Números 3:5 - Biblia Mixe de Quetzaltepec

⁵ Ënät ja Wintsën ojts tmëkäjpxy ja Moisés ets t'ënëmaay:

Números 3:5 ပူးပေါင်းရင်းမြစ်များ

Números 3:4

Yë Nadab ets Abihú ojts y'o'knëtë tyëkooynyëtë jam ma ja Wintsën ënäty yajpaatyën. Jä'äkyëjxm ko ojts jam wintë'ës'itum ja Wintsën tukwintoytyë ja jëën tëkatsypë, mëti'ipë ënäty ka'ap të tyuk'ënä'ämëtën. E yë'ëjëty ka'ap ojts y'itë yë y'u'unk y'ëna'këty. Paatykyëjxm yë Eleazar ets Itamar ojts yë'ë tpa'atwa'akëtë ja teety'ajtk. Jä'ä tëy ja tyeetyëty Aarón jä'ä ojts kë'ëm kyëwent'ajtënëtë.

Números 3:6

Mëkajpxta'a ja y'u'unk y'ok ja Leví ets tjëjpwa'akëtëty ja tuunk ma mëët tyuunmuktëtyën yë Aarón ma yajputëkëja'anyën.

Números 18:2

E m'ënëëmëp yë Leví ja'ayëty, mëti'ipë mijts mtuk'ijtëpën ets mputëkëtëty ets näjyëtu'un yajputëkëtëty yë m'u'unk m'ëna'këty ma tuunk tyu'uye'eyën, ma ja wit tëjkën mëti'ipë myë'ijtypyën ja käjpxytyu'unën.

Jeremias 33:18

nän ka'ap tyëkoy'ata'any yë teetytyëjkëty ets Leví ja'ayëty mëti'ipë winjëpom yaktëpën ja wintsë'kën no'okpyë xämpyë, yë aaypyajk ujtspajk mëti'ipës yajtukwintsë'këpën, ëpëky wiinkëtypë wintsë'kën mëti'ipës xymyooytyëpën.

Ezequiel 44:11

Jyëkyejpy nëjkx je'eyë kyëwent'atë maas yë ntsajptëjk yë tyëjkëtyaknën ets ma wiinkëtypë ja tuunkën mëti'ipë ka'ap nëkooyë myëjnaxyën; yë'ë nëjkx tyaj'ooktë ja jëyujk mëti'ipë yajnino'kpën ets mëti'ipë ja naax kajpn yäjkpyën jëtu'un tä ayajk ako'onën; yë'ëjëty jëjp'ijxp nëjkx y'itë oy tii ja kajpn tyimtuk'ënä'ämëtëty.

Números 8:11

Yë Aarón yë'ë nëjkx tkënu'kxy yë Leví ja'ayëty ëjts nwintuuyës, mëti'ipë kyutänëtëpën yë Israel ja'ayëty. Jëtu'un'äämpy yë Leví ja'ayëty yë'ë wyë'ëmtëty ma ëjtsën etsës xymyëtuntëty.