Números 3:38 - Biblia Mixe de Quetzaltepec

³⁸ E jam xëëwpëtsëmtsyow, ma nyajts'ixën ja Tios ja wyittëjk ets wintuuytsyow ma nyajts'ixën ja wit tëjk ma ja näpyaatë y'ityën mëët yë Tios. Yë'ë ojts jam tsyënaaytyaknpëktë yë Moisés ets Aarón mëët yë myaankëty, mëti'ipë ojts tkëwent'atën ya'atë tsajptëjk ets jëtu'un'äämpy may tkutënaaytyë yë Israel ja'ayëty. Ko ijty pën nanëkoo t'atsoky ja teety tyuunk, o'kp ijty.

Números 3:38 ပူးပေါင်းရင်းမြစ်များ

Números 3:10

Yë'ë mtuknipëkëp yë Aarón ets y'u'unk y'ok, ma winë yajtuna'anyën mëti'ipë mëpaat ja teetytyëjk tuntën. Ko pën kë'ëmwinma'any tii tunaanpëty mëti'ipë ja teetyëjk tyuunk'ajtëpën nëjkxëp y'ooky.

Números 1:53

E yë Leví ja'ayëty yë'ë nëjkx tnatsëënëtë yë Tios yë wyittëjk ets yë'ë kyëwent'attëp, këtiipë yë Tios tukjoot'anpëkëty yë Israel ja'ayëty.

Números 2:3

Matsow yë xëëw pyëtsimyën yë'ë jam tsënaaytyaknpëktëp, yë tsiptuunpëtëjkëty mëti'ipë näwya'pëtëpën mëët ja Judá ja myëjwit wintëy. Ma yë'ë tsyiptuunpë wintsën'atyën yë Nahasón, yë myaank yë Aminadab,

Números 3:35

Yë'ë ojts nyikopk'atëtë Zuriel, yë Abihail yë myaank, anëkëjxytsyow ojts tsyëënëtë, ma ja Tios yë wyittëjkën.

Números 3:29

Ets ma ja Tios yë wyittëjk yajpaatyën, ëpa'tkë'ëytsyow ojts tsyënaaytyaknpëktë.

Números 3:23

Ya'atë ja'ayëty jam ojts tsyënaaytyaknpëktë xëëw këtä'äkytsyow, tsajptëjk jëxkë'p.

Números 1:51

Ko muum yajmënëjkxa'anëty, yë'ë jyittëp ets jatëkok tkojtëkatstëty ma ënäty të tmëja'tën. Pën nëkoo kë'ëmwinma'any myëwinkoonpy ya'atë tsajptëjk nëjkxëp y'ooky.

Números 3:37

Näyjyëtu'un ja nyixenyëty mëti'ipë kupë ijtëpën ma ja tëja'aw nakemyën, mëët yë nyi'ëjx, nyi'akujpë'ëk ets ja nyitejpxy.

1 Crónicas 23:32

Yë'ë näjyëtu'un ijty y'ijx'ijtëp ja tëkot ma ja näpyaatë y'ityën mëët ja Tios ets ma ja tsajptëjk tëkotën, tyuntë jap jëtu'un mëët ja jyiiky myëku'ukëty, mëti'ipë ja Aarón y'u'unk'ajtyp y'ok'ajtypyën.