Números 3:6 - Biblia Mixe de Quetzaltepec

⁶ Mëkajpxta'a ja y'u'unk y'ok ja Leví ets tjëjpwa'akëtëty ja tuunk ma mëët tyuunmuktëtyën yë Aarón ma yajputëkëja'anyën.

Números 3:6 ပူးပေါင်းရင်းမြစ်များ

1 Crónicas 15:2

Ënät ja ënä'ämën ojts tyajwë'ëmy ets y'ënäny: Ka'ap tjëkyepy ni pën tonëty yë Wintsën yë kyaaxë, yi'iyë Leví jyä'äy patëtëp tontëty, jä'ä ko yë'ë kë'ëm yë Wintsën të wyin'ixëtë ets jam xëmë tyuntëty ma yë'ëjën.

1 Crónicas 23:28

yë'ë myëwë'ëmtë ja teety'ajtk, mëti'ipë ja Aarón y'u'unk'ajtyp y'ok'ajtypyën, ma ja tuunk ënäty tyu'uye'eyä'änyën jap tsajptëkoty, jap tëja'p, tëkoty ets ma yajpuja'anyën ja apëjk atu'unën kënu'kxypyë ets tëkokyë tiituunk jap yajpatpën.

1 Crónicas 23:32

Yë'ë näjyëtu'un ijty y'ijx'ijtëp ja tëkot ma ja näpyaatë y'ityën mëët ja Tios ets ma ja tsajptëjk tëkotën, tyuntë jap jëtu'un mëët ja jyiiky myëku'ukëty, mëti'ipë ja Aarón y'u'unk'ajtyp y'ok'ajtypyën.

1 Crónicas 6:33

Ja mëti'ipë jam yajpatëpën mëët ja y'u'unk y'ëna'k yë'ë ënäty jam'ajtëp ja Quehat y'u'unk y'ok. Yë Hemán, yë'ë tyeety'ajt Joel; e yë Joel, yë'ë tyeety'ajt Samuel,

2 Crónicas 29:11

E miitsëty u'unk maay, miits yam mpëjktsoowtëp ets xyjyotmay'atëty ya'atë tu'unën kajpxën, ma ja Wintsën të mwin'ixëtën ets xymyëtuntëty, xyaktëty jap ma jyëën tyëjkën ja poom ets ja wintsë'kën xëmë.

Esdras 6:18

Ets tuknipëjktë ja teetytyëjkëty ets Leví ja'ayëty ets jä'ä ja Wintsën jap tmëtuntëty ma ja tsajptëjkën jam Jerusalén jëtu'un tä myinyën kuja'ay jap nokyjoty, ma ja Moisés ja nyokyën.

Malaquías 2:4

Jëtu'un xynyijawëtëty ko ya'atë ënä'ämën mëti'ipë të nmo'otën yë'ë itaanp xëmë ma Leví ja'ayëtyën. Yë Wintsën mëti'ipë maaytyääyëpën winë yë'ë ënaanp.

Números 18:21

E yë Leví ja'ayëty, yë'ëjës yam nmoopy ets yë'ë tjä'ä'atëty mëti'ipë yë Israel ja'ayëty yajktëpën, tu'kpëky ma ja majk pëkpyën ko winë tpaatë t'ijxtë. Yë'ë myëju'uny'atëp, mëët ko jap tyuntë ma wit tëjkën ma näpyaatë y'ityën mëët yë Tios.

Números 2:17

E ja Leví ja'ayëty yë'ë ye'eytyëp ma ja mëtëkëëk këëyi'ikpyën. Jä'ä t'antijy ko itkujky ye'eytyëty, ma mëët ja mëmajktaxk këëyi'ikpyën ja tsiptuunpëtëjkëty nyäpyaatëtën. Yë'ë myënëjkxtëp tëkokyë jënu'un mëët yajtukkojyën ja wit tëjk ma ja näpyaatë y'ityën mëët yë Tios. Ma ja mëmajktaxk këëyi'ikpyë ja tsiptuunpëtëjkëty mäjtsk këëyi'iky nëjkx ye'eytyë jëjp'am. Tu'knax ye'eytyëty jëtu'un tä ënäty muum tsyënaaytyaknpëktën ets aakyë'ë pyaye'eytyëp mëti'ipë myëjwit wintëy'ajtëpën.

Números 2:33

E jä'ä ko Tios ënäty kë'ëm të t'ënëëmë ja Moisés ets këtii tyajnokytyëkëtëty ja Leví ja'ayëty, paatykyëjxm ojts ka'ap jap yajkëxja'atë ja xyëëwëty ma ja jaaymyujkën.

Números 3:5

Ënät ja Wintsën ojts tmëkäjpxy ja Moisés ets t'ënëmaay:

Deuteronomio 10:8

Ënät ojts yë Wintsën twin'ixy yë Leví y'u'unk y'ëna'k ets yë'ë tkë'ëtëty ja kaaxë mëti'ipë myë'ijtypyën ja käjpxytyu'unën ets tukwinkukëyëtëty ja Wintsën, ko tii wintsë'kën yajmo'oja'anëty, ijxtëm tyampaat tuntën.