Números 3:7 - Biblia Mixe de Quetzaltepec

⁷ Yë'ë nëjkx tputëkëtë ja Aarón ets naax kajpn ma ja wit tëjkën ma ja näpyaatë y'ityën mëët yë Tios. Ets yë'ë nëjkx t'ixtë tuntë tiijaty jap yajtunaanpën ma ja tsajptëjkën.

Números 3:7 ပူးပေါင်းရင်းမြစ်များ

Números 1:50

Jä'ä ko yë Leví ja'ayëty yë'ë mëpaat jap xypyëjktä'äky ma wit tëjkën, mëti'ipë myë'ijtypyën yë käjpxytyu'unën. Ets yë'ë tkëwent'atëty tëkokyë mëti'ipë jap tuunpën ets mëti'ipë jap yajpatpën ma Tios yë wyittëjkën. Ko muum tääpë Tios yë wyittëjk yajmënëjkxëty, yë'ë nëjkx tyajpëtë'ëktë ets tmënëjkxta'atëty tëkokyë jënu'un jap tyunyën. Yë'ë jam tyimna'ittëp ya'atë Tios yë wyittëjk.

Números 8:15

Yë'ëjëty jam nëjkx tyuntë ma ja wit tëjkën ma näpyaatë y'ityën mëët yë Tios. Jëyëjp xykyënu'kxëty ets xyajtsi'iw xyajpujtëty, etsës xymyo'ojëty, tä tu'uk yë ayajk ako'onënën.

Números 8:11

Yë Aarón yë'ë nëjkx tkënu'kxy yë Leví ja'ayëty ëjts nwintuuyës, mëti'ipë kyutänëtëpën yë Israel ja'ayëty. Jëtu'un'äämpy yë Leví ja'ayëty yë'ë wyë'ëmtëty ma ëjtsën etsës xymyëtuntëty.

1 Crónicas 26:26

Selomit ets myëku'uktëjk yë'ë ojts yajtuknipëktë t'ijx'itëty ma winë pëjkë'ëky y'ityën mëti'ipë yajktën David, tsiptuunpë wintsënëty, mëjja'aytyëjk ets wintsëntëjkëty, mëti'ipë tyukwintsë'këtyën Wintsën.

1 Crónicas 26:22

ja y'u'unk y'ëna'k ja Jehiel ets myëkä'äxtëjk ja Zetam ets Joel yë'ë ënäty y'ijx'ijtëp jap winë tsajptëkoty mëti'ipë tsoowpaatyëtyën ets tam ja wit meeny këjää tnëkëjxm'aty.

1 Crónicas 26:20

Yë Leví ja'ayëty ojts näjyëtu'un yajtuknipëktë ets t'ijx'itëty maajaty winë y'ityën jap tsajptëkoty mëti'ipëjaty tsowëtyën ets mëti'ipë wit meeny may myë'ijtypyën, ja kënu'kxypyë ets ëmaaypyë.

Números 31:30

E ja kujkwä'kxy mëti'ipë ja naax kajpn patëtëpën, jëtu'un tä ja'ayën, jëyujkën, tsajpkaajën, kruktsën, kupixynyën, tu'ukjaty xyjyëpëkëty winë ma ja wëxtyikxy majkjatypën. Ets ja Leví ja'ay jä'ä xymyo'otëty mëti'ipë jap tuunpën maas nwittëjkën.

Números 3:32

Mëti'ipë ojts wyintsënkopk'atyën ma ja Leví ja'ayëtyën, yë'ë Eleazar, yë myaank yë teety Aarón. Ets yë'ë ojts t'ixy tuny ja ja'ayëty, mëti'ipë ënäty kyëwent'ajtëpën ja Tios yë wyittëjk.

Levitico 8:35

E paaty miitsëty, wëxtujk xëëw wëxtujk koots jam mwë'ëmtëty ma yajnitëkën ja wit tëjk ma näpyaatë y'ityën ets xytyuntëty jëtu'un tä ja Wintsën ja y'ënä'ämën tyiy'ajtënën, e pën ka'ap jëtu'un xytyuntë m'ooktëp miitsëty, jä'ä ko jëtu'un yë Wintsën të xytyuk'ëne'emyës.

Números 3:8

Yë'ë näjyëtu'un kyëwent'attëp ja apëjk atu'unën mëti'ipë jap tuunpën ma ja wit tëjkën ma ja näpyaatë y'ityën mëët yë Tios. Ets xëmë yajpaatëty jap oy jëna'a xëëw yë Israel ja'ayëty myëkajpxa'anëtëty, ko tyaka'antëty yë wintsë'kën.

Números 1:53

E yë Leví ja'ayëty yë'ë nëjkx tnatsëënëtë yë Tios yë wyittëjk ets yë'ë kyëwent'attëp, këtiipë yë Tios tukjoot'anpëkëty yë Israel ja'ayëty.