Números 3:31 - Biblia Mixe de Quetzaltepec

³¹ Ya'atë ja'ayëty jënu'un tyu'kukajpn'atën, yë'ë ojts yajtuknipëktë ets tkëwent'atëty ja kaaxë mëti'ipë myë'ijtypyën ja käjpxytyu'unën ets ja kaaypyäjn ets ja mëj jëëntooytyakn, ja wintsë'këntyakn, ja apëjk atu'unënëty mëti'ipë tuunpën ko ja Tios ja wyintsë'kën yajmo'oy, ja wit'atëëytyuk ets tëkokyë winë mëti'ipë yajtuuntëpën ja teetytyëjkëty.

Números 3:31 ပူးပေါင်းရင်းမြစ်များ

Éxodo 40:30

Ja kë'ëpujtakn itkujky ojts tpëjktä'äky ma ja wit tëjkën ma ja näpyaatë y'ityën ets ja wintsë'këntyakn, tääts tyaj'ujtsy mëët yë nëë ets jëtu'un jap ja teetytyëjkëty kyë'ëpujtëty.

Éxodo 37:1

Yë Besalel ojts t'oytyuny ja kaaxë, mëti'ipë ja käjpxytyu'unën myë'ijtypyën, yë acacië kepy ojts tyajtuny, jä'ä y'ayenyëty mäjtsk kë'ënux ja kujkm ets myëjwiinëty tu'kkë'ënux ja kujkm ets kyëjxm'atëty tu'kkë'ënux ja kujkm.

Mateo 5:15

Ko ja'ay jëën tyajtooypyiky, ka'ap jap tpëjktä'äky kajjoonpa'tkë'p, këjxm yajpëjktä'äky ets tkutë'kxëty mëti'ipë jap tëkotyën.

Números 3:30

Mëti'ipë ojts tnikopk'atyën, ya'atë ja'ayëty jä'ä xyëëwajtyp Elisafan, yë myaank yë Uziel.

Números 3:32

Mëti'ipë ojts wyintsënkopk'atyën ma ja Leví ja'ayëtyën, yë'ë Eleazar, yë myaank yë teety Aarón. Ets yë'ë ojts t'ixy tuny ja ja'ayëty, mëti'ipë ënäty kyëwent'ajtëpën ja Tios yë wyittëjk.

Deuteronomio 10:8

Ënät ojts yë Wintsën twin'ixy yë Leví y'u'unk y'ëna'k ets yë'ë tkë'ëtëty ja kaaxë mëti'ipë myë'ijtypyën ja käjpxytyu'unën ets tukwinkukëyëtëty ja Wintsën, ko tii wintsë'kën yajmo'oja'anëty, ijxtëm tyampaat tuntën.