

Números 6:2

Jëtu'un xy'ënëëmëty yë Israel ja'ayëty: Pën tu'uk yë to'oxytyëjk ëkë ye'etyëjk tyuunpy yë waantakën ma Wintsënën, ko jä'ä y'ita'any nazareo ja'ay, mëti'ipë jyuukyajtën të twaantä'äkyën ma yë'ëjën.

Josue 9:18

E ja Israel ja'ayëty ko jam jyajtë ka'ap ojts tyaj'ooktë ja Gabaón ja'ayëty, jä'ä ko ja kopktëjkëty tëë ënäty jëtu'un tukwinwanëtë ja Wintsën mëti'ipë Tyios'ajtëpën ja Israel ja'ayëty ko tnimä'kxa'antë ja jyuuky'ajtënëty. Paatykyëjxm ja mëjja'aytyëjkëty ojts tyukjoot'anpëkëtë ja Israel kajpn.

Jueces 11:35

Ko jëtu'un t'ijxy ënät ojts yë wyit amëjaaw tnënuky ets tkë'ëtswä'kxy mëët ko janty mëk tja'awëy ko jä'ä ja nyëëx pyëtsiimy äjtspë ets t'ënëmaay: U'unk maay janty o'ktëyës näjyawëty. Mijtsës ënät tyam ëxëëk xyajjajtp xyajkëpäjtp. Tëës yë waantakën tu'uk ntuny ma Wintsën e kopkpëky koos ënät nmo'ojëty mëti'ipës të ntukwinwanën.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënäty mijts të ntukmëyoxy.

2 Crónicas 36:13

Ënät ojts tmëtsiptsoony ja yajkutujkpë Nabucodonosor, mëti'ipë ënäty të tyuknikäjpxyën mëët ja Wintsën xyëëwkyëjxm ko tu'ukyë nyäyaj'ita'anëtë ets tu'ukyë ja winma'any tmëët'ata'any ko ka'ap tnijootwinpita'any ja Wintsën, mëti'ipë ja Israel ja'ayëty Tyios'ajtëpën.

Salmos 50:14

Wä'än yë Tios yë'ë tyajtukwintsë'ëkë yë kukajpxën ja'awëkyëtakën; kuuytyun mëti'ipë të xytyukwinwanën ja Ni'ik Këjxmëpë.

1 Corintios 14:34

Amonyë ja to'oxytyëjk y'itëty ma ja mëpëjkpëtëjk ye'eymyuktën, jä'ä ko ka'ap kyutukyëty ets yë'ë jap kyajpxtëty. Ja nyiye'etyëjk ënä'ämëtëp ijxtëm ja Tios ja kyutujkën y'ënä'änyën.