Números 3:39 - Biblia Mixe de Quetzaltepec

³⁹ Ko yë Moisés ets Aarón ojts ya'atë jaaymyujkën tyajpëtë'ëktë ma Leví ja'ayëtyën, tä ënäty yë Tios të tyuk'ënä'ämëtën. Ënät ojts tjaaypyëtsëmtë ja ye'etyëjktëjk mëti'ipë të pyo'opätën je'eyë ets mëjja'aytyëjkëty, jä'ä nyiwinë'atë i'px mäjtsk mil.

Números 3:39 ပူးပေါင်းရင်းမြစ်များ

Números 26:62

Yë ye'etyëjktëjk mëti'ipë Leví y'u'unk'ajt y'ok'ajtën, mëti'ipë ënäty tu'kpo'o ëka'any jyuuky'ätynyëmën ets mëjja'aypyaat, jä'ä nyiwinë'ajtë i'px tëkëëk mil. Yë'ëjëty ka'ap ojts jap ja xyëëwëty yajjaaypyätë ma ja Israel ja'ayëty yajjaaypyäjtën, jä'ä ko ka'ap ojts ja nyaax kyam yajmo'otë tä ja myëku'uktëjkëtyën.

Mateo 7:14

Temë ja najxtakn ets ja tu'u mëti'ipë nëjkxpën ma ja juukyajtën xëmëkyëjxmëpë, xu'uts jä'ä ets wäänë ja ja'ay tpaatë ets jap tyëkëtë.

Números 3:43

Ja ëna'ktëjkëty ja mëjjatyëtypë, ëkë ja mëti'ipë të pyo'opetyën, jä'ä nyiwinë'ajtë i'px mäjtsk mil ja mäjtsk mëko'px ja tëkë'px majktëkëëk.