Números 3:36 - Biblia Mixe de Quetzaltepec

³⁶ Yë Merarí yë y'u'unk y'ok ojts yajtuknipëktë tkëwent'atëty ja kepyjyiity mëti'ipë jap tuunpën ma ja Tios ja wyittëjkën, mëët ja nyikepy ma yajkëxwëëtyën ets ja nyixeny ets ja nyi'ëjx ma tu'ukjaty ja kepyjyiity yajtënaaytyä'äkyën ets tëkokyë winë jënu'un mëët tyunyën.

Números 3:36 ပူးပေါင်းရင်းမြစ်များ

Éxodo 26:37

Ets xy'oytyuunëty mëkoxk yë nyikupë aakyë'ë acacië kepy ets xytyukniwitsëty yë wa'ats pu'ts pujxn, mëët yë nyipu'ts pujxnjo'kn ets y'ëjx xy'oytyuunëty oy mëkoxkën, aakyë'ë tsuxkpujxn.

Éxodo 26:32

Ënät xy'oytyuunëty näjyëtu'un yë nyijo'kn, jam xykyëxtëyëty ma ja nyixeny ënäty të yajpëjktä'äkyën taxk, aakyë'ë ajë kepy, tä näjyëtu'un xytyukniwitsëty yë pu'ts pujxn ets y'ëjx xy'oytyuunëty oy majktaxkën yë poop pujxn.

Números 7:8

E ja Merarí ja y'u'unk y'ok jä'ä ojts tmo'oy ja kepy wintëkäämpë taxk ets tuktujk yë tsajpkaa. Jää ko jëtu'un ënäty tyajmëyatë ma ja tyuunkëty tyajtu'uye'eytyën ets yë'ë wyintsën'ajtëp ja Itamar, yë Aarón yë myaank.

Éxodo 39:33

tääts ja Moisés ojts tkë'ëmooytyääynyëtë tëkokyë mëti'ipë ënäty të tyaj'o'oyëtya'atën jap ma ja Tios ja jyëën tyëjkën; ja wit tëjk ma ja näpyaatë y'ityën ets tëkokyë jënu'un ënäty jap tyuna'anyën: ja jo'kn, ja kepyjyiity, ja witsë ets ja xeny mëët ja nyi'ëjx tu'uktu'uk.

Éxodo 36:36

Tääts jam tkëxtëëy yë pu'ts pujxnjo'kn ma ja taxkpë ja acacië kepy xyenyën, mëti'ipë nikoyën mëët yë pu'ts pujxn ets yë'ë y'ëjx'ajtyp yë poop pujxn, aakjëtu'un taxkëty.

Éxodo 35:18

Ja nyikupë mëti'ipë tuunpën ma ja Tios jyëën tyëjkën ets ma ja tëja'awën mëët ja nyitejpxy,

Éxodo 35:11

Yë tsajptëjk mëët yë nyiwittëjk, yë nyiyä'äp ja wit tëjk, yë jyo'knëty, yë nyikepy, yë nyikepyëty mëti'ipë yajtukpakë'ëtëpën, yë nyixeny, yë nyi'ëjx,

Números 3:35

Yë'ë ojts nyikopk'atëtë Zuriel, yë Abihail yë myaank, anëkëjxytsyow ojts tsyëënëtë, ma ja Tios yë wyittëjkën.

Números 3:37

Näyjyëtu'un ja nyixenyëty mëti'ipë kupë ijtëpën ma ja tëja'aw nakemyën, mëët yë nyi'ëjx, nyi'akujpë'ëk ets ja nyitejpxy.