Números 3:9 - Biblia Mixe de Quetzaltepec

⁹ Ëpëky xypyëjkta'akëty yë Leví ja'ayëty ma myëku'uktëjkëtyën yë Israel ja'ayëty. Ets yi'iyë atu'uk timtyuunk'atëty ma ja Aarón yajputëkëja'anyën ets näjyëtu'un ja y'u'unk y'ok.

Números 3:9 ပူးပေါင်းရင်းမြစ်များ

1 Crónicas 15:2

Ënät ja ënä'ämën ojts tyajwë'ëmy ets y'ënäny: Ka'ap tjëkyepy ni pën tonëty yë Wintsën yë kyaaxë, yi'iyë Leví jyä'äy patëtëp tontëty, jä'ä ko yë'ë kë'ëm yë Wintsën të wyin'ixëtë ets jam xëmë tyuntëty ma yë'ëjën.

1 Crónicas 6:33

Ja mëti'ipë jam yajpatëpën mëët ja y'u'unk y'ëna'k yë'ë ënäty jam'ajtëp ja Quehat y'u'unk y'ok. Yë Hemán, yë'ë tyeety'ajt Joel; e yë Joel, yë'ë tyeety'ajt Samuel,

Esdras 2:43

Yë'ë jap tuuntë tsajptëkoty, ja y'u'unk y'okëty ja Sihá, Hasufá, Tabaot,

Esdras 6:18

Ets tuknipëjktë ja teetytyëjkëty ets Leví ja'ayëty ets jä'ä ja Wintsën jap tmëtuntëty ma ja tsajptëjkën jam Jerusalén jëtu'un tä myinyën kuja'ay jap nokyjoty, ma ja Moisés ja nyokyën.

Esdras 8:20

Ja ja'ayëty mëti'ipë tuuntëpën ma ja tsajptëjkën ets mëti'ipë nyikopk'ajtën ja Leví ja'ayëty, mëti'ipë ja David kë'ëm tyimtuknipëjkën ja tuunk, jä'ä nyiwinë'ajtë mäjtsk mëko'px ja i'px, aak mëkäjpxy y'ijtë nitu'ukjaty.

Números 16:9

Miitsëty, ¿wi'ix, namaa natiijën xyjyawëtë ko yë Tios të mwin'ixëtë ma Israel ja'ayëtyën, ets winkon myajpaatëty ma yë'ëjën ets mtuntëty jap ma ja tsyajptëjkën, ma ja naax kajpn xymyëtuntëtyënë?

Números 18:2

E m'ënëëmëp yë Leví ja'ayëty, mëti'ipë mijts mtuk'ijtëpën ets mputëkëtëty ets näjyëtu'un yajputëkëtëty yë m'u'unk m'ëna'këty ma tuunk tyu'uye'eyën, ma ja wit tëjkën mëti'ipë myë'ijtypyën ja käjpxytyu'unën.

Números 3:8

Yë'ë näjyëtu'un kyëwent'attëp ja apëjk atu'unën mëti'ipë jap tuunpën ma ja wit tëjkën ma ja näpyaatë y'ityën mëët yë Tios. Ets xëmë yajpaatëty jap oy jëna'a xëëw yë Israel ja'ayëty myëkajpxa'anëtëty, ko tyaka'antëty yë wintsë'kën.

Números 8:14

Jëtu'un nëjkx ëpëky xypyëjktä'äky yë Leví ja'ayëty etsës njä'ä'atëty.

Números 8:16

Jä'ä ko ma Israel ja'ayëtyën, yë'ëjës të nwin'ixtë etsës njä'ä'atëty. Ëjts nkupëjkpyës yë'ëjëty ets jëtu'un tpaatëty tä jeexyë miitsëty xymyo'otësën ja mkä'äxkopkëty.

Números 8:18

E yë'ëjëty nimay ënäty oyëty, paatyës yë Leví ja'ayëty yë'ë të nwin'ixy ets yë'ë tkunaxtëty ja kä'äxkopktëjk.

Números 8:19

Ëjts yë'ëjës jëtu'un të nwin'ixy yë Leví ja'ayëty etsës të nmo'oy yë Aarón mëët yë y'u'unk y'ëna'k ets jap tkutuntëty tëkokyë yë Israel ja'ayëty ma ja wit tëjkën ma ja näpyaatë y'ityën mëët yë Tios, jëtu'un'äämpy tpaatëty ja pokymyä'kxën ma Tiosën. Jëtu'un'äämpy ka'ap nëkooyë yë Israel ja'ayëty tmëwinkontëty yë Tios yë wyittëjk ets ka'ap wi'ix jyatëty kyëpätëty.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Tios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

Efesios 4:8

Paaty ja Tios ja y'aaw y'ayuk këxja'aypyë y'ënä'äny: Ko pya'tëjkëy tsajpjotm, ojts tyajnëjkxta'ay ja tsumpyë matsypë, ets ja naaxwiinyëtë ja'ay ja tyuunk tmooy.