Números 3:20 - Biblia Mixe de Quetzaltepec

²⁰ Yë y'u'unk y'ëna'k yë Merarí ets jëtu'un tä tyu'kja'ay'ajtën, jä'ä xyëëwajtë Mahli ets Musi. Tëkokyë ya'atë ja'ayëty, yë ojts tja'ay'äty yë Leví. Ets jä'ä ojts jap ma jaaymyujkën yajkëxjaaytya'atë aakmëët yë y'u'unk tyo'oxytyëjkëty ets y'u'unk y'ëna'këty.

Números 3:20 ပူးပေါင်းရင်းမြစ်များ

Éxodo 6:19

Yë Merarí y'u'unk y'ëna'k jä'ä xyëëwajtë, Mahli ets Musi, jëyëjp yë mëjpë ets ok yë mutskpë. Ya'atë jëtu'un jyä'äy'ajt yë Leví.

1 Crónicas 6:19

Merarí y'u'unk y'ëna'k jä'ä xyëëwajtë Mahli ets Musi. Yë'ë ya'atë y'u'unk'ajt y'ok'ajt yë Leví.

1 Crónicas 25:3

Jedutún ja y'u'unk y'ok jä'ä xyëëwajtë: Guedalías, Zeri, Jesaías, Simí, Hasabías ets Matatías. Yë'ë ijty tu'uwinye'eyëtëp ja tyeetyëty Jedutún; yë'ë näjyëtu'un nyikajpx nyimëtyäkpy ja Wintsën ja y'aaw y'ayuk mëti'ipë tunan jatanëpën, yë'ë mëët tyuny ja xuxpë wojpë ets jëtu'un tnijawë ja aaw ayuk mëti'ipë ja Tios nyikajpxäämpyën ets jä'ä xëmë yajnajxyp ja kukajpxën ja'awëkyëtakën.

1 Crónicas 15:6

Ja Merarí y'u'unk y'ok ja nyiwinë'ajtë, nimäjtsk mëko'px ja i'px: Jeséas yë'ë ja myëku'uk nyiwintsën'ajtyp ets aakmëët ja jyiiky myëku'ukëty.

1 Crónicas 6:29

Yë Merarí y'u'unk y'ok jä'ä xyëëwajtë: Mahli, Libní, Simí, Uza, Simea, Haguías ets Asaías.

Números 3:33

Mëti'ipë jyä'äyajtën yë Merarí ya'atë ojts y'itë mëti'ipë ojts txëëwatën; Mahli ets Musi.

Números 3:19

Yë y'u'unk y'ok yë Quehat ets jëtu'un tä ënäty tyu'kja'ay'atën, jä'ä xyëëwajtë Amram, Ishar, Hebrón ets Uziel.

Números 3:21

Yë Libní ets Simí yë'ë ojts yë Guersón tja'ay'äty.

2 Crónicas 29:12

Ja Leví ja'ayëty mëti'ipë ojts ënätyë tyuuntëkëtën, yë'ë ya'atëty: ma Quehat y'u'unk y'okën, Máhat, yë Amasai myaank ets Joel, yë Azarías myaank; ma Merarí y'u'unk y'okën, yë'ë ja Quis, Abdí myaank ets Azarías myaank; ma Merarí y'u'unk y'okën yë'ë Quis, Abdí ets Azarías yë myaank, Jahaleel yë y'u'unk; ma Guersón y'u'unk y'okën, yë'ë ja Joah, myaank yë Zimá ets Edén, myaank yë Joah;

Éxodo 6:16

Yë Leví jä'ä jyuuky'äjty mëko'px ja i'px majkmokx mäjtsk jëmëjt. Jä'ä xyëëwajtë ja y'u'unk y'ëna'k, Guersón, Quehat ets Merarí, jëyëjp yë mëjpë ets ok yë mutskpë.

2 Crónicas 31:17

Ja teetytyëjkëty aak kuja'ay y'itë mëët ja y'u'unk y'ëna'këty y'u'unk tyo'oxytyëjkëty ets ja Leví ja'ayëty mëti'ipë jyëmëjt të t'apetyën i'px, wi'ixjaty ja tuunk të nyikääkëtën.

Zacarías 12:13

yë Leví yë y'u'unk y'ok ets tyo'oxytyëjktëjkëty; yë Simi yë y'u'unk y'ok ets tyo'oxytyëjktëjkëty;