Números 30:13 - Biblia Mixe de Quetzaltepec

¹³ Yë ye'etyëjk jyëkyäpëp jëtu'unpë waantakën tkupëkëty ëkë tyaj'atëkoyëty ets oytyiiwaantakënëty mëti'ipë ënäty ja tyo'oxytyëjk të tunyën.

Números 30:13 ပူးပေါင်းရင်းမြစ်များ

1 Corintios 11:3

E ntukja'amyätsantëp näjyëtu'un ko yë Kristë yë'ë nyikëpajk'ajtyp yë ja'ay tu'uktu'uk; ets ye'etyëjk yë'ë nyikëpajk'ajtyp yë tyo'oxytyëjk, jëtu'un ijxtëm ja Tios nikëpajk'atyën ja Kristë.

1 Corintios 11:9

Ja ye'etyëjk ka'ap ojts yë'ëjëty yajtukni'oytyunë ko jyää'aty ja to'oxytyëjk, ja to'oxytyëjk ojts yajtukni'oytyunë ko jyää'aty ja ye'etyëjk.

Isaías 58:5

¿Jä'ä jëtää miitsëty mmaytyë mtajtë koos yë'ëjës ntukjotkëtäkpy ko ja'ay mon tuk yajpaaty, ko ja'ay winta'ak naaxkow jyëtity tä tutkopkën ëkë ko ja'ay tuktëkë wit mëti'ipë kuumpën u'kxpën, ëkë ko ja'ay nyätyukuwo'kta'ayë kuyjaam ets naaxway? ¿Jëtu'unën ja'ay y'ayuu'atyë, jëtu'un yë ja'ay tmëjjaw tkënu'kxjawë Wintsënë?

Salmos 35:13

Ko ijty pyëkëtë y'ixëtë, näjyëtu'unës ijty ëjts nyajpaaty mon tuk mëët yë'ëjëty, etsës ja nwit ntuktëkë mëti'ipë kuumpën u'kxpën, täätsës näjyëtu'un n'ayuu'aty n'axëëw'aty; ets maas ja njot nwinma'anyën ka'apës npo'kxy mëët ja wa'anën tso'owën.

Esdras 8:21

Ok ojts nipëjktaakës ets ja ja'ay y'ayuu'atëty tu'uk xëëw jam ma mëjnëë nyäxyën mëti'ipë yajtijpën Ahavá, ets yajmëmay yajmëtajëty ja tuuntëko'oy kajpxtëko'oyën mëti'ipë të yajtunyën ma ja nTios'ajtëmën, tääts yaj'amëtow yajpëjktsowëty wä'än oy mëjaaw xyajtu'uye'eyëmë mëët ja n'u'unk'ajt n'ëna'k'ajtëmë ets jënu'un winë nmëët'ajtëmën.

Números 29:7

Ma myajk anyën ja mëwëxtujkpë ja po'o, jä'ä nëjkx mye'eymyuktë ets ja Wintsën mëj'äämpy xyajnaxtëty. Nëjkxëp jää m'ayuu'atë ets nitiituunk xykyatuntëty.

Levitico 23:32

Ya'atë xëëw jä'ä jëtu'un nyaaxëty ma miitsëtyën tu'uk po'kxënxëëw ets tu'uk yë xëëw ma miitsëty m'ayuu'atëtyën ets jä'ä myëtsyoowë'ëkëty jënäkyxyëëw ma tyaxtujk'anyën ja po'o ets jyëjpkëxëty komjëpom jënäkyxyëëw.

Levitico 23:27

Ma myajkxëëpetyën ja mëwëxtujkpo'opë, jä'ä mëpaat ja pokymyä'kxën y'ity. Jä'ä mye'eymyuktëty ets wa'ats xyajnaxtëty ya'atë nyänyiye'eypyätë, m'ayuu'atëp jä'ä ets ja Tios xymyo'otëty ja wintsë'kën, ma jëtu'un'äämpyë xymyëjjawëtëtyën.

Levitico 16:29

Ya'atë ënä'ämën itëp jëtu'un xëmë ma miitsëtyën. Ma myajk'anyën ja mëwëxtujkpo'opë nitii jää xykyajë'kxtëty, ayuu jä'ä mxëëwnaxtëty ets nitii jää xykyatontëty, wä'än timpyënëty, oy yë'ëjëty yë Israel ja'ayëty ets oy yë'ëjëty yë jaaypyaat jaaypyo'kxyëty, mëti'ipë ijtëpën ma miitsëtyën.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Tios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

Números 30:12

E ko ja nyiye'etyëjk tnijawëty ets ka'ap ja jëtu'unpë tkupëky, ja to'oxytyëjk ka'ap nëjkx atsip tyäky ja mëti'ipë ënäty ja Wintsën të tukwinwanën; jä'ä ko ja nyiye'etyëjk ka'ap të tkupëky, yë Wintsën ka'ap nëjkx atsip y'amëtoyë.

Números 30:14

Pën yë'ë ka'ap wi'ix y'ënä'äny, je'eyë amonyë y'ity, mëët ja wyaantakën ets mëti'ipë ja Tios të tukwinwanën ets nyäxy jëtu'un mäjtsk tëkëëk xëëw, jëtu'un'äämpy yajnijawëty, ko yë'ë y'a'ijxëp ënäty.