Números 3:25 - Biblia Mixe de Quetzaltepec

²⁵ Ma ja wit tëjkën ma näpyaatë y'ityën mëët yë Tios, yë'ë ijty kyëwent'ajtëp ja Tios ja wyittëjk, ja wit mëti'ipë ja tëjk yajtukniyä'pën, ja po'o mëti'ipë nyipëk'ajtypyën, ja wit'atëëytyuk mëti'ipë yajtuk'atëëytyujkpën ja wit tëjk,

Números 3:25 ပူးပေါင်းရင်းမြစ်များ

Éxodo 25:9

E tääpë wit tëjk maas ntsëënëja'anyën ets tëkokyë mëti'ipë jap tëkotsyow itaanpën, timjëtu'un xy'oytyunëty tä mëti'ipë ntuk'ixäämpyën.

1 Timoteo 1:18

Timoteo, u'unk maay; mijts yam ntuknipëjkpy ets ja tsip xy'atänëty mëët ja mëpëjkën ets ja jot winma'any, jëtu'un ijxtëm ojts ja käjpxynyajxpëtëjk mnimëtyä'äkyën. Jënaakën, mëti'ipë ojts ka'ap tja'akyukën ja jyot wyinma'any, tëë nyäyajtu'utëkoyëtë.

Colosenses 4:17

Tukmëmëtya'aktë ya'atë yë Arquipo: Kä'pxy xypyatunëty ja mtuunk ijxtëm ja Wintsën të mtuknipëkyën.

Marcos 13:34

Jëtu'un ijxtëm tu'uk ja ye'etyëjkën mëti'ipë jëkäm nëjkxpën. Ko tsyoony, y'ëne'empy ja tyuunpë ets tuunkmooytyä'äy ja tyuunpëtëjk ets t'ënëëmë ja tëjk ijxpë ets tkëwent'atëty.

2 Crónicas 31:2

Ezequías tyuknikäkëtyääy ja teetytyëjkëty tiijaty tyuntëpën, mëti'ipë ojts tyuka'ajëtë tyaktëty ja wintsë'kën ma Wintsënën ma ja nay'ëëw'oy näykyajpx'oyë y'ityën, mëti'ipë ojts tyuka'ayë twin'ëw twinya'axtëty ja Wintsën ets mëti'ipë ojts tyuka'ayë tkëwent'atëty ja tsajptëjk'aaw.

1 Crónicas 23:32

Yë'ë näjyëtu'un ijty y'ijx'ijtëp ja tëkot ma ja näpyaatë y'ityën mëët ja Tios ets ma ja tsajptëjk tëkotën, tyuntë jap jëtu'un mëët ja jyiiky myëku'ukëty, mëti'ipë ja Aarón y'u'unk'ajtyp y'ok'ajtypyën.

Números 10:17

Ënät ojts tkäjta'atë ja Tios ja wyittëjk, tääts ja Guersón ja y'u'unk y'ok ets ja Merarí y'u'unk y'ok tmëtu'utëjkëtyë tëkokyë winë jënu'un ënäty mëët tyunyën. Jä'ä ko yë'ë ënäty të yajtuknipëktë ets yë'ë muum tmënëjkxtëty.

Números 7:7

Mäjtsk ja kepy wintëkäämpë ojts tmo'oy ja Guersón ja y'u'unk y'ëna'k ets taxk yë tsajpkaayä'äy. Jä'ä ko jëtu'un ënäty tyajmëyatë ma ja tyuunk tyajtu'uye'eytyën.

Números 3:7

Yë'ë nëjkx tputëkëtë ja Aarón ets naax kajpn ma ja wit tëjkën ma ja näpyaatë y'ityën mëët yë Tios. Ets yë'ë nëjkx t'ixtë tuntë tiijaty jap yajtunaanpën ma ja tsajptëjkën.

Éxodo 40:28

Ënät ja Moisés ojts tkëxtëy ja wit'atëëytyuk, jam ma ja Tios ja jyëën tyëjk yajnitëkën.

Éxodo 40:19

Ojts twijtstëëwta'ay ja wit ma ja Tios ja jyëën tyëjkën ets ojts tpëjktä'äky ja nyiwits nyijuux jëtu'un tä ënäty ja Wintsën të tni'ënä'ämën.

Números 1:50

Jä'ä ko yë Leví ja'ayëty yë'ë mëpaat jap xypyëjktä'äky ma wit tëjkën, mëti'ipë myë'ijtypyën yë käjpxytyu'unën. Ets yë'ë tkëwent'atëty tëkokyë mëti'ipë jap tuunpën ets mëti'ipë jap yajpatpën ma Tios yë wyittëjkën. Ko muum tääpë Tios yë wyittëjk yajmënëjkxëty, yë'ë nëjkx tyajpëtë'ëktë ets tmënëjkxta'atëty tëkokyë jënu'un jap tyunyën. Yë'ë jam tyimna'ittëp ya'atë Tios yë wyittëjk.

Números 3:24

Mëti'ipë ojts tnikopk'atyën yë Guersón yë jyä'äy jä'ä xyëëwajtyp Eliasaf, yë myaank yë Lael.